Lúkas 12:16 - Uhokri Gahegbetawni Nukune akak Sawmus

¹⁶ Ayteke ig awna pahat iwit patuwesbuhka ta gitkis. Giwn: — Minikwak pahavwi awayg igisye gamutravwi ka aynsima kewvi.

Uhokri Gannasan

¹⁶ Ayteke ig awna pahat yuwit patuwesbuhka ta gitkis. Giwn: ―Minikwak pahapwi awayg igisye gamutrapwi kaayhsima kewpi.

Lúkas 12:16 Iomraidhean Croise

Sawmus 73:12

Igkisme mbayavye ka kumadukasewkere git Kiyavwiye Uhokri. Igkis yuma arikna muwekne gitkis. Igkis kibihenene gewkanbetkis akiw.

Sawmus 73:3

Mmanawa nah hiyap hiyeg ku pariye kane kumadukasewkere git Kiyavwiye Uhokri, igkis mbeyevye gihiyekemnikis, heneme igkis uti ka aynsima kabayka ay amadga hawkri. Nah hiyapni hene nah kaminwaptihpigkis.

Matews 13:8

Araytakme gamutra ayak tuguhe abetit kibeyne wayk. Ayge egkis hiyan. Egkis aymuhwa he egkis kew. Egkis sarayh ka aynsima guwkis. Gaytakkis kew madikawku madikwa gukebikis (100). Gaytakkisme kew puguhkuna madikwa gukebikis (60). Gaytakkisme kew mpana madikwa gukebikis (30).

Matews 5:45

Kahadbe yis humaw Wigwiy inurikyene gikamkayuvwi, awaku yihiyekemni kewa gidahanbe, mmanawa ig Uhokri kabutni kamuw givititkis hiyeg mbayave payak gikakkis hiyeg kibeynevwi. Ig waykkis muwok givititkis hiyeg wadityevwi payak gikakkis hiyeg kane wadityevwima.

Lúkas 12:15

Ayteke ig awna ta gitkis neras hiyeg: — Hiyapnabay, pukuhpawnabay abohri mpihpaka amin ewkaki, mmanawa ku wis kadahan ka aynsima wewkanbet, ka innema keh wis uti dehetniki.

Lúkas 12:17

Ig hiyapni hene, ig ivegminene gihiyekemni ig awna: “Mmahpa nah keh kuri? Nah yuma iwetrit adahan bayehne nahakavu ariw.”

Attus 14:17

Bawa ig ay ukakwiy. Ig iki wotwiy ka aynsima kabayka ku pariye areketni wotwiy ku ig ay ukakwiy. Ignewa iki wotwiy mwok inuriktak. Ignewa iki wotwiy kibeyne amutri kahadbe wixwiy kamana. Ignewa ku pariye keh wixwiy batek. Ignewa uwohkigawiy adahan wixwiy kiyathig. Henewatbaki ig Pol awna.