Lúkas 14:21 - Uhokri Gahegbetawni Nukune akak Sawmus

²¹ Ayteke ner gibuk timapni hene, ig tivik diyuhe ta git gikivara. Ig ekke git ku samah inakni giwnkis git. Ig gikivara timapni hene, ig ka batek. Nikwe ig awna ta git gibuk: “Su atak wew ta avigkut madikte ahin nopsadminene hawata madikte ahin nopsanyupnene. Pis ivegva hiyeg madiptavye, hiyeg wayak, hiyeg motavye, hiyeg miyavuvye. Pis waxwigkis ta numkanit.

Uhokri Gannasan

²¹ Ayteke ner gibuk timapni henne, ig tipik diyuhe ta git gikipara. Ig akki git ku samah inakni giwnkis git. Ig gikipara timapni henne, ig ka batek. Nikwe ig awna ta git gibuk: “Su atak wew ta apigkut madikte ahin nopsad hawwata madikte ahin nopsehsa. Pis ipegpa hiyeg madiptapye, hiyeg wayak, hiyeg motapye, hiyeg miyapupye. Pis waxwigkis ta numkanit.”

Lúkas 14:21 Iomraidhean Croise

Sawmus 2:12

Kehnabay Kiyavwiye gikamkayh gibetki. Ku ka henema, ig dagawnenek yit. Nikwe pahaye adahan ig ehwenek yikak, ig padekweynek arimkanit biyukwiki. Mmanawa wis ka hiyak ku aysaw ig padakwinek. Heneme ku wis avuriswa git, ig utipkis wot kabaykanenwa.

Sawmus 38:7

Nah ka aynsima kakahri. Nah ka aynsima awehe awaku nawaki.

Matews 11:28

Ayteke ig awna akiw: — Aytninabay numkanit, yis ku pariye yuma kit, yis mpiksewnevwi ke pahavwibe hiyuhwene awika mpiy gidatni. Ba yi ayta mayuwasa yihihwan nutuh. Nah keh yis mayak ta nuvitit.

Matews 11:5

Yis hiyap motavye hiyap, miyavuvye wew. Yis hiyap axpusakare avit busukne miypit, mataybavye timap, miyaravye kannikaw. Yis hiyap neras ku pariye kane hiyak kabayka, ku avim inin igkis ekkepka kabayka gitkis.

Matews 15:12

Ayteke ariwnteke ini igkis gikannuhnivwi danukwa kennesa ta gihumwat. Igkis awna git: — Ka ba pis hiyap ku samah neras farizewkis dagawne avatra inakni piwn?

Matews 18:31

Nerasme hiyeg igkiswata ihiyegat ignes hiyapni hene, igkis wakaymnibdi ka aynsima. Nikwe igkis tivik ta git gikivarakis. Igkis danuh atere, igkis kinetihwe madikte git.

Matews 20:7

Igkisme kaytwa giwn: “Awaku yuma hiyeg ikine wannivwi.” Igme hiyapni hene, ig awna gitkis: “Yis hawata ik adahan kannivwi amadga nuwasra. Su yi atak atere.”

Lúkas 14:13

Ka ba kehni hene. Ku aysaw pis kehne axka, pis awnasa hiyeg madiptavye, hiyeg wayak, hiyeg miyavuwavye, hiyeg motavye.

Lúkas 14:20

Pahavwime awna hawata akiw: “Nah kuhwekwa nah kamaxe nuhaya. Nikwe nah ka hiya nahma ax gikak.”

Lúkas 14:22

Ig gibuk timapni hene, ig tivik, ig ihe inakni giwn. Ayteke ig diyuhe ta git gikivara akiw. Ig awna git: “Kiyavwiye, nah kuwis keh ku samah piwn nutuh. Heneme kasemine iwetrit adahan nawenyevwi hiyeg akiw.”

Lúkas 14:24

Nerasme pitatyevwi ku pariye nawnasanvu igkis biyuk. Igkis ka ax nukakuh.”

Lúkas 24:47

Hawata akiw in awna ku amawka inetit adahan nuwnuh in ibakaw muwapuw ta gitkis madikte hiyegviyenevwi amadga wayk. In kinetihwaka ta gitkis adahan ignes wages gihiyekemnikis marihwa Uhokri bayahminigkis ariw gitaraksankis.

Lúkas 9:10

Ig Kiyavwiye Jesus giwatnivwi igkis pisenwa gannivwikis, igkis diyuhe ta gimkanit. Igkis danuh atere, igkis ekke git madikte ku pariye gikehnikis. Ayteke ariwnteke ini ig iwevgikis adahan igkis tivikwiyes gihapti igkiswonas hanpa arimkanit paha paytwempu kewye Betsayda.

Joawh 9:39

Ayteke ariwnteke ini ig Kiyavwiye Jesus awna gitkis hiyeg. Giwn: — Nah ayta atan amadgat inin adahan hiyapkisne ku pariye hiyeg kibeynevwi, akak ku pariye hiyeg kane kibeynevwima. Hiyeg amadgayavu inin igkis ka hiyak ku samah Uhokri gihiyekemni. Nah ayta adahan nah kehne igkis hiyakni. In ke wotbe nah kehnebe motavye hiyap. Gaytakisme hiyeg ikaw ke wotbe igkis kuwis hiyakbe ku samah Uhokri gihiyekemni. Nah ayta adahan nah ahiyaksetni gitkis ku igkis ka hiyaknima igkis ke motavyebe abet gihiyekemnikis.

Ebréws 13:17

Ihpanay giwnkis neras yiwewkisten. Kumadukasawnay gitkis. Mmanawa igkis akavriwten yihiyekemni. Aysawnemenek igkis akkaw git Kiyavwiye Uhokri madikte ku samah igkis avuriwyi. Ku yis iha giwnkis, igkis avuriwyi akak batekka. Heneme ku yis ka iha giwnkis, igkis avuriwyi akak kadniki. Mmanawa ku yis ka iha giwnkis, nikwe inakni giwnkis ka ayavay aynesnima.

Ebréws 2:3

Inme Kiyavwiye Jesus giwn in ka aynsima kiyate akiw ariw ahj giwnkis. Ku wixwiy ka aminama ariw giwn, wixwiy katiwnivwenek nivatra. Yuma bisiket udahanwiy. Ig kuwis akki wotwiy adahan wamnihkawiy kibeynewatnen ku samah ig keh wixwiy isahptaw ariw arakembet mbayka adahan wixwiy uti ka aynsima kabayka. Igkit ekke ini wamnihkawiy gitkis hiyeg. Ayteke neras gikannuhnivwi ku pariye timepnevwi inakni giwn ignesme ekkepni wotwiy. Igkis akki wotwiy ku inakni inyewa.

Tiyagu 2:5

Ataybiswanabay nutuh, nukebyuvwi kibeynevwi. Kiyavwiye Uhokri kaniy hiyeg madiptavye amadga inin adahan ig keh igkis humaw igisavye abet gihiyekemnikis awaku gikamaxwankis givitit Kiyavwiye Uhokri. Aysawnemenek ig keh igkis kumadukanek payak gikak mmanawa ig kuwis ikaksin hene gitkis madikte hiyeg ku pariye batekyevwi gikak.

Apokalípsi 19:15

Ayteke nah hiyap pahamku iwan kane ayawisima pes gibiyaptak. Akak egu giwana ig pisenwanek gihawkankis madikte hiyegviyenevwi. Ig kumadukigkisnek akak gisuga sivari hawata ku samah pahavwi muwtohvutne kumaduka givigvu akak ah. Ig hiyapkisnek mbeyne gitkis hiyeg avatra givathawnikis ke wotbe ig kumukwigkisbenek amadgat kumuktet. Mmanawa ig Uhokri detye, ig ka batek akak patahwaki aynesnima.

Apokalípsi 22:17

Uhokri Gitip akak Cristo gibetki egkis awna gitkis madikte hiyeg: “Ba ayta.” Igme ku pariye timepne inakni guwnkis awnanaba hawata git Cristo: “Ba ayta.” Ku pahavwi giharitviye Uhokri kiyesrad ke pahavwi hiyeg arabyuvyebe un, hiyawa ig ayta. Ku pahavwi higepkerevye ini un dehetniki, hiyawa ig higap yuma atiwni.