Lúkas 15:1 - Uhokri Gahegbetawni Nukune akak Sawmus

¹ Ka aynsima hiyeg ladwan gikakkis nawenyevwi hiyeg ku pariye ikaka kane kibeynevwima hiyeg igkis danuh atere adahan igkis timepnes giwn.

Uhokri Gannasan

¹ Kaayhsima hiyeg ladwan gikakkis nawenépwi hiyeg ku pariye ikaka kane kibeynepwima hiyeg igkis danuh atere adahan igkis timepnes giwn.

Lúkas 15:1 Iomraidhean Croise

Matews 5:46

Amnihnabay yivetunyavu. Ku yis amnih nerasnen ku pariye yamnihten nawenevwime yis ka amnihgikis mmah yis yivewkan Uhokri iki yit kabayka adahan ini? Kawa. Mmanawa madikte hiyeg kuwis kehnekuye hene. He hiyeg kakehniyevwi keh.

Lúkas 13:30

Ka aynsima hiyeg ku pariye ikaka yumanene gikiytanikis ay amadga inin, ayge avim ini igkis kiyatyevwinen hiyegnek. Hawata akiw ka aynsima hiyeg ku pariye ikaka kiyatyevwinen ay amadga inin, igkis yuma gikiytanikisnek.

Lúkas 7:29

Igme Joawh Batista ginetni kabayntiwa. Kibeyne, madikte hiyeg ataybiswa git Joawh Batista, he ladwan igkis ataybiswa git. Igkis ameve inakni Uhokri gihiyekemni waditnene, mmanawa igkis kaywasew ta git Joawh Batista.

Romanus 5:20

Inme amekene Moís gikumadukan ikepka wot adahan in keh wis pi hiyakte utaraksan. Inme ku samah wis pi hiyakte utaraksan in keh wis pi hiyakte ku samah Uhokri ka gamnihrasima ukak.

1 Timótyu 1:15

Timotyu, nah akkite pit pahat inetit ku pariye kane waditnevyenenma, ku pariye ik adahan madikte hiyeg kamaxwa nivitit. Inakni inetit gimin Cristo Jesus ku samah ig danuh atan amadgat inin adahan amnihpiye taraksavye kahadbe ignes isahptaw ariw gitaraksankis adahan igkis danuhnes git Kiyavwiye Uhokri. Nah pi taraksate giwkis madikte taraksavye.