Lúkas 14:1 - Uhokri Gahegbetawni Nukune akak Sawmus

¹ Ayteke ariwnteke ini ig Kiyavwiye Jesus tivik axne ta git pahavwi farisew. Igme pahavwi gaytakkis giwewkistenkis. Igme Kiyavwiye Jesus atak atere samdi abet. Ig danuh atere, hiyeg ayge avuriwgi kabayntiwa ba ig piyihak abet samdi.

Uhokri Gannasan

¹ Ayteke ariwnteke ini ig Kiyapwiye Jesus tipik axne ta git pahapwi farisew. Igme pahapwi gaytakkis giwewkistenkis. Igme Kiyapwiye Jesus atak atere samdi abet. Ig danuh atere, hiyeg ayge apuriwgi kabayhtiwa ba ig piyihak abet samdi.

Lúkas 14:1 Iomraidhean Croise

Sawmus 37:32

Igme hiyeg ku pariye mbeye gihiyekemni ig avuriw pahavwi ku pariye kibeyne gihiyekemni adahan ig giwmepten.

Sawmus 41:6

Ku pahavwi gaytakkis ayta iwasavun ig ikawvari ke wotbe ig wakayminebe nudahan bawa ig he isenenwa. Ig iwasavun he adahannen nuhiyvetni ba nah tiviknenema mihenene. Ayteke ig pes adahan ig kinetihwene numinuh gitkis gikagmadavu.

Sawmus 62:4

Yisme he aharitnen nutukepten ariwntak nuwetri kiyatye. Yis awna wasaymakanenwa numinuh adahan nah biyuk akak nuwetri. Yis awna kibeyne iwit numinuh, heneme avit yiyakni yis ibiytahan ka aynsima.

Matews 12:12

Ku ka sam wis amnih muwtoh abet samdi, kawnata sam wis amnih hiyeg abet samdi. Hiyeg ka aynsima pi kavigte git Uhokri ariw muwtoh. Amekene Moís gikumadukan isaksa adahan wis keh kabayka abet samdi.

Markus 3:2

Igkisme neras hiyeg ayge avuriw Kiyavwiye Jesus kabayntiwa adahan igkis hiyap ba ig piyihgi abet samdi. Mmanawa igkis muwaka uti gitaraksan akak amekene Moís gikumadukan adahan igkis gikamyehpitni.

Lúkas 11:37

Ig Kiyavwiye Jesus kannuhekne ayge, pahavwi farisew danuh atere git. Ig awna git: — Uya atak ax nukakuh. Igme Kiyavwiye Jesus ihe giwn. Ig tivik gihapti ta givinekut. Ig danuh atere, ig batahkiswe ahumwa axtet.

Lúkas 14:2

Ayteke pahavwi awayg wagawgaptivye danuh atere git.

Lúkas 17:20

Ayteke gaytakkis farizewkis danuh atere git Kiyavwiye Jesus. Igkis ayavgi: — Kabet Uhokri gikumadukan danuh atan? Igme kaytwa giwnkis: — Wis ka hiya wisma hiya Uhokri gikumadukan akak wowtyak.

Lúkas 20:20

Heneme igkis avuriwnig kabayntiwa. Igkis awahkis hiyeg yawayavu atere gimin adahan gayaminetni ke wotbe igkis awna avititakwatbe giyaknikis bawa kawa igkis he gikinsetninen. Igkis aharitne adahan ig awna taraksebet adahan igkis gimetkepten adahan igkis gikamaykiswitni ta git hiyaptigi.

Lúkas 6:7

Igkisme neras kannuhekevutnevwi amin amekene Moís gikumadukan gikakkis neras farizewkis igkis avuriw Kiyavwiye Jesus kabayntiwa adahan igkis hiyap ba ig piyihak abet samdi. Mmanawa igkis muwaka uti gitaraksan akak amekene Moís gikumadukan adahan igkis gikamyehpitni.

Joawh 3:1

Pahavwi awayg farisew ayge. Giw Nikodemus. Ig pahavwi gaytakis hiyeg judeyenevwi giwewkistenkis.

Attus 5:34

Igkis ahegbetenes inakni ginetnikis, pahavwi farisew ayge gibetkis ig kannikaw. Giw Gamaliyel. Ig kannuhekevutne amin amekene Moís gikumadukan. Madikte hiyeg kiyathig. Ig kannikaw, ig pekkisase Pedrukis adahan igkis giwhpetnikis kabaywak.