Lúkas 13:19 - Uhokri Gahegbetawni Nukune akak Sawmus

¹⁹ Uhokri gikumadukan aymuhwa amadga inin ke amutri “mostadbe”. Ku aysaw pahavwi iwi pohow “mostad” ayak, ig mutuhgu amadga giwasra, eg nopsesniyo. Heneme eg hiyan eg aymuhwa ka aramusima ke ahbe akat. He ik adahan kuhivra kibhaw guvewit.

Uhokri Gannasan

¹⁹ Uhokri gikumadukan aymuhwa amadga inin ke amutri “mostadbe”. Ku aysaw pahapwi iwé pahow “mostad” ayak, ig mutuhgu amadga giwasra, eg nopsesniyo. Henneme eg hiyan eg aymuhwa kaaramusima ke ahbe akatbe. Juktah ik adahan kuhipra kibhaw gupewit.

Lúkas 13:19 Iomraidhean Croise

Matews 17:20

Igme kaytwa giwnkis: — Awaku yis ka kamaxwa givitit Uhokri kiyesradima. Ihanabay inakni nuwnuh. Wake yis kamaxwabe givitit aynesnibe akiw, nikwekam madikte yayapni humaw yitkam. Hiyawa yikamaxwan aynesa kewa paha “mostad” ayakbe in nopsesa, heneme yayapni humaw yit. Yis ikkam adahan yis awna ta arit inin waxri imuwadnene: “Waxri, pis higihwa ayteke. Su tahan atere.” Ku aysaw yis awnakam inakni, in higihwakam ayteke. Nikwe yuma mahikoki yidahan.

Markus 4:30

Ayteke ig Kiyavwiye Jesus awna ta gitkis hiyeg akiw. Giwn: — Mmah nuwnuh kuri adahan nah akki yit ku samah Uhokri gikumadukan? Pariye iwit patuwesbunka ik adahan nah kawih?

Lúkas 17:6

Igme awna gitkis: — Wake yis kamaxwa givitit aynesnibe akiw, madikte yayapni humaw yitkam. Hiyawa yikamaxwan nopsesa, ayesi kewa paha amutri ayakbe, ke “mostad” ayakbe, hiyawa in aynesawa, heneme yayapni humaw yitkamnek. Yis ikkam adahan yis awna gut nor ah akat nopsadnano, “Ah, pis higihwa ayteke payak akak pihampabet. Su mutuhwa tahan parahwokwat.” Ku aysaw yis awna inaknikam, eg higihwakam ayteke.

Attus 2:41

Igkis timapni hene, ka aynsima gaytakis ihe giwn. Ayteke nikwe igkis kewvi. Avim ini hawkri mpana mil (3.000) gikebikis hiyeg wageswevyes Kiyavwiye Jesus gihiyegavu.

Attus 21:20

Igkis timapni hene, igkis kabayha Kiyavwiye Uhokri. Heneme igkis awna git Pol: — Ukebyi, pis hiyak ku ay ka aynsima mil gikebikis judeyenevwi hawata igkis kamaxwenes givitit Kiyavwiye Jesus, heneme igkis gidukweneswa ihpenevwi amekene Moís gikumadukan.

Attus 4:4

Heneme, kibeyne, ka aynsima hiyeg ku pariye timepnevwi inakni Pedru giwn igkis ihe inakni giwn. Avim ini pohowku mil (5.000) gikebikis kamaxwevyes givitit Kiyavwiye Jesus.

Romanus 15:19

Kibeyne, ig iki gannu ta nuvitit adahan nah kehne kibeyne annut ku pariye keh hiyeg wakaymni. Ini Uhokri Gitip gannu keh igkis kamaxwa givitit Uhokri. Akak ini gannu ay nuvituh nah wageswa muwapuw paytwempuriw. Nah ekkene ginetni gimin Cristo muwapuw. Nah kavusa ariwntak paytwempu Jerusalém he nah danuhe tahan avitit waxri Iliriyamnaw ku pariye piyawakad.

Apokalípsi 11:15

Ayteke ntewnehkerviye ahj agighe. Ayge inurik ka aynsima hiyeg awna akak madikte giwakemnikis. Igkis awna: — Kuri Ukivarawiy kumadukene amadga wayk gikak gikanyan Cristo. Ig kumadukanek adahan avanenekwa. Kibeyne.