Lúkas 12:9 - Uhokri Gahegbetawni Nukune akak Sawmus

⁹ Heneme ku pahavwi wihwe nuwhu ay gimunkis hiyeg amadgaya inin, nah hawata aysawnemenek nah wihwe giwnek aynte inurik gimunkis Uhokri giwatnivwi ahj.

Uhokri Gannasan

⁹ Henneme ku pahapwi wihwe nuwhu ay gimunkis hiyeg amedgenepwi inin, nah hawwata aysawnemenek nah wihwe giwnek ayhté inugik gimunkis Uhokri giwatnipwi ahj.

Lúkas 12:9 Iomraidhean Croise

Matews 10:33

Heneme ku pahavwi wihwe nuwhu ay gimunkis hiyeg amadga inin, nah hawata aysawnemenek nah wihwe giwnek aynte inurik gimun Wigwiy.

Matews 25:12

Igme kaytwa guwnkis: “Nah ka hiyakyi ku pariyene yis. Henewatbaki ka ba nah hiyakyiwa.”

Matews 25:31

Ayteke ig Jesus awna gitkis: — Aysawnemenek nah, ku pariye wageswe awayg amadgaya inin, nah danuhnek atan akak madikte nukiytani, gikakkis madikte ahjnek. Pisenwa nah batnek amadga nevwi kiyatyo adahan nah hiyekne gikakkis hiyeg.

Matews 25:41

Pisenwa nah awnanek ta gitkisme neras aytaki patuwenavriktak. Nah awna gitkis: “Ayguhwanay aytakihan, yis ku pariye ikaksaka adahanikwa biyukwiki! Su yi tivik ta abetit nor tiket ahawkri ku pariye ahegbetaki gidahankis wavityempu payak gikak gikivarakis. Su yi tivik atere.

Matews 7:23

Nahme kaytwa giwnkisnek: “Nah ka hiyakyiwa ku pariyene yis. Higihwanabay aytakihan, yis taraksavye.”

Markus 8:38

Mmanawa aysawnemenek Nah, ku pariye wageswe awayg amadgaya inin, nah aytanek gikak Wigwiy gikiytani gikakkis ahj barewvityevwi. Avim ini nah marekevwe gikakkis hiyeg ku pariye marekevwevye nukakuh gikakkis hiyeg ku pariye marekevwevye akki nuwnuh ta gitkis hiyeg. Hiyeg amedgenevwi inin igkis kuwis isahkiswe giw Uhokri. Igkis mbeyevye gihiyekemnikis. Ka yi muwaka mara gibohrikis.

Lúkas 15:10

Hawata akiw ka aynsima batekka gimunkis Uhokri gihiyegavu ahj ku aysaw pahavwi taraksevye wages gihiyekemni.

Lúkas 22:57

Igme wihwe giw. Ig awna gut: — Kiyavuno, nah kawa hiyakgiwa ner awayg.

Lúkas 9:26

Mmanawa aysawnemenek nah, ku pariye wageswe awayg amadgaya inin, nah aytanek akak madikte nukiytani, gikak Wigwiy gikiytani, gikakkis ahj barewvityevwi gikiytanikis. Avim ini nah marekevwe gikakkis hiyeg ku pariye marekevwevye nukakuh, ku pariye marekevwevye akka nuwnuh ta gitkis hiyeg.

2 Timótyu 2:12

Ku wis dehewnene abetnewa mbeyne gidahan, nikwe wis kumaduka payak gikaknek. Heneme ku wis wihwe giw, ig wihwepta wownek.

1 João 2:23

Mmanawa ku pahavwi awna: “Jesus ig ka Uhokrima gikamkayhma”, nikwe ig yumahwa Wigwiy ay givit. Heneme ku pahavwi awna: “Jesus ignewa Kiyavwiye Uhokri gikamkayh”, nikwe ig Wigwiy ay givit.

1 João 2:28

Henewa nukamkayuvwi, misakwanabay pahavwiwa gikak Jesus Cristo. Wewnay akak gihiyekemninen. Nikwe aysawnemenek ku aysaw ig hiyapkiswa wotwiy akiw, wixwiy ka marenpima gibohri. Wixwiy kiboka gitivutnek avim ini ku aysaw ig danuh atan.

Apokalípsi 3:8

Nah hiyak ku samah yihiyekemni ayge. Kibeyne, yis kadahan yawaygi aynesa. Yis ihpene nuwnuh. Yis ka isahkiswa nuwhu. Inneki keh nah woke kibeyne iwetrit yidahan. Yuma hiyeg hiya asabukak yiw.