Lúkas 15:22 - Uhokri Gahegbetawni Nukune akak Sawmus

²² Inme inakni gikamkayh giwn ka ariknawnema ta git gig. Nikwe ig awna ta gitkis gibukvig. Giwn: “Iwawhawnay. Ewknay nudagmanvit ku pariye pi barewtenene. Kawihkisnay givitit. Kawihkisnay akawakti ta giwakurit. Kawihkisnay kasavat ta gikugkavrikut.

Uhokri Gannasan

²² Inme inakni gikamkayh giwn ka ariknawnama git gig. Nikwe ig awna ta gitkis gibukpig. Giwn: “Iwawhawnay. Ewknabay ndagmanpit ku pariye pi barewtenene. Kawihkisninay ta gipitit. Kawihkisnay akawakti ta giwakuit. Kawihkisnay kasapat ta gikugkuprikut.

Lúkas 15:22 Iomraidhean Croise

Apokalípsi 6:11

Ayteke mpuse gaytakkis ikepka gitkis gisimsakis seyne. Ayteke pahavwi kaytwa giwnkis: — Kiyaknihwanabay adahan aynesa hawkri akiw, he ku aysaw yikebyuvwi gibukvig Uhokri nawenyevwi akiw buttiyevwi akiw igkis umahavepkanek hawata ke yisbe. Mmanawa gihawkanavrikkis kaba danuh adahan igkis hawata umahavepka ku samah Uhokri ikiswanaw gidahankis.

Apokalípsi 19:8

Kibeyne, ikepka gut adahan eg kawihminaw akak gusimsa bereswetet masasanisniye, barewbetye, tigigihwavwinene. Ini gukawihni innebaki arakak adahan ku samah Uhokri gihiyegavu gihiyekemnikis kibeynenenwa.

Apokalípsi 7:9

Ayteke ariwnteke ini nah sarayh nuvegi, nah hiyap ka aynsima hiyeg kabubuk. Igkis ka aynsima gikebikis. Yuma hiyeg hiya givuhkakkis. Igkis ariwntak madikte waxri, giwntakkis madikte hiyegiviyenevwi, pahabunenevwi, arakembetnene gihivakkis hawata arakembetnene giwnkis. Nah hiyap igkis tabirbet ayge avetun Uhokri gevwi kiyatyo ayge givetun ner Muwtohyan. Igkis kasimsavuwave akak gikawihnikis seyne. Igkis hiyuhmine akak ahamna ke kariktimnabe avan ay giwakukis adahan igkis sesehne givetunat Uhokri adahan ekkenes gibetkikis gikak.

Romanus 8:15

Mmanawa ku samah wixwiy ameve Uhokri Gitip, ig ka kumadukawiy akakma mpiksakima ke wotbe wixwiy gibukvigbe. Kuri ig kumadukawiy akak kabayka hawata ku samah pahavwi igti kumaduka gikamkayh. Kuri wixwiy iha giwn ka akakma wavisniwiyma gibohri, heneme wixwiy iha giwn awaku ku samah ig Wigwiy. Ig Gitip keh wixwiy humaw gikamkayuvwi. Ig keh wixwiy kighaw ta git, wixwiy kanumgi “Pa, Niguh”.

Apokalípsi 2:17

“Yis ku pariye katayebnenevwi, ataybiswanabay arimkat ku pariye Uhokri Gitip awna gitkis nuhiyegavu. Ku pahavwi ka isaksawnek arit wavitye gihiyekemni, nikwe nah ikinek git ariwntak ini axka kewye “maná” ku pariye hiyeg amadgayavu inin kane hiyap. Hawata akiw nah ikinek git pohow tip seyno adahan areketni ku nah batek gikak. Ayge guvit nor tip tamaknek giw nukune ku pariye yuma pahavwinema hiyeg ahiyekten. Ignewa ner ku pariye gudarihpitninek ignewa hiyaknek.” Henewatbaki ig Kiyavwiye Jesus awna nutuh.

Gálatas 3:27

Madikte wixwiy ku pariye kawihkiska givitit Cristo, ig Cristo ay uvitwiy.

Romanus 13:14

Kawihnabay Ukivarawiy Jesus Cristo gihiyekemni ta abetit yihiyekemni. Ka yi muwaka iki yitew akiw adahan yis kehne yihiyekemni amadgaya inin abetki.

Sawmus 132:9

Amawka pimuwvegavu ayge keh avanenekwa ku pariye wadit. Ayge nikwe pihiyegavu kamaxwenevwi pivitit igkis batekyekuyesnek.

Sawmus 45:13

Kibeyne! Eg ikivarat gihayo atekne atere givinwat ikivarat adahan eg misakwano ayge gimun. Eg ka gubewisima! Gubereswetni kehka akak akati karukri wahanobukye.

Sawmus 18:33

Hiyawa nah wew, heneme nah ka kiyihptaw. Ig keh nukugku ke pahavwi it gikugkube, ig sigis waxribdiw ig ka kiyih. Ig keh nah misakwa aynte inut.

Apokalípsi 3:18

Kuri nah ikite hiyakemniki yit. Mpiksawnabay aharit nuhiyekemni ke wotbe yis isimnebe karukri wahanobe nutuh. Mmanawa nuhiyekemni in inyewa ke karukri wahanobe ku pariye kuwisnen mpiyasepka ariwtrik tiket. Ku yis keh hene, nikwe yis humawnek igisavye abet yihiyekemni. Nuhiyekemni yuma patahwaki nibet. Ku yis kawihminaw akak ini nuhiyekemni, in ke wotbe yis isimnebe yisimsa seyne nutuh adahan yikawihni kahadbe yis ka hiyapka makawihanema kahadbe yis ka maraka yivit. Nikwe mpiksawnabay aharit nuhiyekemni ke wotbe yis isimnebe yiwtyak avey nutuh adahan yis tigiswotaw kahadbe yihiyekemni ka mananema akiw.

Efésyus 6:15

Hawata akiw ku samah ig suwtat ahegbetnenekwa akak gikaswatni gikugkavrik, yisme misakwa ahegbetnenekwa adahan ekkene inakni kibeyne inetit adahan ku samah Kiyavwiye Jesus kabeyhebdih uhawkanwiy gikak Kiyavwiye Uhokri.

Romanus 3:22

Ig keh wis kibeyne giwtrik awaku ku samah wis kamaxwa givitit Jesus Cristo. Madikte hiyeg ku pariye kamaxwa givitit Cristo ig Uhokri hiyavgikis igkis kewa kibeynevwibe giwtrik hawata ke Cristobe. Inakni hiyakemniki kawih gidahankis hiyeg ku pariye kane judeyenevwima payeke gikakkis hiyeg judeyenevwi, mmanawa Uhokri hiyavgikis hehpekuye giwtrik.

Sawmus 132:16

Nah saraynek kabayka avitit madikte gimuwvegavukis gikehnikis gidahankis. Igkisme Jerusalémyenevwi igkis paknek, igkis batekyekuyesnek giminkis.

Lúkas 15:21

Igme gikamkayh awna git: “Pa, nah tarakse gikak Kiyavwiye Uhokri. Nah tarakse pikak hawata. Nah ka kis adahan pis kanumun pikamkayh akiw.”

Lúkas 15:23

Ataknay kamax ner pak akamkayh ku pariye aynengarudi. Igi yis umah adahan wixwiy fetya. Uyay batek.