Lúkas 16:2 - Uhokri Gahegbetawni Nukune akak Sawmus

² Ig gikivara timapni hene, ig watihe ner gihiyega. Igme gihiyega danuh atere, igme gikivara awna git: “Mmahki nah timap mbeyevye pak hene? Asa tamak amadga kagta madikte ku pariye piwiwhni, nah muwka madikte ayvekuye amadga kagta. Ayteke pis tivik. Ka hiya pisma avuriw newkanbet akiw.”

Uhokri Gannasan

² Ig gikipara timapni henne, ig watiha ner gihiyega. Igme gihiyega danuh atere, igme gikipara awna git: “Mmahki nah timá mbeyepye pak henne? Asá tamak amadga kagta madikte ku pariye piwiwhni, madé aypekwiye amadga kagta. Ayteke pis tipik. Ka hiyá pisma apuriw newkanbet akiw.”

Lúkas 16:2 Iomraidhean Croise

Matews 12:36

Aysawnemenek avim ini ku aysaw Uhokri gihivetnikis hiyeg ba ignes kibeynevwiwatma, avim ini ig keh igkis akkamnihnek madikte ginetnikis ku pariye tuguh gibiyrikutkis. Ihanabay inakni nuwnuh. Henewatbaki in.

Matews 20:8

Ayteke ariwnteke ini aygete kuwis, ig was akivara awna ta git akavriwten karukri. Giwn: “Watihanaba madikte nuhiyegavu. Katiwnihnigkis. Katiwnihnaba igkiskit neras ku pariye parak buttitnene abet annivwit he pis danuh ta gitkis neras ku pariye pitatyevwi parak.”

Lúkas 12:20

Heneme Uhokri awna git: “Pis mahayakempiye awayg. Ka ba pis hiyap ku avim inin mitipka pis umehpikanek? Madikte ini pewkanbet ku pariye pis darihe in misekwe gidahankis nawenyevwi hiyeg.”

Lúkas 12:42

Igme Kiyavwiye Jesus kaytwa giwn: — Nah awna gidahankis madikte hiyeg ku pariye ikewnevwi ke kibeynevwibe ibukti. Ku pahavwi ibukti hiyakemniye, ku ig kis adahan gikivara iveg givitit, nikwe ku gikivara tivikwiye, avit gitepkemni igme avuriwkis gibukvig nawenyevwi ta git. Pisenwa nikwe ig tivik. Igme gibuk misekwe. Ig ikene gimanakis mpuse hawkri.

Lúkas 16:1

Pisenwa gawnan inakni iwit hene, ig Kiyavwiye Jesus awna ta gitkis gikannuhnivwi nawenyewa iwit patuwesbuhka akiw. Ig awna: — Minikwak pahavwi awayg igisye kadahan pahavwi gihiyega, gewkanbet akavriwten. Pahay hawkri hiyeg danuh atere git igkis awna git: “Ner pihiyega pewkanbet akavriwten ig he padekbetevi pewkanbet akak pikakura.”

Lúkas 16:3

Igme ner awayg timapni hene, ig awna ginaktin: “Mmah nah keh kuri? Nukivara ka muwakavun akiw adahan nah kannivwi gidahan. Kitak nah uti naxninek? Nah yuma nudatni adahan nah kannivwiye awiyka. Nah marenpi makahpaw awptihan.

Romanus 14:12

Ayge wixwiy mpuse akkamnihnek madikte ku pariye ukehniwiy ta git Uhokri adahan igwa hiyak ukakwiy.

1 Koríntyus 1:11

Nukebyuvwi, kiyavuno Kulowe gumunyavu egkis kinetihwa nutuh ku yaytak ayge ka tuguhak gihiyekemnikis pawtak.

1 Koríntyus 4:2

Amawka ku pahavwi ibukti amawka ku ig ihpatrune gikivara giwn avananekwa.

1 Koríntyus 4:5

Nikwe amawka ku wixwiy ka ivegkak pawtak baki wixwiy kibeynewatma Uhokri gibukvig. Amawka ku wixwiy wahap Ukivarawiy inurikyene gidawnhan. Ku aysaw ig danuhnek igwa akkanek madikte ukehnitnene ku pariye ayamawnene abet amisnavye. Igwa kahayaksanek madikte uhiyekemniwiy ku pariye aynene avit uyakniwiy. Avim ini ig kabayhanek gibukvig ku pariye kisnene adahan amava gabay.

2 Koríntyus 5:10

Mmanawa aysawnemenek wixwiy madikte tabirbetnek givetun Cristo adahan ig uhiyvetniwiy ba wixwiy kibeynevwiwatma. Ayge ig ikinek wotwiy utiwniwiy pakekunawa akak ku pariye ukehniwiy ay amadga inin. Ku wixwiy keh kabayka, kabaykanewa ig ikinek wotwiy. Ku wixwiy keh mbayka, mbaykanewa wixwiy utinek.

1 Timótyu 4:14

Ka ba miniwbetaw ariw ini Kiyavwiye Uhokri gannu ku pariye ig ike pivitit minikwak avim ini ku aysaw Uhokri gawnevevu kinetihwene pit akak iwit ku pariye pes giwntak Kiyavwiye Uhokri, avim ini ku aysaw piwewkistenvu sarayh giwakkis pivitit igkis piriyepkaw pidahan adahan ikene pit pannivwi gidahan Kiyavwiye Uhokri. Ayge avim ini ig Kiyavwiye Uhokri ike gannu pivitit.

1 Timótyu 5:24

Avit pis iki annivwit git pahavwi adahan ig wewkisne Jesus gihiyegavu, amawka pis avuriwgi baki ig yumahwatma gitaraksan. Gaytakis hiyeg gitaraksankis ka mahikonema. Nikwe wis ka muwaka avuriwgikis baki igkis kataraksanema. Gaytakisme hiyeg ka kiberema wis uti gitaraksankis.

1 Pedru 4:10

Wixwiy mpuse kadahanyekuye wannuwiy ku pariye Kiyavwiye Uhokri gikan uvititwiy adahan wixwiy kehne arakembet kabayka. Amawka ku wixwiy kabivwihwa kawih ini wannuwiy pawtak gidahan Kiyavwiye Uhokri.

1 Pedru 4:5

Heneme aysawnemenek igkis akkamnihnek git Kiyavwiye Uhokri madikte ku pariye gikehnikis ay amadga inin. Ig kuwis ahegbet adahan ig hiyak gikakkis madikte hiyeg, neras ku pariye miyaravyempu gikakkis neras ku pariye kotenene miyate.

Apokalípsi 20:12

Ayge nikwe nah hiyap madikte miyaravyempu, neras ku pariye kiyatyevwi gikakkis neras ku pariye ikaka yumanene gikiytanikis. Igkis madikte tabirbet ayge avetun Uhokri gevwi. Ayge ka aynsima kagta wokepka. Ayteke nah hiyap pahakwa kagta wokepka akiw, ini kagta adahan dehetniki adahan avanenekwa. Ayteke nikwe ariwnteke ini ig Uhokri gihiyvetnikis madikte neras miyaravyempu ba igkis kibeynewatma. Ig ivegbohe madikte ini kagta amin ku pariye gikehnikis ay amadga inin, mmanawa gikehnikis tamakave amadga ini kagta.