Lúkas 16:10 - Uhokri Gahegbetawni Nukune akak Sawmus

¹⁰ Ku pahavwi kannuh kawih aynesa arikna kabayntiwa gidahan Uhokri, nikwe ig hawata kannuh kawih ka aynsima arikna kabayntiwa gidahan Uhokri. Ku pahavwi ka kawih aynesa arikna wadit gidahan, ig kawnata hiyak akawhak arikna kiyestenene.

Uhokri Gannasan

¹⁰ Ku pahapwi kannuh kawih aynessa arikna kabayhtiwa gidahan Uhokri, nikwe ig hawwata kannuh kawih kaayhsima arikna kabayhtiwa gidahan Uhokri. Ku pahapwi ka kawih aynessa arikna wadit gidahan, ig kawnata hiyak akawhak arikna kiyesradima.

Lúkas 16:10 Iomraidhean Croise

Matews 24:45

— Ikawnabay ke kibeyne ibuktibe. Ku pahavwi ibukti hiyakemniye, ku ig kis adahan gikivara iveg givitit, nikwe ku gikivara tivikwiye, avit gitepkemni igme avuriwkis gibukvig nawenyevwi ta git. Pisenwa nikwe ig tivik. Igme gibuk misekwe. Ig ikene gimanakis mpuse hawkri.

Matews 25:21

Igme gikivara timapni hene, ig awna git: “Kibeyne! Pis kibeyne awayg! Pis ik adahan nah iveg ta pivitit. Pis kuwis kannuh kawih aynesa arikna kabayntiwa nudahan. Kuri nikwe nah iki piwakurit pi kibite arikna akiw. Hiyawa pis batek payak nukakuh.”

Matews 25:23

Igme gikivara timapni hene, ig awna git: “Kibeyne. Pis kibeyne awayg. Pis hawata ik adahan nah iveg ta pivitit. Pis kuwis kannuh kawih aynesa arikna kabayntiwa nudahan. Kuri nikwe nah iki piwakurit pi kibite arikna akiw. Hiyawa pis batek payak nukakuh.”

Lúkas 19:17

Igme gikivara timapni hene, ig awna git: “Kibeyne. Pis kibeyne awayg. Ku samah pis kuwis kannuh kawih aynesa arikna kabayntiwa nudahan, kuri nikwe nah iki piwakurit paytwempu madikawku akebi.”

Joawh 12:6

Ig awna inakni hene ke wotbe ig batek gikakkis madiptavyebe. Bawa kawa. Ig awna hene awaku ig amepye. Ig avuriwkevutne ukakura hawata ku kariwntak ig gibetki wiwh.

Joawh 13:2

Aygete usuh axne gikak Kiyavwiye Jesus. Ig Judas Iskariyotismin ku pariye amekene Simawh gikamkayh, ig ayge ukakuh. Kuwis wavitye gikivarakis tuguhkise abet gihiyekemni adahan ig kamaykiswiye Kiyavwiye Jesus.

Joawh 13:27

Igme axe ini bugut. Pisenwa gaxni, ner wavitye gikivarakis Satanas kawihpig. Ig Kiyavwiye Jesus hiyapni hene, ig awna git: — Iwawhawnaba. Hiyawa pis keh ku pariye pis kehkere.

Ebréws 3:2

Ig Kiyavwiye Jesus takunipti keh gawahkisten gibetki hawata ku samah amekene Moís keh gawahkisten gibetki minikwak ku kavim ig wewkisne madikte Kiyavwiye Uhokri gihiyegavu aynte amadga amatap.