Lúkas 13:11 - Uhokri Gahegbetawni Nukune akak Sawmus

¹¹ Pahavu tino ayge ku pariye kakahriyo adahan ka aynsima kamukri, madikawkubu akebi akak ntewnehkerbu akak pahak arawna akiw (18) awaku wavitye ay guvit. Ig keh eg buybete misakwa. Eg ka hiya egma wadithaptihwa kabayntiwatma.

Uhokri Gannasan

¹¹ Pahapu tino ayge ku pariye kakahriyo adahan kaayhsima kamukri, madikawkubu akebyi akak ntewnehkerbu akak pahak arawna akiw (18) awaku wapitye ay gupit. Ig keh eg buwibete msakwa. Eg ka hiyá egma wadithaptihwa kabayhtiwatma.

Lúkas 13:11 Iomraidhean Croise

Sawmus 145:14

Ig amnih gihiyegavu ku pariye abet matekbetka. Ig diyuhkis gawaygikis neras ku pariye tuguhavye gihiyekemnikis.

Sawmus 146:8

Hawata ig keh motavye hiyap. Ig Kiyavwiye wagahkis gawaygikis neras ku pariye tuguhavye gihiyekemnikis hawata ig batek gikakkis hiyeg ku pariye wadityevwi.

Sawmus 38:6

Nah ka aynsima mabimne, nah misakwa mabubet. Nah tihene takunipti.

Sawmus 42:5

Nah kayah ke wotbe nah piyawakad piw. Mmahki hene? Nah ka muwaka nah kiyimanema. Nah kamaxwate givitit Kiyavwiye Uhokri akiw. Nah kabayhate giw akiw, mmanawa ignewa namnihten, ignewa nuwohkiga.

Sawmus 6:2

Amnihnan, Kiyavwiye, mmanawa nah yuma nudatni akiw. Piyihnan, mmanawa katiwka muwaptihpen pahavwite.

Matews 4:23

Ayteke ariwnteke ini ig Kiyavwiye Jesus wew muwapuw ay Galileyamnaw. Ig kannuhekne arikuw judeyenevwi gileglisakis. Ig ekkene kibeyne inetit amin ku samah Uhokri kumaduka hiyeg. Hawata ig makniwene hiyeg ariw madikte karaytviyene ariw madikte mabimnakatru.

Markus 9:21

Ig Kiyavwiye Jesus hiyapni hene, ig aya gig: — Aysaw akebi hawkri ariwntak ku samah ig ute inin? Giwn: — Ku samah ig bakimnite ig ute inin. Akaknewa ig aymuhwe.

Lúkas 13:12

Ig Kiyavwiye Jesus hiyapni hene, ig humekwig ta gimkanit. Egme danuh atere git, igme awna gut: — Kiyavuno, pis isahptaw ariw ini pikahri.

Lúkas 13:16

Nor tino kabayte ariw pak. Eg amekene Abraawh gihiwhi. Kuwis eg wanekwika gavit Satanas adahan ka aynsima kamukri, madikawkubu akebi akak ntewnehkerbu akak pahak arawna (18) akiw. Mmah ka hiya nahma watakgu ariw ini mbayka samdi abet?

Lúkas 21:28

Yisme ku samah yis hiyap ini mbeyne danuh, ka yi muwaka avisasaw. Sarayhnay yivegyi ta inurikut adahan yis nuhivetni. Avim ini yamnihka humaw kibehtenwa.

Lúkas 8:2

Tinogben danuhpanos payak gikak egkis hawata. Egkis noras ku kavititak ig kuwis pekkise wavitye gukakkis noras ku pariye ig makniwe ariw gukahrikis. Pahavu tino ayge gaytakkis ku kavititak minikwak ig pekkise ka aynsima wavityempu, ntewnehker gikebikis wavitye. Guw Mahi Madalena.

Lúkas 8:27

Igme Kiyavwiye Jesus sarayhwe waxrit. Ayge pahavwi awayg paytwempuyene atere patiptakig. Ig wavityewnivye. Ka aynsima hawkri ig wew makawihan. Ig yuma givin. Ig misakwa abet imewtinen ayge avuheket.

Lúkas 8:43

Ayge nikwe pahavu tino danuh gihavu butte. Eg kuwis hiyap mbeyne akak guminewkan adahan ka aynsima kamukri kuwis, madikawkubu akebi akak pikana arawna (12). Yuma hiyeg hiya gusamanak adahan gumakniwetni.

Attus 3:2

Ayge pahavwi awayg dathuvye. Ig dathuvye ku samah ig amadgate wayk. Mpuse hawkri ig waxwaka anumekut pahayku lapot aynte Kiyavwiye Uhokri Givinwa. In lapot kewye “Lapot Barewye”. Ayge ig amnihswene gitkis hiyeg ku pariye parekwiyes Kiyavwiye Uhokri Givinekut. Ig makehpene karukri gitkis.

Attus 4:22

Mmanawa igi awayg makniwtinene ig mpiy paxnika madikwa (40) kamukri gaw.