Lúkas 13:16 - Uhokri Gahegbetawni Nukune akak Sawmus

¹⁶ Nor tino kabayte ariw pak. Eg amekene Abraawh gihiwhi. Kuwis eg wanekwika gavit Satanas adahan ka aynsima kamukri, madikawkubu akebi akak ntewnehkerbu akak pahak arawna (18) akiw. Mmah ka hiya nahma watakgu ariw ini mbayka samdi abet?

Uhokri Gannasan

¹⁶ No tino kabayte ariw pak. Eg amekene Abrawh gihiwhi. Kuwis eg wanekwika gapit Satanás adahan kaayhsima kamukri, madikawkubu akebyi akak ntewnehkerbu akak pahak arawna (18) akiw. Mmah ka hiyá nahma watakru ariw ini mbayka samdi abet?

Lúkas 13:16 Iomraidhean Croise

Sawmus 107:14

Ig wiwhpigkis ariw ini miyaka amisnavye hawata ig matisbete ini xen sivari ku pariye giwankamnitenkis.

Matews 4:10

Igme Kiyavwiye Jesus kaytwa: — Satanas, su higihwa aytakin! Mmanawa Uhokri gannasan awna: “Kiyathanaba ignenwa Kiyavwiye piwohkiga. Kehnaba ignenwa gibetki.”

Markus 2:27

Ayteke ig Kiyavwiye Jesus awna ta gitkis akiw. Giwn: — Samdi humaw gidahankis hiyeg. Hiyeg ka humaw adahanma samdi.

Lúkas 16:24

Ig hiyapni hene, ig kabiman ta gimkanit. Ig awna: “Niguh Abraawh, uya amnihun. Uya awahkis Lazaru ayta nutuh. Wani ig idis giwak akisunen ta ahakwat un adahan ig ayta tikis ta nunenmadgat adahan kisevine nunen. Mmanawa nah kayah ka aynsima abet nor tiket.”

Lúkas 19:9

Ig Kiyavwiye Jesus hiyapni hene, ig awna: — Ku avim inin ig Zakew isahptaw payak gikakkis gimunyavu. Ig hawata amekene Abraawh gihiwhi hawata ke yisbe, heneme pitatye ig ke wotbe ig biyukevyebe giw Uhokri.

Lúkas 3:8

Kawa. Ini yikewven ka kinisgi. Amawka ku yis inyewa wages yihiyekemni ariw yitaraksan. Kavusanabay wew wadit. Ini yiwewni waditye ininewa areketni ku yis inyewa wages yihiyekemni. Hawata akiw, ka yi muwaka awna: “Wixwiy hiyeg judeyenevwi wixwiy amekene Abraawh gihiwhivwi. Amun ini wixwiy kuwis Kiyavwiye Uhokri gihiyegavu. Ayge nikwe ig Kiyavwiye Uhokri ka aminama ariw utaraksanwiy. Ig hiyavwiy kewa kibeynevwibe giwtrik.” Ka ik adahan yis awna inakni hene. In ka ariknawnema ku wixwiy amekene Abraawh gihiwhivwi. Ka innema keh wixwiy isahptaw. Ik adahan Uhokri keh nor tip humaw amekene Abraawh gihiwhivwi.

Joawh 8:44

Mmanawa yig ig wavitye gikivarakis. Yis yibetki keh ner yig gibetki. Ku samah akavuska hawkri ig umehekevutne, ig kavetunsa hiyakemniki ku pariye inyewatnene. Mmanawa yuma aynesnima iwit inyewatnene ay abet gihiyekemni. Ig awna wasaymkanen mmanawa innewa wasaymaka ay abet gihiyekemni. Ig kinisekevutne. Ig wasaymaka ahawkri.

Attus 13:26

Nukebyuvwi, inakni ginetni gimin ig wamnihtenwiy in awahkiska uminwiy madikte. In kawih udahanwiy wixwiy hiyeg judeyenevwi wixwiy amekene Abraawh gihiwhivwi. In hawata kawih yidahan yis hiyeg ku pariye kane judeyenevwima ku pariye kiyathenevwi Kiyavwiye Uhokri.

2 Timótyu 2:26

Ayge nikwe igkis hawkamnihawnek akiw, igkis diyuhnek ariw ini wavitye giteyni ku pariye gikamaxwitnikis. Igkis diyuh adahan igkis kehne Kiyavwiye Uhokri gibetki akiw.