Lúkas 16:1 - Uhokri Gahegbetawni Nukune akak Sawmus

¹ Pisenwa gawnan inakni iwit hene, ig Kiyavwiye Jesus awna ta gitkis gikannuhnivwi nawenyewa iwit patuwesbuhka akiw. Ig awna: — Minikwak pahavwi awayg igisye kadahan pahavwi gihiyega, gewkanbet akavriwten. Pahay hawkri hiyeg danuh atere git igkis awna git: “Ner pihiyega pewkanbet akavriwten ig he padekbetevi pewkanbet akak pikakura.”

Uhokri Gannasan

¹ Pisenwa gawnhan inakni yuwit henne, ig Kiyapwiye Jesus awna ta gitkis gikannuhnipwi nawenéwa yuwit patuwesbuhka akiw. Ig awna: ―Minikwak pahapwi awayg igisye kadahan pahapwi gihiyega, gewkanbet akapriwten. Pahay hawkri hiyeg danuh atere git igkis awna git: “Ner pihiyega pewkanbet akapriwten ig he padekbetepi pewkanbet akak pikakura.”

Lúkas 16:1 Iomraidhean Croise

Matews 20:8

Ayteke ariwnteke ini aygete kuwis, ig was akivara awna ta git akavriwten karukri. Giwn: “Watihanaba madikte nuhiyegavu. Katiwnihnigkis. Katiwnihnaba igkiskit neras ku pariye parak buttitnene abet annivwit he pis danuh ta gitkis neras ku pariye pitatyevwi parak.”

Lúkas 12:42

Igme Kiyavwiye Jesus kaytwa giwn: — Nah awna gidahankis madikte hiyeg ku pariye ikewnevwi ke kibeynevwibe ibukti. Ku pahavwi ibukti hiyakemniye, ku ig kis adahan gikivara iveg givitit, nikwe ku gikivara tivikwiye, avit gitepkemni igme avuriwkis gibukvig nawenyevwi ta git. Pisenwa nikwe ig tivik. Igme gibuk misekwe. Ig ikene gimanakis mpuse hawkri.

Lúkas 15:13

Nikwenewa gikamkayh butye piyuke gidahan gewkanbet madikte. Ig ahiwe akakuravig madikte kuwis, ig awna: “Nah peswite givinekutak niguh.” Ig tivik ta avitit paha waxri ku pariye piyawakad. Ig danuh atere, ig mahayakemnihwenenwa, ig sarayhnenenwa gikakura.

Lúkas 15:30

Igme pikamkayh ku pariye he sarayhpinen pikakura gukakkis tinogben powkemnavyo, pis umahkise pak akamkayh ku pariye aynengarudi gidahan. Mmahki inere?”

Lúkas 16:19

Ayteke ig Kiyavwiye Jesus kinetihwa gitkis akak pahat iwit patuwesbuhka akiw. Ig awna: — Minikwak pahavwi awayg igisye. Ig bereswene akak gibereswan kane atiwnisima. Ig fetya ig kehne batekka takunipti.

Lúkas 16:2

Ig gikivara timapni hene, ig watihe ner gihiyega. Igme gihiyega danuh atere, igme gikivara awna git: “Mmahki nah timap mbeyevye pak hene? Asa tamak amadga kagta madikte ku pariye piwiwhni, nah muwka madikte ayvekuye amadga kagta. Ayteke pis tivik. Ka hiya pisma avuriw newkanbet akiw.”

Lúkas 19:20

Ayteke pahavwiwa gibuk akiw danuh atere. Ig awna git: “Kiyavwiye, ahah, nop pikakura ay. Nah he misekwevi gukak. Nah wanakamkuhpig abet kamisbet.

Lúkas 8:3

Hawata pahavu tino guw Joana gaytakkis. Eg gugihgi giw Kuza ku pariye avuriwne Erodis gewkanbet. Hawata Susana ayge gukakkis, ka aynsima nawenyovwi tinogben ayge akiw. Egkis ku pariye hiyaknovwi gikak Kiyavwiye Jesus gikakkis giwatnivwi, egkis ku pariye katiwnih gimawkanitnenes akak gudahankiswa gukakurakis.

Titu 1:7

Pahavwi ku pariye huwithene Jesus gihiyegavu amawka ku ig waditye ke gikivara Kiyavwiye Uhokribe mmanawa ig kannivwiye gidahan Kiyavwiye Uhokri. Amawka ku ig ahegbet timap gitaraksan ku aysaw in ekkaka git. Amawka ku ig ka dagawnatruvyema. Amawka ku ig ka uwkihwatruvyema. Amawka ku ig ka kamabyanpiyema. Amawka ku ig ka miyarhaw aharit ariknawnema.

Tiyagu 4:3

Nawenetke wis ayapni git Kiyavwiye Uhokri heneme wis ka uti ku pariye wayapni git. Wis ka uti awaku wis ka aya git akakma gidahanma gihiyekemni. Wis aya arikna git henenwa adahan wis kehne ubetkinen nikak.

1 Pedru 4:10

Wixwiy mpuse kadahanyekuye wannuwiy ku pariye Kiyavwiye Uhokri gikan uvititwiy adahan wixwiy kehne arakembet kabayka. Amawka ku wixwiy kabivwihwa kawih ini wannuwiy pawtak gidahan Kiyavwiye Uhokri.