Lúkas 14:13 - Uhokri Gahegbetawni Nukune akak Sawmus

¹³ Ka ba kehni hene. Ku aysaw pis kehne axka, pis awnasa hiyeg madiptavye, hiyeg wayak, hiyeg miyavuwavye, hiyeg motavye.

Uhokri Gannasan

¹³ Ka ba kehni henne. Ku aysaw pis keh axka, pis awnasa hiyeg madiptapye, hiyeg wayak, hiyeg miyapuwapye, hiyeg motapye.

Lúkas 14:13 Iomraidhean Croise

Matews 15:30

Nikwe ka aynsima hiyeg danuh atere gimkat. Igkis waxwe ka aynsima kakahribdavye ta git. Igkis waxwe miyavuvye gikakkis kidubetavye, motavye, monavye, ka aynsima nawenyewa kakahravye akiw. Igkis sarayhpigkis gikimpuwit Kiyavwiye Jesus, igme makniwevgikis madikte.

Matews 22:10

Igkisme gibukvig ihe giwn. Igkis tivik atere avigkute ahin. Igkis pahadguhave madikte hiyeg ku pariye giwitwankis ayge, hiyeg ku pariye ikaka kane kibeynevwima payegbitak gikakkis hiyeg ku pariye ikaka kibeynevwi. Ayge nikwe fet avin kivun akak hiyeg.

Lúkas 11:41

Wake yis ikibe yihiyekemni ta git Uhokri, wake yis amnihbe hiyeg yis kakanhawbe gitkis amadgatak yimewkan, nikwekam madikte yewkanbet barewarikapnekam giwtrik Uhokri.

Lúkas 14:12

Ayteke ig Kiyavwiye Jesus awna ta git ner fet akivara. Giwn: — Ku aysaw pis kehne axka puwivwak ba aygete, ka ba awnasa pikagmadavu ine pegnivwi ine pikebyuvwi ine pihumwayevwi igisavye atere. Nawenetke igkis hawata keh axka igkis awnasapnek atere. Amun ini nikwe igkis kuwis diyuhkise piwak.

Lúkas 14:14

Ku pis awnasa akebi neras hiyeg, pis uti kabaykanek. Mmanawa igkis ka hiya asamanak adahan diyuhkis piwak. Ayge nikwe igwa Uhokri diyuhkis piwaknek giwenyankis aysawnemenek abet ini hawkri ku aysaw hiyeg kibeynevwi kannikasakanek.

Lúkas 14:21

Ayteke ner gibuk timapni hene, ig tivik diyuhe ta git gikivara. Ig ekke git ku samah inakni giwnkis git. Ig gikivara timapni hene, ig ka batek. Nikwe ig awna ta git gibuk: “Su atak wew ta avigkut madikte ahin nopsadminene hawata madikte ahin nopsanyupnene. Pis ivegva hiyeg madiptavye, hiyeg wayak, hiyeg motavye, hiyeg miyavuvye. Pis waxwigkis ta numkanit.

Attus 9:39

Ig Pedru hiyapni hene, ig kannikew ig tivik gihaptikis. Ig danuh atere, igkis waxwevgi arikut ini xam inuteknene. Ayge ka aynsima madankunovwi kiyaraniw gihumwa Pedru. Egkis tihanos. Egkis ekke git Pedru simis ku pariye eg kiyavuno Kariku guvodkan ku samah eg wewvaruhte.

1 Timótyu 3:2

Ini annivwit in kibeyne, nikwe amawka ig pahavwi ig kibeyne hiyeg hawata. Amawka ku ig ikaw Uhokriyanbetnewa kane taraksevyema. Amawka ku ig pahavuwa gihayo. Amawka ku ig kannuh avuriw gihiyekemni kabayntiwa. Amawka ku ig wew akak kibeyne hiyakemniki. Amawka ku ig ikaw kiyate. Amawka ku ig ka giyaknisima amava hiyeg givinekut. Amawka ku ig kannuh kannuhak amin Uhokri gihiyekemni.

1 Timótyu 5:10

Amawka ku eg hiyakan ku eg avanenekwa kehno kabayka. Amawka ku eg kuwis aymuh gukamkayuvwi kabayntiwa. Amawka ku eg kuwis amava hiyeg kabayntiwa guvinekut. Amawka ku eg kuwis hiyak gikakkis gukebyuvwi Jesus gihiyegavu akak madikte kiyathaki. Amawka ku eg kuwis amnih ku pariye hiyeg hiyepnevwi mbeyne. Amawka ku eg kuwis ikatuswa adahan eg kehno kabayka gidahankis madikte hiyeg.

Titu 1:8

Amawka ku ig ka giyaknisima amava hiyeg givinekut. Amawka ku ig batekye keh kabayka. Amawka ku ig wew akak kibeyne hiyakemniki. Amawka ku ig ikaw waditye. Amawka ku ig wew akak Uhokri gihiyekemni. Amawka ku ig kannuh avuriw gihiyekemni kabayntiwa.

Filemoh 1:7

Pis kuwis amnih ka aynsima gihiyegavu Jesus. Pis kariswehse giyaknikis. In keh nah batek ka aynsima. In iki nawaygi. Kibeyne, nukebyi.

Ebréws 13:2

Kaba yi miniwbetaw ariw ini adahan yis amava hiyeg kabayntiwa yivinekut. Gaytakis hiyeg igkis keh hene igkis amava ahj givinekutkis heneme igkis ka hiyakwa ku aysaw.