Lúkas 12:21 - Uhokri Gahegbetawni Nukune akak Sawmus

²¹ Heneki madikte hiyeg ku pariye kiye givitkisnen igkis aharitne igiska amadgaya inin, heneme igkis ka igisyema akak Uhokri gihiyekemni. Heneki igkis biyuknek akak madikte igiska.

Uhokri Gannasan

²¹ Henneki madikte hiyeg ku pariye kiyé gipitkisnen igkis aharitne igiska amadgaya inin henneme igkis ka igisyema gikak Uhokri gihiyakemni. Henneki igkis biyuk akak madikte igiska.

Lúkas 12:21 Iomraidhean Croise

Lúkas 12:33

Hiyawa yis piyuk yewkanbet, yis amnih hiyeg madiptavye akak akakuravig. Ayge nikwe yis utinek yewkanbet ku pariye kane madikti yiw. Yis kadahanek igiska aynte inurik ku pariye dahwa adahan avanenekwa. Ayge yuma amevwavye danuh atere adahan ignes kidisnes yewkanbet. Ine masumsu ka kagehbeta kamis.

Lúkas 16:11

Yis hawata. Ku yis ka kannuh kawih yewkanbet amadgaya inin wadit gidahan Uhokri, nikwe aysawnemenek yuma arikna inurikyene ikaka ta yiwakurit.

Lúkas 6:24

— Heneme, akayih, ka aynsima mbayka ay yidahanek yis ku pariye ikewnevwi yuma arikna muwekne yit ku samah yis aynete amadga inin. Yis ka uti ariknawnemanek akiw ariw ku pariye yis kuwis kadahan.

Romanus 2:5

Pisme ka wageskere pihiyekemni. Piyakni ka adanisima. Ayge nikwe pis kiyesrinene pitaraksan he ku aysaw ahawkanavrik danuhnek adahan Uhokri kahayaksa pitnek ku samah ig ka batek akak ini pihiyekemni kane kabay. Avim ini pis utinek ku pariye kabay pidahan. Mmanawa ig Uhokri ka taraksa ku aysaw ig hiyak ukak.

2 Koríntyus 6:10

Inpawa usuh abet kadniki, heneme usuh avanenekwa bateknenekwa unaktin. Usuh madiptavye, heneme usuh igisenene hiyeg ka aynsima akak Uhokri Gitip gihiyekemni. Usuh yuma ariknawnema ay umunuh, heneme usuh kadahan madikte kabayka inyewatnene ay umunuh.

1 Timótyu 6:9

Heneme ku pariye hiyeg aharitne igiska amadgaya inin, igkis tayuhpikanek arit mbayka, igkis tuguhnek arikut Satanas giteyni. Igkis kowtyakvuhaw amin arakembet ku pariye kane kabay. Nikwe in humaw ke teybe adahan gikinseptenkis, adahan gitugaseptenkis, adahan gibikeseptenkis hawata adahan giwhmaseptenkis.

Tiyagu 2:5

Ataybiswanabay nutuh, nukebyuvwi kibeynevwi. Kiyavwiye Uhokri kaniy hiyeg madiptavye amadga inin adahan ig keh igkis humaw igisavye abet gihiyekemnikis awaku gikamaxwankis givitit Kiyavwiye Uhokri. Aysawnemenek ig keh igkis kumadukanek payak gikak mmanawa ig kuwis ikaksin hene gitkis madikte hiyeg ku pariye batekyevwi gikak.

Apokalípsi 2:9

Nah hiyak ku samah yis hiyepne mbeyne. Nah hiyak ku samah yis madiptavye, heneme nutuh yis igisavyenen. Nah hiyak ku samah hiyeg pataha yiw. Neras hiyeg ikawnamahkis ke wotbe igkis Uhokri gihiyegavube bawa kawa. Bawa igkis wavitye gihiyegavu.