Lúkas 13:3 - Uhokri Gahegbetawni Nukune akak Sawmus

³ Kawa. Yis hawata taraksavye. Ku yis ka wages yihiyekemni, yis hawata yis biyuknek.

Uhokri Gannasan

³ Kawa. Yis hawwata taraksapye. Ku yis ka wages yihiyakemni, yis hawwata yis biyuknek.

Lúkas 13:3 Iomraidhean Croise

Matews 12:45

Ig hiyapni hene, ig awna: “Nah iwapte nukebyuvwi atan.” Ig tivik, ig iwe ntewnehker gikebikis wavityempu akiw ku pariye pi mbaytenene gihiyekemnikis giw. Ayteke nikwe igkis diyuh atere misakwa ayge givit ner awayg. Nikwe ner awayg giwskawni pi mbayte ariw pitatye. Yis hiyeg ku akak inin yis kewa ner awaygbe. Yahawkrivwi ayipa kuwis wagese gihiyekemnikis minikwak, yisme ihiwhitviyene ka amavan. Yis yuma kibeyne hiyakemniki abet yihiyekemni. Nikwe aysawnemenek in danuh yit hawata ku samah in danuhe git ner awayg. Yiwskawni pi mbaytenek ariw pitatye.

Matews 22:7

Ayteke ig ner ikivarat hiyapni hene, ig dagawne. Nikwe ig awahkise gisuwtatavu giminkis neras umehekevutnevwi. Ignesme umahavevgikis, bukahave givinkis.

Matews 3:2

Ig awna gitkis hiyeg: — Wagesnabay yihiyekemni ariw yitaraksan mmanawa ahawkanavrik Uhokri gikumadukan kuwis danuh! Henewatbaki ig Joawh Batista awna gitkis hiyeg.

Lúkas 13:2

Ig Kiyavwiye Jesus timapni hene, ig awna gitkis hiyeg: — Ka yi muwaka iki ku in ku pariye danuh gitkis neras galileyenevwi, ku in areketni ku igkis pi mbayte giwkis giyakikis galileyenevwi.

Lúkas 13:4

Ya neras hiyeg madikawkunene gikebikis gikakkis ntewnehkernene gikak pahavwi gawnakis akiw (18) aynte paytwempu Siloé? Payt imuwad tiptiye higohe givititkis, umahavevgikis madikte. Ka yi muwaka iki ku ini areketni ku igkis pi mbayte giwkis giyakikis jerusalémyenevwi.

Lúkas 13:5

Kawa. Yis ka kabaytema giwkis. Ku yis ka wages yihiyekemni, yis hawata yis biyuknek.

Lúkas 24:47

Hawata akiw in awna ku amawka inetit adahan nuwnuh in ibakaw muwapuw ta gitkis madikte hiyegviyenevwi amadga wayk. In kinetihwaka ta gitkis adahan ignes wages gihiyekemnikis marihwa Uhokri bayahminigkis ariw gitaraksankis.

Attus 3:19

Nikwe wagesnabay yihiyekemni ariw madikte yitaraksan gikak Kiyavwiye Uhokri kahadbe ig bayahminay ariw ini yitaraksan. Ayge ig wagahkis yawayginek ku samah yis ay gimun.