Lúkas 14:12 - Uhokri Gahegbetawni Nukune akak Sawmus

¹² Ayteke ig Kiyavwiye Jesus awna ta git ner fet akivara. Giwn: — Ku aysaw pis kehne axka puwivwak ba aygete, ka ba awnasa pikagmadavu ine pegnivwi ine pikebyuvwi ine pihumwayevwi igisavye atere. Nawenetke igkis hawata keh axka igkis awnasapnek atere. Amun ini nikwe igkis kuwis diyuhkise piwak.

Uhokri Gannasan

¹² Ayteke ig Kiyapwiye Jesus awna ta git ner fet akipara. Giwn: ―Ku aysaw pis keh axka puwipwak aygete, ka ba awnasa pikagmadapu iné pegnipwi iné pikebyupwi iné pihumwayepwi igisapye atere. Nawenétke igkis hawwata keh axka awnasap atere. Amun ini nikwe igkis kuwis diyuhkis piwak.

Lúkas 14:12 Iomraidhean Croise

Matews 5:46

Amnihnabay yivetunyavu. Ku yis amnih nerasnen ku pariye yamnihten nawenevwime yis ka amnihgikis mmah yis yivewkan Uhokri iki yit kabayka adahan ini? Kawa. Mmanawa madikte hiyeg kuwis kehnekuye hene. He hiyeg kakehniyevwi keh.

Lúkas 1:53

Ig iki ka aynsima kabayka gitkis hiyeg ku pariye kayehnevwi ku pariye gimawkanitnenes giwntak Kiyavwiye Uhokri. Heneme ig ka iki ariknawnema gitkis hiyeg ku pariye ikewnevwi ku yuma arikna muwekne gitkis.

Lúkas 1:58

Guhumwayevwi gukakkis gukebyuvwi egkis time arak inakni ku samah Uhokri amnihpig egkis iwasavgu atere. Egkis batekyokis payak gukak.

Lúkas 14:11

Ku pahavwi ikewkere kiyatte mpiya pahavwi, igi Uhokri wiwhe gikiytani givititaknek. Heneme ku pahavwi ikewviye ke wotbe ig yumahbe gikiytanibe, igi Uhokri iki gikiytani givititnek.

Lúkas 14:13

Ka ba kehni hene. Ku aysaw pis kehne axka, pis awnasa hiyeg madiptavye, hiyeg wayak, hiyeg miyavuwavye, hiyeg motavye.

2 Koríntyus 6:13

Nukebyuvwi, nah awna yikak ke wotbe yis nukamkayuvwibe. Nah aya yit ka yi muwaka isaksa ariknawnema mpithawiy pawtak. Uyay ihpa nuwnuh akiw. Bateknay ukakuh hawata ku samah usuh batek yikak.