Lúkas 15:10 - Uhokri Gahegbetawni Nukune akak Sawmus

¹⁰ Hawata akiw ka aynsima batekka gimunkis Uhokri gihiyegavu ahj ku aysaw pahavwi taraksevye wages gihiyekemni.

Uhokri Gannasan

¹⁰ Hawwata akiw kaayhsima batekka gimunkis Uhokri gihiyegapu ahj ku aysaw pahapwi taraksepye wages gihiyakemni.

Lúkas 15:10 Iomraidhean Croise

Matews 10:32

— Ku pariye hiyeg kinetihwene numinuh ta gitkis hiyeg ay amadga inin, aysawnemenek nah kinetihwa giminkis hawata ta git Wigwiy aynte inurik.

Matews 18:10

— Avuriwnabay ku samah yihiyekemni. Ka yi muwaka ikaw kabaytema giw pahavwinema bakimni. Aynte inurik ahj gidahankis avanenekwa tabirbet ay givetun Wigwiy inurikyene adahan igkis ekkenes git neras ku pariye kane kiyatha gavuriwnikis bakimnayh. Henewatbaki igkis.

Matews 18:14

Ig Wigwiy inurikyene hawata ig ka hiyepkere pahavwinema bakimni biyuk.

Lúkas 12:8

— Ku pahavwi kinetihwa nudahan ta gitkis hiyeg ay amadga inin, aysawnemenek nah, ku pariye wageswe awayg amadgaya inin, nah hawata kinetihwa gidahanek. Henewatbaki nah kinetihwa gidahan aynte inurik ta gitkis Uhokri giwatnivwi ahj.

Lúkas 12:9

Heneme ku pahavwi wihwe nuwhu ay gimunkis hiyeg amadgaya inin, nah hawata aysawnemenek nah wihwe giwnek aynte inurik gimunkis Uhokri giwatnivwi ahj.

Lúkas 13:5

Kawa. Yis ka kabaytema giwkis. Ku yis ka wages yihiyekemni, yis hawata yis biyuknek.

Lúkas 15:11

Ayteke ig Kiyavwiye Jesus awna pahat iwit patuwesbuhka akiw adahan ekkene ku samah hiyeg ka avigikisima git. Ig awna: — Minikwak pahavwi awayg kakamkayh piyana gikebikis.

Lúkas 15:7

Hawata akiw aynte inurik ka aynsima batekka ayge ku aysaw pahavwi taraksevye wages gihiyekemni. Ayge igkis pi batekte akak ku samah pahavwi taraksevye wages gihiyekemni mpiya ku samah igkis batek gikakkis kaba madikawku madikwa (99) gikebikis ikewnevwi waditye.

Lúkas 15:9

Ayteke ku aysaw eg utevgu, eg humak gukagmadavu gikakkis guhumwayevwi. Eg awna gutkis: “Uyay batek payak nukakuh mmanawa kuwis nah ute nukakura biyukwiyo.”

Lúkas 7:47

Nah kuwis bayahminevgu ariw kane aynsima gutaraksan. Inneki keh eg batek nukakuh mpiynevevye. Heneme ku pariye hiyeg bayahminaka ariw aynesawa gitaraksan, igi batek gikak gibayahmnihten aynesawa.

Attus 11:18

Igkis gikebyuvwi judeyenevwi timapni hene, igkis ka awna gimin akiw. Igkis kabayha Kiyavwiye Uhokri. Igkis awna: — Henewa nikwe Kiyavwiye Uhokri isakse hiyeg ku pariye kane judeyenevwima adahan ignes wages gihiyekemnikis hawata ke wixwiybe adahan igkis hawata aymuhwa gimun Kiyavwiye Uhokri adahan avanenekwa. Kibeyne.

Attus 5:19

Igme pahavwi ahj Uhokri giwatni, ig danuh atere tiyegem. Ig woke parakseket alapota. Ayteke ig iwevgikis ig pekkiswigkis kabaywakat. Pisenwa ig awna gitkis:

2 Koríntyus 7:10

Ku wis marekevwe ku samah Uhokri gimawkan, ku wis kiyimwihwa akak utaraksan, in keh wis utinek kabayka, ayge nikwe wis ka kiyimwihwa akiw. Heneme ku umaran ke hiyegbe amedgenevwi inin gimarankisbe ini keh wis utinek miyaka.

Filemoh 1:15

Ini ku samah ig Onesimu higihwe piw minikwak nuvewkan igwa Kiyavwiye Uhokri isaksig adahan ig higihwa adahan aynesa hawkri. Kahadbe ku aysaw ig diyuh pit ig misakwa pidahan adahan avanenekwa.

Ebréws 1:14

Nah akkamnihte yit ku samahpa ahj. Igkis Kiyavwiye Uhokri gibukvig yuma givitkis kema hiyegma amadgayavuma inin. Ig Kiyavwiye Uhokri awahkisgikis adahan gayavetnikis neras ku pariye amnihkavu gavit Kiyavwiye Uhokri.