Lúkas 13:32 - Uhokri Gahegbetawni Nukune akak Sawmus

³² Igme kaytwa giwnkis: — Su yi atak awna ta git ner amepye kinisekatya ku nah nudukwenewa pekkisnene wavitye givititakkis hiyeg, nah piyiheknene ku avim inin, takuwanek nuhawkanavrik danuhnek adahan nah pisenwe inin nannivwi.

Uhokri Gannasan

³² Igme kaytwa giwnkis: ―Su yi atak awna ta git ner amepye kinisekatya ku nah ndukwenewa pekkisnene wapitye gipititakkis hiyeg, nah piyiheknene ku apim inin takuwanek he nuhawkanaprik danuh adahan nah pisenwe ini nannipwi.

Lúkas 13:32 Iomraidhean Croise

Markus 6:14

Avim ini hawkri ner hiyaptigi Erodis ig time gak Kiyavwiye Jesus, mmanawa giw Kiyavwiye Jesus hiyakkan muwapuw. Ig timap gaytakis hiyeg awna: — Ke wotuhbe ignewa Joawh Batistamni. Ig kannikew akiw ariw gimiremni. Inneki keh ig ka gannusima keh annut.

Joawh 10:32

Ig Kiyavwiye Jesus hiyapni hene, ig awna gitkis: — Kuwis nah keh ka aynsima annut, kibeyne annut giwntak Niguh. Pariyeva annut kavatra yis nuvedkepten?

Joawh 19:30

Igme amevepni. Ayteke ig awna: — Madikte ku pariye gimawkanitnene nawahkisten in kuwis pisenwa. Ayge ig kuwigihe gitew. Giyakek madike. Ig miyap.

Ebréws 2:10

In kabay ig Kiyavwiye Uhokri isaksig adahan ig hiyap mbeyne hene. Kiyavwiye Uhokri inyewa ka gihiyekemnisima. Madikte humaw giwntak. Madikte humaw gidahan. Ig muwaka iwi ka aynsima hiyeg git adahan igkis humaw ke wotbe gikamkayuvwibe adahan ig iki gikiytani givititkis. Ignewa Kiyavwiye Jesus keh hiyeg isahptaw adahan ignes humaw Kiyavwiye Uhokri gikamkayuvwi. Ig giwewkistenkis arimkat isahptawka. Nikwe in kabay ig Kiyavwiye Uhokri isaksig adahan ig hiyap mbeyne. Ini gihiyvan mbeyne in humaw ke wotbe gahegbeteptenbe adahan ig humaw uwewkistenwiy avigutavrik ku samah Kiyavwiye Uhokri gimawkan.

Ebréws 5:9

Kibeyne, ig ihe giwn avigkutavrik ku samah Kiyavwiye Uhokri gimawkan. Ayge nikwe ig humaw atiwkekne isahptawka gidahankis madikte ku pariye ihpenevwi giwn. Ig keh igkis isahptaw adahan avanenekwa.

Ebréws 7:28

Neras muwvegviyenevwi ku pariye kiyatenene ku pariye amekene Moís gikumadukan kaniy, igkis kataraksan hawata ke madiktehbe hiyegbe. Igme ku pariye Kiyavwiye Uhokri kaniy giwenyankis igi yuma gitaraksan. Ig Kiyavwiye Uhokri gikamkayh. Ku aysaw Kiyavwiye Uhokri kaniyvig ig awna ku ig ka kaniy nawenyewatma akiw. Mmanawa ig kuwis humaw avigkutavrik ku samah Kiyavwiye Uhokri gimawkan. Ig misakwa hene adahan avanenekwa.