Lúkas 16:19 - Uhokri Gahegbetawni Nukune akak Sawmus

¹⁹ Ayteke ig Kiyavwiye Jesus kinetihwa gitkis akak pahat iwit patuwesbuhka akiw. Ig awna: — Minikwak pahavwi awayg igisye. Ig bereswene akak gibereswan kane atiwnisima. Ig fetya ig kehne batekka takunipti.

Uhokri Gannasan

¹⁹ Ayteke ig Kiyapwiye Jesus kinetihwa gitkis akak pahat yuwit patuwesbuhka akiw. Ig awna: ―Minikwak pahapwi awayg igisye. Ig bareswapu akak gibereswan kaatiwnisima. Ig fetya ig kehne batekka takunipti.

Lúkas 16:19 Iomraidhean Croise

Markus 15:17

Ayteke nikwe igkis kadagmanevgi akak pahak dagam wagageboye, igkis imeve puduku, igkis kehe gisuwvren nikak.

Markus 15:20

Pisenwa gimiythankis igkis wiwhe ini dagam givititak, igkis kawihkise git gisimsa ku pariye gikawhan. Ayteke nikwe igkis tivikevgi avititak paytwempu adahan gideddehpitni.

Lúkas 15:13

Nikwenewa gikamkayh butye piyuke gidahan gewkanbet madikte. Ig ahiwe akakuravig madikte kuwis, ig awna: “Nah peswite givinekutak niguh.” Ig tivik ta avitit paha waxri ku pariye piyawakad. Ig danuh atere, ig mahayakemnihwenenwa, ig sarayhnenenwa gikakura.

Lúkas 16:1

Pisenwa gawnan inakni iwit hene, ig Kiyavwiye Jesus awna ta gitkis gikannuhnivwi nawenyewa iwit patuwesbuhka akiw. Ig awna: — Minikwak pahavwi awayg igisye kadahan pahavwi gihiyega, gewkanbet akavriwten. Pahay hawkri hiyeg danuh atere git igkis awna git: “Ner pihiyega pewkanbet akavriwten ig he padekbetevi pewkanbet akak pikakura.”

Lúkas 16:18

— Ku pahavwi awayg maytwe gihayo, ku ig maripkaw gukak pahavuwa tino akiw, amun ini nikwe giwtrik Uhokri ig kuwis powkemnihwe gukak. Hawata akiw ku pahavwi awayg kamaxe pahavu tino ku pariye maytwevyo gugihgi, ay amun ini nikwe giwtrik Uhokri ig kuwis powkemnihwe gukak.

Lúkas 16:20

Hawata akiw pahavwi awayg ayge madiptivye. Giw Lazaru. Ig busukvitwiye. Mpuse hawkri ig haritasaka avinumavrik ner igisye gilapota.

Apokalípsi 17:4

Nor tino kasimsavu akak gukawihni bereswetet kane atiwnisima wagageboye, duwboye. Eg bereswavu akak karukri wahano, akak tip bukabkahwavunano hawata akak akabdat seynovyo kane atiwnisima. Eg hiyuh akak pohow higeptet ay guwaku kehka karukri wahano. Egu higeptet kivun akak arikna mbeyevye patehwevye. Ini arikna mbeyevye innebaki arakak adahan gumahyakemni.

Apokalípsi 18:16

Igkis awnanek: “Akayih. Ka aynsima mbeyne danuhe arit ini paytwempu nopsadnene. Kuhwekwa in ay kewa pahavu tinobe bereswavu akak kamis kane atiwnisima, kamis masasanisniye wagageboye, kamis mawruboye duwbonevye, eg bereswavu akak karukri wahano, akak tip bukabkahwavunano akak akabdat kane atiwnisima.

Apokalípsi 18:7

Eg kuwis kawih ka aynsima gukiytani guvitit. Eg wew akak ka aynsima batekka amadgaya inin. Kuri yisme kawihkisnay guvitit ka aynsima kayahwaki akak ka aynsima kadniki. Mmanawa eg awna gunaktin: “Nah bat ay nuwetrimadga yikivara nah. Nah ka madankunoma, mmanawa madikte hiyeg wew nukakuh. Awetuvye nah hiyap kadniki.”