Lúkas 13:15 - Uhokri Gahegbetawni Nukune akak Sawmus

¹⁵ Igme Kiyavwiye Jesus kaytwa giwn: — Yis ikawnamah ke wotbe yis kibeynevwibe hiyeg bawa yihiyekemni pi mbayte giwkis nawenyevwi hiyeg. Abetwa samdi yis wateknekuye yivig pak, yivig kaway ariwntak gaxkegkis adahan yis giwaxwitnikis arit un adahan igkis higepnes un ayge.

Uhokri Gannasan

¹⁵ Igme Kiyapwiye Jesus kaytwa giwn: ―Yis ikawnamah ke wotbe yis kibeynepwibe hiyeg bawa yihiyakemni pi mbayte giwkis nawenépwi hiyeg. Abetwa samdi yis wateknekwiye yipig pak, yipig kaway ariwntak gaxkegkis adahan yis waxwigkis arit un adahan igkis higepnes un ayge.

Lúkas 13:15 Iomraidhean Croise

Matews 15:14

Ka ba yi ivegmina yihiyekemni giminkis neras farizewkis. Gitkis farizewkis hiyeg kewa motavyebe abet gihiyekemnikis, igkisme gihwitentenkis. Bawa igkisnewa ku pariye kene motavyebe abet gihiyekemnikis. Ka ik adahan pahavwi awayg motviye huwitha giyaki motviye. Ku ig huwitig, igkis piyamate tuguhenek.

Matews 15:7

Yis ikawnamah ke wotbe yis kibeynevwibe hiyeg bawa yis pi mbayte giwkis nawenyevwi hiyeg. Minikwak amekene Izaíyas kuwis kinetihwa yimin. Ig ekkene Uhokri giwn, ig awna:

Matews 23:13

— Akayih. Aysawnemenek yis kannuhekevutnevwi amin amekene Moís gikumadukan yis farizewkis, yis hiyap mbeyne ka aynsimanek. Yis ikewne ke wotbe yis kibeynevwibe hiyeg bawa yis pi mbayte giwkis nawenyevwi hiyeg. Yis kannuhwa amin Uhokri giwn, yis ik adahan yis woka Uhokri gikumadukan ta gitkis hiyeg, heneme yis sabukwin giwkis. Yis ka ihpin ine yis ka isaksa nawenevwi hiyeg adahan ignes ihpin.

Matews 23:28

Yis ikewne ke wotbe yis kibeynevwibe ta gitkis hiyeg bawa ay abet yihiyekemni yis kivun akak kinisaka hawata akak patahwaki.

Matews 7:5

Pis ikewne ke wotbe pis kibeynebe hiyeg bawa pis pi mbayte giw pikebyi. Asa hiyak akak pidahankit pihiyekemni taraksevye. Ayge nikwe ik adahan pis hiyak akak pikebyi gitaraksan.

Lúkas 12:1

Avim ini hawkri ka aynsima hiyeg pahadguhwa atere git Kiyavwiye Jesus. Igkis hiyeg kabubuk ayge daykekbet. Avit ig kinetihwa gitkis, ig awna ta gitkiskit gikannuhnivwi. Giwn: — Neras farizewkis ikawnema ke wotbe ignes kibeynevwibe hiyeg bawa mbeyevye hiyakemniki ay gimunkis. Gihiyekemnikis amebyemni kewa bugut abusanbe. Pitatye in ka kahayak heneme kuwewanek in kahayak ku in ayge abet bugut. Pukuhpawnabay adahan yis ka ikaw kema igkisma.

Lúkas 14:5

Ayteke ig awna ta gitkis neras hiyeg aygnenevwi: — Ku yikamkayh wiwhe arikut pahayku unihmna, ku yivig pak wiwhe arikut pahayku unihmna, mmah ka hiya yisma kahgi ayteke kibehtenwa? Hiyawa abet samdi heneme yis kahgi ayteke. Ku ka sam yis amnihgikis hene abet samdi, kawnata sam adahan nah piyihak abet samdi.

Lúkas 6:42

Ku aysaw pis ka hiyaknima ba ini ahadma ay piwtrik, pis ka hiya pisma awna ta git pikebyi: “Nukebyi, isaksanate nah wiwh ini iget piwtriktak.” Amun ini pis ikawvari ke wotbe pis kibeynebe hiyeg bawa pis mbayte giw pikebyi. Asa hiyak akak pidahankit pihiyekemni traksevye. Ayge nikwe ik adahan pis hiyak akak pikebyi gitaraksan.

Lúkas 7:13

Ig Kiyavwiye Jesus hiyapni hene, ig ka aynsima kayah gudahan. Ig awna gut: — Ka muwaka tih.

Lúkas 7:19

Igkisme danuh atere, igme awna gitkis: — Su yi iwasa Kiyavwiye Jesus baki ignewatma ner ku pariye nehmnikuhpiye nuhavuh butte. Ba kawk, ba wixwiy wahap pahavwi nawenyewa ku pariye nehmnikuhpiye nuhavuh butte akiw?