Lúkas 12:18 - Uhokri Gahegbetawni Nukune akak Sawmus

¹⁸ Ig awna: “Nah hiyak ku samahpa nah keh. Nah hakuhkise abeyhekri nahakavu ariw. Nah kehkis pi kiyeste akiw. Atere nah bayahkis madikte nahakavu ariw, madikte newkanbet.

Uhokri Gannasan

¹⁸ Ig awna: “Nah hiyak ku samahpa nah keh. Nah hakuhkise abeyhekri nahakapu ariw. Nah kehkis pi kiyeste akiw. Atere nah bayahkis madikte nahakapu ariw, madikte newkanbet.

Lúkas 12:18 Iomraidhean Croise

Sawmus 17:14

Kiyavwiye, akak ini pidatni uya keh nah isahptaw giwkis; henewa, keh nah isahptaw giwkis neras amadgayavu inin ku pariye kuwis kadahan madikte kabayka ku pariye gimawkankis. Katiwnisa gitkis akak ini mbeyne ku pariye pis bayehe gidahankis. Hawata katiwnisa gikamkaykis gitaraksankis gitkis, hawata gihiwhivwikis gitaraksankis akiw.

Matews 6:26

Ivegnay noras kuhivra amarapnano. Egkis ka mutuh ariknawnema, egkis kawnata taris ariknawnema ine egkis kawnata bayah ariknawnema ariku payt. Heneme Wigwiy inurikyene iki gumanakis takunipti. Yis ka aynsima pi kavigte git Uhokri mpiy kuhivra. Ig iki yit hawata.

Lúkas 12:17

Ig hiyapni hene, ig ivegminene gihiyekemni ig awna: “Mmahpa nah keh kuri? Nah yuma iwetrit adahan bayehne nahakavu ariw.”

Lúkas 12:19

Pisenwa nah awna nnaktin: ‘Awayg, pis kadahan igiska ka aynsima kuri. Ik adahan ka aynsima kamukri. Hiyawa pis mayaksa pivit, hiyawa pis axne, hiyawa pis higepne, hiyawa pis batekye adahan kibite kamukri kuri.’”

Lúkas 12:21

Heneki madikte hiyeg ku pariye kiye givitkisnen igkis aharitne igiska amadgaya inin, heneme igkis ka igisyema akak Uhokri gihiyekemni. Heneki igkis biyuknek akak madikte igiska.

Lúkas 12:24

Ivegnay gumkatkis noras yu. Egkis ka mutuh ariknawnema, egkis kawnata taris ariknawnema. Ine egkis kawnata bayah ariknawnema ariku kat ine ariku payt. Heneme Uhokri iki gumanakis takunipti. Yis ka aynsima pi kavigte git Uhokri mpiy kuhivra. Ig iki yit hawata.

Lúkas 18:4

Pitatye ig ka amnihgu. Heneme amaksemni ig awna ginaktin: “Henewa nah ka kiyata ariknawnema, ine hiyeg ine Uhokri.

Lúkas 18:6

Ayteke ig Kiyavwiye Jesus awna gitkis gikannuhnivwi: — Timapnay ku samah ner hiyaptigi ku pariye kane kibeynema ig ihe guwn nor ku pariye amnihswano git takunipti.

Tiyagu 3:15

Akebi ini hiyakemniki ka ayta inuriktakma. In he hiyegnen gihiyekemnikis amadgaya inin. In wavitye ahiyekemni.

Tiyagu 4:13

Ataybiswanabay numkat, yis ku pariye awna: “Ku avim inin usuh tahan avitit ini paytwempu. Ku usuh ka atak ku avim inin, usuh atak takuwanek. Usuh misakwa ayge adahan pahak kamukri. Ayge usuh woka piyuket. Usuh uti ka aynsima karukrinek.”

Tiyagu 4:15

Kabayte wixwiy ka awna inakni hene. Kabayte wixwiy awna: “Gikak Uhokrinek usuh aynek. Gikak Uhokrinek usuh keh han.”