Lúkas 12:5 - Uhokri Gahegbetawni Nukune akak Sawmus

⁵ Nah akkite yit ku kabohri yis avis. Avisnay gibohri Uhokri ku pariye kadahan gidatni adahan umehpewiy, hawata ig kadahanata gidatni adahan ig sarayhpewiy ta avit ini iwetrit ku kiney kane aynsima kayahwaki. Avisnay gibohri igi.

Uhokri Gannasan

⁵ Nah akkite yit ku kabohri yis apis. Apisnay gibohri Uhokri ku pariye ka inenwatma hiyá wowmhakwiy henneme ariwntak ini ig ik adahan ig sarayhpewiy ta apit ini iwetrit ku kiney kaneayhsima kayahwaki. Apisnay gibohri iggi.

Lúkas 12:5 Iomraidhean Croise

Sawmus 9:17

Hiyeg mbayavye payak gikakkis madikte hiyeg ku pariye kane aminema giw Kiyavwiye Uhokri, aysawnemenek igkis madikte tiviknek arimkat miyaka.

Matews 10:28

Ka yi muwaka avis gibohrikis neras ku pariye umehpiye yivit, yitipme igkis ka hiya ariwmhak. Heneme avisnay gibohri Uhokri ku pariye kadahan gidatni adahan umah yivit. Ig kadahanata gidatni adahan ig umah yitip aynte amun ini iwetrit ku kiney kane aynsima kayahwaki. Avisnay gibohri igi.

Matews 25:41

Pisenwa nah awnanek ta gitkisme neras aytaki patuwenavriktak. Nah awna gitkis: “Ayguhwanay aytakihan, yis ku pariye ikaksaka adahanikwa biyukwiki! Su yi tivik ta abetit nor tiket ahawkri ku pariye ahegbetaki gidahankis wavityempu payak gikak gikivarakis. Su yi tivik atere.

Matews 25:46

Ayteke ig Kiyavwiye Jesus pesenwehe giwn, ig awna: “Neras tiviknek arimkanit biyukwiki. Nerasme kibeynevwi igkis tiviknek aymahwa gimun Uhokri adahan avanenekwa.

Matews 5:22

Nahme awna yit, ku pahavwi he dagawnevi git gikebyi, nikwe amun ini ig kuwis ig tarakse. Igi kis adahan hiyaptigi hiyapkis mbeyne git avatra ini gitaraksan. Hawata akiw ku pahavwi awna gimin gikebyi: “Novre yuma gihiyekemni”, ay amun ini ig hawata tarakse. Igi kis adahan uwewkistenwiy hiyapkis mbeyne git avatra ini gitaraksan. Hawata akiw ku pahavwi awna gimin gikebyi: “Novre ka kabay. Kuri ig tivik ariwtrikut tiket.” Igi hawata ig kis adahan ig tivik ariwtrikut tiket ayge amun ini iwetrit ku kiney kane aynsima kayahwaki.

Markus 13:23

Kuri nah kuwis akkamnih yit madikte ku pariye nehmnikuhpiye. Ka ba yi kinikiswa ta gitkis hiyeg.

1 Tesalonisenses 4:6

Amawka yuma pahavwinema awayg kamax gikebyi gihayo. Ku ig miyatig hene, in humaw mbeyevye taraksaki. Ig Kiyavwiye Uhokri diyuhkisnek neras ku pariye kehnevwi akebi ini mbayka. Usuh kuwis akki yit inakni akak madikte wawaygi.

Ebréws 10:31

Ku wis ay giwaku Kiyavwiye Uhokri dehetniye adahan ignewa hiyak ukak, ik adahan wis avis ka aynsima. In ka abohrisima.

2 Pedru 2:4

Ku yis hiyap Kiyavwiye Uhokri ka bayahmina neras ahj ku pariye tarakse giwn minikwak, igkiskata akiw neras kinisekevutnevwi? Ig sarayhe neras ahj aynte warikwi. Igkis paraksepka arikut miyokwiye ku pariye kane amisnavyesima. Ayge ig Kiyavwiye Uhokri ikiswigkis he ku aysaw gihawkanavrikkis danuh adahan igkis katiwnivwe avatra gitaraksankis. Igkiskata akiw neras kinisekevutnevwi? Igkis hawata katiwnivwenek.

Apokalípsi 14:7

Ig ahj awna gitkis akak madikte gawaygi. Giwn: — Kiyathanabay Uhokri akak madikte yavisni. Kiyathanigbay mmanawa metakwa ahawkanavrik danuh adahan ig katiwnisevye gitaraksankis gitkis hiyeg avatra gikehnikis kane kabay. Kawohkigahawnabay git Uhokri, git ner ku pariye kehe en, kehe waxri, kehe parahwokwa hawata kehe un ariwtyak.

Apokalípsi 15:4

Kiyavwiye, hawkavanek yuma pahavwinema hiyeg ka avisma pibohri. Yuma pahavwinema ka kiyathama piw. Mmanawa pisnewa barewvitye. Yuma pahavwinema barewvitye kema pisma. Aysawnemenek hiyeg ariwntak madikte waxri aytanek pimkat adahan igkis kibeyhene piw, mmanawa pannu ku pariye kibeynewatnen ini hiyapkanek gavitkis madikte hiyeg. Henewatbaki igkis hiyeg pak givankis.

Apokalípsi 20:14

Ayteke ariwnteke ini, miyaka akak miyaravyempu giwetrikis in padakavepka abetit tiket ahawkri. In yuma ay akiw, mmanawa egu tiket ahawkri innebaki aveynivye miyaka. In amaksemni miyaka.