Lúkas 16:23 - Uhokri Gahegbetawni Nukune akak Sawmus

²³ Ig igisye aynte amun miyaravye giwetrikis, ig hiyepne ka aynsima kayahwaki ayge. Ig sarayh givegi, ig hiyap kiyavwiye Abraawh piyawakte, hawata ig hiyap Lazaru ay giwanmaku.

Uhokri Gannasan

²³ Ig igisye ayhté amun miyarapye giwetrikis, ig hiyepne kaayhsima kayahwaki ayge. Ig sarayh gipegyi, ig hiyá kiyapwiye Abrawh piyawakte, hawwata ig hiyá Lázaru ay giwanmaku.

Lúkas 16:23 Iomraidhean Croise

Sawmus 16:10

Nah awna: “Kibeyne, Kiyavwiye. Pis ka ikis nanmavuh aynte amun miyaravye giwetrikis. Pis ka isaksan nah pikamkayh barewvitye adahan nuvituh madivwip.

Sawmus 49:15

Nah hawata! Nah hiyak ku ig Kiyavwiye Uhokri wiwhunnek ariw miyaka adatni hawata ig amavannek ta givineut.

Sawmus 86:13

Pis ka aynsima pamnihra nukakuh! Pis ka isaksa nah muhuk ta miyakamnawit.

Sawmus 9:17

Hiyeg mbayavye payak gikakkis madikte hiyeg ku pariye kane aminema giw Kiyavwiye Uhokri, aysawnemenek igkis madikte tiviknek arimkat miyaka.

Matews 11:23

Ya yis hiyeg avitya paytwempu Kafarnawh. Yis ikawnamah pi avitminte hiyeg madikte. Heneme yis tukuhavepkanek ta warikwit arimkanit ini iwetrit ku kiney kane aynsima kayahwaki. Wake nah kehbe inwata nannuhbe aynte avit paytwempu Sodoma ku samah nah keh ayge yibet, nikwekam ignes paytwempuyenevwi mbayavye gihiyekemnikis ignes ayipa wagese gihiyekemnikiskam. Nikwekam ini paytwempu kuviknene ay.

Matews 18:9

Ku pis me taraksemet awaku pis iveg arimkat ku pariye arikna kane kabay, pi kabayte pis wareke piwtyak pis padekwin mpinekata pis tarakse. Mmanawa pi kabayte pis aymuhwa gimun Uhokri mowtih mpinekata pis padekwika pebakte piwtyak ta arimkanit ini iwetrit ku kiney kane aynsima kayahwaki abet tiket.

Matews 23:33

Yis kaybunyene hiyeg pahaywotneyevwi hawata ke yahawkrivwibe! Yis ikaksaka adahanikwa ini iwetrit ku kiney kane aynsima kayahwaki. Yuma ariknawnema hiya yimaptankanek ariw ini mbeyne.

Matews 5:22

Nahme awna yit, ku pahavwi he dagawnevi git gikebyi, nikwe amun ini ig kuwis ig tarakse. Igi kis adahan hiyaptigi hiyapkis mbeyne git avatra ini gitaraksan. Hawata akiw ku pahavwi awna gimin gikebyi: “Novre yuma gihiyekemni”, ay amun ini ig hawata tarakse. Igi kis adahan uwewkistenwiy hiyapkis mbeyne git avatra ini gitaraksan. Hawata akiw ku pahavwi awna gimin gikebyi: “Novre ka kabay. Kuri ig tivik ariwtrikut tiket.” Igi hawata ig kis adahan ig tivik ariwtrikut tiket ayge amun ini iwetrit ku kiney kane aynsima kayahwaki.

Matews 5:29

— Battukawnaba adahan pis avuriw pihiyekemni adahan pis ka taraksa. Ku pis me taraksemet awaku ku samah pis iveg gumkat nor tino akak piwtyak, kabayte pis wareke piwtyak pis padekwin mpinekata pis tarakse. Aysawnemenek pis katiwnih pitaraksannek. Kabayte pis biyukse piwtyak mpinekata pis biyukse pivit pahavwite amun ini iwetrit ku kiney kane aynsima kayahwaki.

Matews 8:29

Igkis danuh atere git Kiyavwiye Jesus, igkis kabiman git. Igkis awna: — Pis Uhokri gikamkayh. Pariye pikehni ukakuh ku avim inin? Mmah pis ayta womkat adahan hiyapkiswiye mbeyne wotuh? Kote uhawkanavrikma adahan usuh hiyapkiska mbeyne wotuh.

Lúkas 16:24

Ig hiyapni hene, ig kabiman ta gimkanit. Ig awna: “Niguh Abraawh, uya amnihun. Uya awahkis Lazaru ayta nutuh. Wani ig idis giwak akisunen ta ahakwat un adahan ig ayta tikis ta nunenmadgat adahan kisevine nunen. Mmanawa nah kayah ka aynsima abet nor tiket.”

Lúkas 16:28

Nah kadahan pohowku gikebikis nukebyuvwi ayge. Wani ig iki nudahan gihiyekemnikis kahadbekama igkis ka keh kema nahma marihwa igkis ka hiyap mbeyne ay abet inin kayahwaki hawata ke nahbe.”

Lúkas 8:28

Ku aysaw ig hiye Kiyavwiye Jesus, ig kabiman, ig padakwa ta gitivut. Ig awna git akak madikte gihawna. Giwn: — Aa, Jesus! Pis Uhokri gikamkayh inurikyene. Pariye pimawkan ta nutuh ku avim inin? Uya amnihun. Ka ba hiyapkis mbeyne nutuh.

1 Koríntyus 15:55

Avim ini miyaka ka hiya usamanakwiy akiw. Ku samah kaybune tariswika gaybu ig ka hiya uduhka akiw, miyaka kawnata hiya usamanakwiy akiw.

2 Pedru 2:4

Ku yis hiyap Kiyavwiye Uhokri ka bayahmina neras ahj ku pariye tarakse giwn minikwak, igkiskata akiw neras kinisekevutnevwi? Ig sarayhe neras ahj aynte warikwi. Igkis paraksepka arikut miyokwiye ku pariye kane amisnavyesima. Ayge ig Kiyavwiye Uhokri ikiswigkis he ku aysaw gihawkanavrikkis danuh adahan igkis katiwnivwe avatra gitaraksankis. Igkiskata akiw neras kinisekevutnevwi? Igkis hawata katiwnivwenek.

Apokalípsi 20:10

Ayteke ig ner wavitye gikivarakis ku pariye gikinseptenkis neras hiyeg ig padekwikanek abetit tiket ahawkri ku pariye wohnenekwa adahan avanenekwa wageska payegbitaknen akak ini pisukempiye ku pariye bixiwahnene arihri. Egwata tiket ku kit ner pahavwi kene axtigibe kuwis padekwika payak gikak ner pahavwi ku pariye ikewne ke wotbe ig Uhokri gawnevebe bawa ig ner kene axtigibe gawneve. Ayge igkis madikte kayahnek takunipti adahan avanenekwa akiwka akiwkanek.