Lúkas 12:47 - Uhokri Gahegbetawni Nukune akak Sawmus

⁴⁷ Ku pariye ibukti hiyak ku pariye gikivara gibetki, ku ig ka ahegbetaw avit gaytni, ku ig ka keh ku samah gikivara gimawkan, ayge nikwe ka aynsima mbeyne hiyapkiska gitnek.

Uhokri Gannasan

⁴⁷ Ku pariye ibukti hiyak ku pariye gikipara gibetki, ku ig ka ahegbetaw apit gaytni, ku ig ka keh ku samah gikipara gimawkan, ayge nikwe kaayhsima mbeyne hiyapkiska gitnek.

Lúkas 12:47 Iomraidhean Croise

Lúkas 12:41

Igme Pedru ayavgi: — Kiyavwiye, mmah pis awna inakni iwit udahannenwa, ba kawk, ba gidahankis madikte hiyeg?

Lúkas 12:46

Ayteke ku aysaw ig ka wahapnigma, pahaye adahan ig gikivara danuhnek. Ig danuh ku aysaw gibuk ka iknima adahan ig danuh. Ayge nikwe ig katiwnise gitaraksan ta git gibuknek. Ig sarayhkiswig ta arimkanit ini iwetrit gidahankis hiyeg ku pariye kane ihpenevwima giwn.

Joawh 12:48

Ku pahavwi nutukepten, ku ig ka amava nuwnuh, ay pahat arikna ku pariye katiwnise gitaraksan gitnek. Inakni nuwnuh ku pariye kuwis nah ekke yit, ini katiwnise gitaraksan git aysawnemenek amaksemni hawkri.

Joawh 19:11

Igme Kiyavwiye Jesus awna git: — Kiyavwiye, igwa Kiyavwiye Uhokri inurikyene iki pit ini pidatni adahan pis nudaddahkisepten. Igme ner ku pariye nudaddahkiswitni pit, igi gitaraksan ka aynsima mbayte ariw pitaraksan, mmanawa giwnteknewa ig daddahkiswen.

Joawh 9:41

Ig timapni hene, ig awna gitkis: — Wake yis ikaw ke motavyebe abet yihiyekemni, wake yis mpiksewne aharit Uhokri gihiyekemni, nikwekam yuma yitaraksankam. Heneme yis ikewne ke wotbe yis hiyepnevwi kuwisbe. Yis ka mpiksaw aharit Uhokri gihiyekemni akiw. Nikwe yis yidukwenewa akak madikte yitaraksan.

Attus 17:30

Minikwak hiyeg ikiygi hene mmanawa igkis ka hiyak hawkri. Avim ini ig Kiyavwiye Uhokri kiyakan gikakkis. Heneme ku avim inin ig kinetihwa gitkis madikte hiyeg muwapuw. Ig awna: “Yis ka hiya yisma misakwa henenwatma akiw. Wagesnabay yihiyekemni ariw yitaraksan.”

Tiyagu 4:17

Hiyapnabay nikwe. Nah kuwis akki yit ku pariye kabay adahan wixwiy keh. Ku wixwiy hiyak ku pariye kabay adahan wixwiy keh, heneme ku wixwiy ka keh hene, nikwe in patahwaki udahanwiy.