Lúkas 13:34 - Uhokri Gahegbetawni Nukune akak Sawmus

³⁴ Aa, yis jerusalémyenevwi, yis jerusalémyenevwi, yis umahave Uhokri gawnavevu. Yis padaktave madikte hiyeg ku pariye Uhokri gawahkisni yimin. Bawa ka aynsima hawkri nah muwaka kavigsay ke pahavu takarakbe awahpusano gukamkayh anavi guhanpi. Hiyaksa yisme ka muwaka hene.

Uhokri Gannasan

³⁴ Aa, yis jerusalémyenepwi, yis jerusalémyenepwi, yis umahape Uhokri gawnapepu. Yis padakte madikte hiyeg ku pariye Uhokri gawahkisni yimin. Bawa kaayhsima hawkri nah muwaka kapigsay ke pahapu takarakbe awahpusano gukamkayupwi anapi guhanpi. Hiyaksa yisme ka muwaka henne.

Lúkas 13:34 Iomraidhean Croise

Sawmus 149:2

Bateknay yimin, hiyegviyenevwi izhaewyenevwi, gidahan ner ku pariye yihumten. Misakwanay bateke yimin, hiyegviyenevwi avitya Jerusalém, awaku yis kakivara.

Sawmus 17:8

Uya mpithan ariw mbeyne hawata ku samah wis mpithamni wowtyak anag ariw iget. Uya kavigsan ke takarakbe eg ayam gukamkayh anavi guhanpi.

Sawmus 36:7

Kiyavwiye, yuma ariknawnama kabayte wotuh ariw ini pamnihra! Pisnewa gayemtenkis madikte hiyeg kewa pahavu kuhivrabe ayamno gukamkayh anavi guhanpi.

Sawmus 57:1

Uya amnihun, Kiyavwiye Uhokri, uya amnihun, mmanawa pisnewa nayemwekri! Aynte anavi pihanpi ayge nah uti ayemweket adahan nah mpiyasene mbeyne.

Sawmus 81:13

Nahme nuvewkan nah aharit nuhiyegavu timap nuwnuh! Nuvewkan nah aharit izhaewyenevwi ihpa nuwnuh!

Sawmus 91:4

Ig awastapnek anavi gihanpi ke tarakakbe akak gukamkayh. Ayge anavi gihanpi yuma ariknawnama hiya pisamanak. Kiyavwiye Uhokri gabay avuriwpinek kabayntiwa.

Matews 22:3

Ig awahkis gibukvig tahan watiha gawnasanvu. Igkisme gawnasanvu ka ayta fetya gikak.

Matews 22:6

Igkisme gasemnekis kamaxave gibukvig. Igkis arewhe gitkis. Igkis umahavegikis.

Lúkas 15:28

Ig eggutye timapni hene, ig dagawne. Ig awna: “Ku hene nikwe nah ka parak uvinekut akiw.” Ig tabirasew ayge kabaywak, igme gig pese atere gimkanit adahan ig gikinistetni atere.

Lúkas 19:44

Avim ini igkis umahavevyi. Igkis mehe yivinek madikte. Igkis ka ikis pohownema tip pavitmintak akak guyaki tip. Yis hiyap madikte ini mbeyne awaku yis mahikohpen avim inin ku aysaw nah danuh atan adahan yamnihten.

Lúkas 23:28

Igme Kiyavwiye Jesus hiyapni hene, ig iveganaw gumkatkis ig awna gutkis: — Yis tinogben jerusalémyano, ka ba yi muwaka tih nuharit. Hiyawa yis tih heneme tihnay yiharitwa, giharitkis yikamkayh hawata.

Attus 7:52

Igkis hiyapkise mbeyne gitkis Uhokri gawnevevu madikte. Yuma pahavwinema mpiya kabay giwakuriwkis. Igkisme gawnevevu ekkenes gitkis ku pahavwi nehmnikuhpiye ku pariye igyewa waditye hiyeg. Heneme igkis ka timepkere inakni giwnkis. Igkis tukuhpigkis madikte. Igkis umehpigkis. Ku avim inin yis hawata wageswe givitit nernewa ku pariye igyewa waditye hiyeg. Yisnewa giwmepten.

Attus 7:59

Ayteke nikwe igkis padakte amekene Estevawh akak tip. Igme ayge piriyepkewne. Ig awna: — Kiyavwiye Jesus, uya amava nanmap kuri.

Attus 8:1

Igme Sawlu ig tuguhkise gihiyekemni hehpekuye gikakkis neras umehekevutnevwi. Avim ini han pitatit, madikte Jesus gihiyegavu ayge Jerusalém igkis hiyapkiska mbeyne gitkis ka aynsima. Ayteke nikwe igkis madikte ibekhewbet. Igkis bisike muwapuw judeyamnaw, muwapuw Samariyamnaw. Igkisme Kiyavwiye Jesus giwatnivwi igkis misekwe ayge Jerusalém.

Apokalípsi 11:8

Ayge nikwe givitkis misakwanek haritave avigku ahin aynte avit ini paytwempu nopsadnene Jerusalém. Avitwata paytwempu ku kiney ig gikivarakis deddehpika amin giyakni. Heneme kuri ini paytwempu kanumka Sodoma. In hawata in kanumka Ejitumnaw. In kanumka hene awaku igkis paytwempuyenevwi ayge kadahanata gihiyekemnikis ke neras sodomayenevwibe, ke neras ejituyenevwibe.