Lúkas 16:26 - Uhokri Gahegbetawni Nukune akak Sawmus

²⁶ Hawata akiw uwetriwiy kuwis ibekhepka udahanwiy. Yuma manuket adahan hiyeg danuhne atere pit ine adahan hiyeg ayge danuhne atan wotuh.”

Uhokri Gannasan

²⁶ Hawwata akiw uwetriwiy kuwis bekhepka udahanwiy kuwis. Yuma manukket adahan hiyeg danuhne atere pit iné adahan hiyeg ayge danuhne atan wothu.”

Lúkas 16:26 Iomraidhean Croise

Sawmus 49:14

Ku samah muwtohvutne huwitha givigvu, inme miyaka gihuwtentenkis arimkanit biyukwiki. Givitkisme busipdipnek ariku gimewkis, piyawakad ariw givinkis. Ayteke ariwnteke ini, ku aysaw Kiyavwiye Uhokri nukuneh hawkri akiw, igkisme gihiyegavu kumadukigkisnek.

Sawmus 50:22

Timapnay inakni nuwnuh kuri, yis ku pariye numyehpitnivwi, kahadbe nah ka pisenwepma yikak akak madikte nudagoni. Mmanawa ayteke yuma pahavwinema hiyeg hiya yamnihka.

Matews 25:46

Ayteke ig Kiyavwiye Jesus pesenwehe giwn, ig awna: “Neras tiviknek arimkanit biyukwiki. Nerasme kibeynevwi igkis tiviknek aymahwa gimun Uhokri adahan avanenekwa.

Lúkas 12:59

Ku ig paraksepka atere, ig ka pes ayteke he ku aysaw ig katiwnih madikte gimatiwnihni. Yis hawata. Amawka ku yis wadithebdih yitaraksan gikak Uhokri pisenwate ku akak inin. Henewatbaki in.

Lúkas 16:25

Igme kiyavwiye Abraawh kaytwa giwn: “Nukebyi, kiyeminahnaba ku samah pis amadgate hawkri pis hiyap ka aynsima kabayka. Igme Lazaru hiyap ka aynsima mbeyne ayge. Kurime ig aydhaka ka aynsima ay numunuh, pisme ay hiyepne mbeyne abet kayahwaki avatra pitaraksan.

Lúkas 16:27

Ig igisye hiyapni hene, ig awna git: “Niguh, ku hene nikwe, nah aya pit, awahkisnig ta givinekut niguh.

Joawh 3:36

Ku pariye kamaxwevye givitit ner gikamkayh, igi aymuhwa gimun Kiyavwiye Uhokri adahan avanenekwa. Heneme ku pariye ka kamaxwa givitit gikamkayh, igi ka aymuhwati gimun Kiyavwiye Uhokri. Ig patehwevye giwtrik. Ig ka ik adahan ig darihwak gikak. Henewatbaki ig Joawh Batista awna.

Apokalípsi 20:10

Ayteke ig ner wavitye gikivarakis ku pariye gikinseptenkis neras hiyeg ig padekwikanek abetit tiket ahawkri ku pariye wohnenekwa adahan avanenekwa wageska payegbitaknen akak ini pisukempiye ku pariye bixiwahnene arihri. Egwata tiket ku kit ner pahavwi kene axtigibe kuwis padekwika payak gikak ner pahavwi ku pariye ikewne ke wotbe ig Uhokri gawnevebe bawa ig ner kene axtigibe gawneve. Ayge igkis madikte kayahnek takunipti adahan avanenekwa akiwka akiwkanek.

Apokalípsi 22:11

Ku pahavwi gihiyekemni taraksevye, pugamawka ku ig tiviknenekwa taraksenenekwa. Ku pahavwi gihiyekemni patehwevye, pugamawka ku ig kehnenekwa patahwakinenwa. Heneme ku pahavwi kuwis kibeyne, pugamawka ku ig kehnenekwa kabaykanenwa. Ku pahavwi kuwis gihiyekemni barewbetye, pugamawka ku ig wewnenekwa akak ini gihiyekemni barewbetye.