Lúkas 15:6 - Uhokri Gahegbetawni Nukune akak Sawmus

⁶ Ig tivik, ig danuh ta givinwat. Ayge ig pahadguh gikagmadavu gikakkis gihumwayevwi. Ig awna gitkis: “Uyay batek payak nukakuh. Mmanawa nah kuwis ute nuviguh biyukwiye.”

Uhokri Gannasan

⁶ Ig tipik, ig danuh ta gipinwat. Ayge ig pahadguh gikagmadapu gikakkis gihumwayepwi. Ig awna gitkis: “Uyay batek payak nukakhu. Mmanawa nah kuwis uté nupighu biyukwiye.”

Lúkas 15:6 Iomraidhean Croise

Sawmus 119:176

Nuwewni kewa pahavwi muwtohbe biyukwiye. Kiyavwiye, ba ayta iwevun nah pibuk, mmanawa nah ka miyeh pikumadukan.

Lúkas 1:58

Guhumwayevwi gukakkis gukebyuvwi egkis time arak inakni ku samah Uhokri amnihpig egkis iwasavgu atere. Egkis batekyokis payak gukak.

Lúkas 15:10

Hawata akiw ka aynsima batekka gimunkis Uhokri gihiyegavu ahj ku aysaw pahavwi taraksevye wages gihiyekemni.

Lúkas 15:24

Mmanawa ner nukamkayh ig ke wotbe ig miyarevyebe nuwhu kuwisbe. Kurime ig ay numunuh akiw. Ig ke wotbe biyukwiyebe nuwhu. Kurime ig utepka akiw.” Ayteke nikwe igkis kavusa fetya.

Lúkas 15:5

Ig utevgi, ig hiyuhpig ta giteyapminat mmanawa ka aynsima ig batek.

Lúkas 15:7

Hawata akiw aynte inurik ka aynsima batekka ayge ku aysaw pahavwi taraksevye wages gihiyekemni. Ayge igkis pi batekte akak ku samah pahavwi taraksevye wages gihiyekemni mpiya ku samah igkis batek gikakkis kaba madikawku madikwa (99) gikebikis ikewnevwi waditye.

Joawh 15:14

— Ku yis iha madikte nuwnuh, yis humaw nukagmadavu.

Joawh 3:29

Nah ay kewa pahavwi awaygbe ahegbetene inetit gidahan pahavwi ku pariye maripkewviye gukak pahavu tino. Nor tino ka kamax igi inetitkekne. Eg kamax igi ku pariye maripkewkerevye gukak. Ner inetitkekne ig he tabir timepne giwn ner maripkewkerevye gukak nor tino ku samah ig kinetihwene gukak. Ig timapni hene, ig batek ka aynsima. Nah hawata. Ku aysaw nah hiya hiyeg, timepne Kiyavwiye Jesus giwn, nah batek ka aynsima.

Attus 11:23

Ig danuh atere, ig hiyap ku samah igkis kuwis ameve Kiyavwiye Uhokri gabay. Ayge nikwe ig bateke gimin. Ig ikene gihiyekemnikis gitkis madikte adahan igkis tiviknenes kamaxwenene givitit Kiyavwiye Jesus avititakwa giyaknikis.

Attus 15:3

Ayteke nikwe igkis awahkise Polkis atere Jerusalém. Igkisme Pol tivik mpiye avitiw Fenisiyamnaw. Ayteke igkis mpiye avitiw Samariyamnaw. Igkis ekkenes muwapuw ku samah hiyeg ku pariye kane judeyenevwima igkis hawata wages gihiyekemnikis git Kiyavwiye Uhokri. Jesus gihiyegavu timapni hene, igkis batek giminkis.

Filipénses 1:4

Ku aysaw nah piriyepkaw yidahan, avanenekwa nah piriyepkaw akak ka aynsima batekka.

Filipénses 2:17

Nukebyuvwi, ini yikamaxwan ku samah yis kamaxwene givitit Kiyavwiye Jesus ini humaw ke nukanhube git Kiyavwiye Uhokri. Nawenetke nah umehpika avatra ku samah nah ekkene ginetni yit, heneme in ka sam nutuh. Ku nah umahkiswa yidahan, in batekka nutuh. Nah muwaka ibakha ini batekka yivuwiw.

Filipénses 4:1

Nikwe nukebyuvwi, nah aya yit ka yi muwaka isahkis yihiyekemni ayta giwntak Kiyavwiye Jesus. Nukebyuvwi kibeynevwi, nah kadni yiharit ka aynsima. Yis nubetkivu. Yis keh nah batek. Yis utipkis ka aynsima kabayka nutuh.

1 Tesalonisenses 2:19

Usuh muwaka darihwak yikak akiw mmanawa yisnewa iki wotuh wawaygi yisnewa keh usuh bateke uminuh. Aysawnemenek ku aysaw Ukivarawiy Jesus danuh atan akiw, nikwe usuh kabayhay ay givetun akak madikte ubetki.

1 Pedru 2:10

Minikwak wixwiy ka Kiyavwiye Uhokrima gihiyegavuma. Heneme kibeyne, ku avim inin wixwiy kuwis Kiyavwiye Uhokri gihiyegavu. Minikwak wixwiy ka hiyak ku pariye gamnihra. Heneme ku avim inin wixwiy kuwis hiyak ku pariye gamnihra.

1 Pedru 2:25

Minikwak wixwiy kewa muwtohbe biyukavyebe. Kurime wixwiy kuwis diyuhe git ner ku pariye Ukivarawiy ku pariye uhiyekemniwiy akavriwten.