Lúkas 16:25 - Uhokri Gahegbetawni Nukune akak Sawmus

²⁵ Igme kiyavwiye Abraawh kaytwa giwn: “Nukebyi, kiyeminahnaba ku samah pis amadgate hawkri pis hiyap ka aynsima kabayka. Igme Lazaru hiyap ka aynsima mbeyne ayge. Kurime ig aydhaka ka aynsima ay numunuh, pisme ay hiyepne mbeyne abet kayahwaki avatra pitaraksan.

Uhokri Gannasan

²⁵ Igme kiyapwiye Abrawh kaytwa giwn: “Nukebyi, kiyemnahnaba ku samah pis amadgate hawkri pis hiyá kaayhsima kabayka. Igme Lázaru hiyá kaayhsima mbeyne ayge. Kurime ig aydhaka kaayhsima ay numunhu pisme ay hiyepne mbeyne abet kayahwaki apatra pitaraksan.

Lúkas 16:25 Iomraidhean Croise

Sawmus 17:14

Kiyavwiye, akak ini pidatni uya keh nah isahptaw giwkis; henewa, keh nah isahptaw giwkis neras amadgayavu inin ku pariye kuwis kadahan madikte kabayka ku pariye gimawkankis. Katiwnisa gitkis akak ini mbeyne ku pariye pis bayehe gidahankis. Hawata katiwnisa gikamkaykis gitaraksankis gitkis, hawata gihiwhivwikis gitaraksankis akiw.

Sawmus 49:11

Ini gimewkis wageswanek giwskekikis. Ayge igkis misakwanek avanenekwa. Hiyawa igkis kadahan ka aynsima waxri igkisnewa ikiswin.

Sawmus 73:7

Giyaknikis kivunmadave akak mbayka. Gihiyekemnikisme ivegminenekwa hiyakemniki mbeyviyenenwa. Yuma hiyeg mpithigkis.

Matews 27:63

Igkis danuh atere, igkis awna git: — Kiyavwiye, usuh kiye ku pariye ner kinisekevutne giwn ku samah ig aytente ay ukakuh. Ig awna: “Abet amamnam hawkrinek ariwntak numiremni, nah kannikawnek akiw.”

Markus 9:45

Nikwe battukawnaba adahan pis avuriw pihiyekemni adahan pis ka taraksa. Ku pis hiyap pis me taraksemet akak pikugku, pi kabayte pis bukihpin mpinekata pis tarakse. Mmanawa aysawnemenek pis katiwnivwenek avatra pitaraksan. Pi kabayte pis aymuhwa gimun Uhokri yumanene pikugku mpinekata pis padekwika pegbakte pikugku ta arimkanit ini iwetrit ku kiney kane aynsima kayahwaki.

Lúkas 16:20

Hawata akiw pahavwi awayg ayge madiptivye. Giw Lazaru. Ig busukvitwiye. Mpuse hawkri ig haritasaka avinumavrik ner igisye gilapota.

Lúkas 16:23

Ig igisye aynte amun miyaravye giwetrikis, ig hiyepne ka aynsima kayahwaki ayge. Ig sarayh givegi, ig hiyap kiyavwiye Abraawh piyawakte, hawata ig hiyap Lazaru ay giwanmaku.

Lúkas 16:26

Hawata akiw uwetriwiy kuwis ibekhepka udahanwiy. Yuma manuket adahan hiyeg danuhne atere pit ine adahan hiyeg ayge danuhne atan wotuh.”

Lúkas 6:24

— Heneme, akayih, ka aynsima mbayka ay yidahanek yis ku pariye ikewnevwi yuma arikna muwekne yit ku samah yis aynete amadga inin. Yis ka uti ariknawnemanek akiw ariw ku pariye yis kuwis kadahan.

Joawh 16:33

Nah ikene ini yinetni yit kahadbe yihiyekemni karisaw awaku ku samah yis kamaxwene nuvitit. Ay amadga inin yis hiyapkiska mbeyne ka aynsima yitnek. Ka sam. Ka ba yi barukiswa. Kuwis nah wanekbete yivetunyavu gihawkankis.

Attus 14:22

Ayge igkis ikenes gawaygikis neras ku pariye kamaxwenevwi givitit Kiyavwiye Jesus. Igkis awna gitkis: — Misakwanabay akak yikamaxwan givitit Kiyavwiye Jesus. Ka yi muwaka isahkiswa giw abet mbeyne. Akaknewa ini mbeyne wixwiy kawih Uhokri gikumadukan. Henewatbaki igkis ikenes gawaygikis.

Romanus 8:7

Hiyakemniki amadgaya inin suguhak akak Uhokri gihiyekemni. Hiyeg ku pariye wewne akak ini hiyakemniki amadgaya inin ignes ka kumadukasewkere ta git Uhokri. Wake igkis kumadukasewkerebe git Uhokri, igkis kawnata hiyak asamanakam.

Filipénses 3:19

Igkis kuwis kiduhe hanpa arimkanit biyukwiki. Igkis isaksaw arit gimirihwankis amadgaya inin. Innewa humaw giwohkigakis. Igkis ka mara akak gitaraksankis. Igkis pi kehpiva giwantikis akak gitaraksankis. Igkis ivegminenekwa gihiyekemnikis amin arikna amadgaya inin.

1 Tesalonisenses 3:3

Kahadbe ini yihiyvan mbeyne in ka dunih yawaygi. Mmanawa amawka ku wixwiy Jesus gihiyegavu hiyap mbeyne. Henewa Kiyavwiye Uhokri ikiswanaw udahanwiy.

Ebréws 11:25

Ig kaniy adahan ig hiyepne mbeyne payak gikakkis Kiyavwiye Uhokri gihiyegavu mpinekata ig hiyepne batekka adahan aynesa hawkri ay amadga inin, ku pariye keh ig taraksa gikak Kiyavwiye Uhokri.

1 João 2:15

Ka yi muwaka batek akak ini hiyakemniki mbeyevye ku pariye hiyeg kane Uhokriyanvuma batek nikak. Kawnata yi muwaka batek akak gewkanbetkis. Ku wis batek akak ini hiyakemniki amadgaya inin, amun ini nikwe wis ka batek gikak Wigwiy.

Apokalípsi 7:14

Nahme kaytwa giwn: — Nah ka hiyak, Kiyavwiye. Piski hiyak. Igme awna nutuh: — Nerasneki hiyeg ku pariye peswiye abetitak ka aynsima mbeyne. Gihiyekemnikis kuri barewbet awaku ku samah igkis kamaxwe kabayntiwa givitit Kiyavwiye Jesus abetnewa ini mbeyne. In ke wotbe igkis sukuhbetevyebe gikawihnikis ahakwat Muwtohyan gimig. Inneki keh kuri in gikawihnikis wageswa seyne.