Lúkas 13:14 - Uhokri Gahegbetawni Nukune akak Sawmus

¹⁴ Leglis akivara ig hiyapni hene, ig ka aynsima dagawne awaku ig Kiyavwiye Jesus piyihak abet samdi. Ig awna ta gitkis hiyeg: — Ay puguhkuna hawkri avim pahay paka adahan hiyeg kannivwiye. Abet inere hawkri hiyawa yis piyihkiswa. Abetme samdi ka yi muwaka piyihkiswa.

Uhokri Gannasan

¹⁴ Leglis akipara ig hiyapni henne, ig kaayhsima dagawne awaku ig Kiyapwiye Jesus piyihak samdi abet. Ig awna ta gitkis hiyeg: ―Ay puguhkuna hawkri apim pahay paka adahan hiyeg kannipwiye. Abet inere hawkri hiyawa yis piyihkiswa. Abetme samdi ka yi muwaka piyihkiswa.

Lúkas 13:14 Iomraidhean Croise

Matews 12:2

Nerasme farizewkis hiyapni hene, igkis awna ta git Kiyavwiye Jesus: — Iveg neras pikannuhnivwi. Igkis ka iha amekene Moís gikumadukan. Igkis kannivwiye abet samdi.

Markus 5:22

Ayteke pahavwi awayg danuh atere git Kiyavwiye Jesus. Giw Jayru. Ig leglis akivara, judeyenevwi gileglisalis. Ig hiyavgi, ig paberetusaw ta gikimpuwit.

Lúkas 6:11

Neras hiyeg givetunyavu hiyapni hene, igkis ka aynsima dagawne. Gitkis ig taraksevye hiyeg. Nikwe igkis ahegbete ginetnikis pawtak adahan ku samah igkis keh gikak Kiyavwiye Jesus.

Lúkas 6:7

Igkisme neras kannuhekevutnevwi amin amekene Moís gikumadukan gikakkis neras farizewkis igkis avuriw Kiyavwiye Jesus kabayntiwa adahan igkis hiyap ba ig piyihak abet samdi. Mmanawa igkis muwaka uti gitaraksan akak amekene Moís gikumadukan adahan igkis gikamyehpitni.

Lúkas 8:41

Ayteke pahavwi awayg danuh atere. Giw Jayru. Ig pahavwi leglis akivara, judeyenevwi gileglisakis. Ig danuh atere, ig mabukwe ta gitivut Kiyavwiye Jesus, ig awna git: — Kiyavwiye, uya amnihun. Uya atak ta nuvinekut.

Attus 13:15

Ayge hiyeg ivegboha amekene Moís gikumadukan gitkis madikte hiyeg. Hawata igkis ivegboha Uhokri gawnevevu pitatyevwi giwnkis. Pisenwa neras leglis akivara ayge igkis wasavanew giminkis Pol. Igkis awna gitkis: — Ukebyi, ku yis kadahan iwit adahan wagahkisne wawaygi, uyay akkin wotuh.

Attus 18:17

Neras paytwempuyenevwi ayge ku pariye kane batek gikakkis hiyeg judeyenevwi, ignes hiyapni hene ku samah gikivarakis pekkise neras judeyenevwi igkis kibokahwe igkis kamaxe pahavwi ku pariye judeyenevwi gileglisakis akivara kewye Sóstenes. Igkis biptevgi ayge giwtriknewa Galyu. Igme ka aminama giwkis.

Attus 18:8

Avim ini ini leglis akivara ig kamaxwe givitit Kiyavwiye Jesus. Ig giw Kirispu. Madikte gimunyavu hawata kamaxwe givitit Kiyavwiye Jesus. Hawata ka aynsima korintuyenevwi akiw timap Pol ginetni. Ayteke igkis ihe giwn igkis kewvi ahakwat un.

Romanus 10:2

Mmanawa nah hiyakni ku igkis mpiksewnenes giharit Uhokri. Gitkis igkis kiyathig. Gitkis igkis kehnes gibetki. Bawa igkis ka hiyakgi inyewatma.