Lúkas 12:15 - Uhokri Gahegbetawni Nukune akak Sawmus

¹⁵ Ayteke ig awna ta gitkis neras hiyeg: — Hiyapnabay, pukuhpawnabay abohri mpihpaka amin ewkaki, mmanawa ku wis kadahan ka aynsima wewkanbet, ka innema keh wis uti dehetniki.

Uhokri Gannasan

¹⁵ Ayteke ig awna ta gitkis nerras hiyeg: ―Hiyapnabay pukuhpawnabay abohri mpihpaka amin ewkaki mmanawa ku wis kadahan kaayhsima wewkanbet, ka innema keh wis utí dehetniki.

Lúkas 12:15 Iomraidhean Croise

Sawmus 10:3

Igkis mbayavye keh giwantikis akak ku pariye gimawkankis igkis kehkere. Ku pariye hiyeg kowtyakuvye ig ka aritnama giw Kiyavwiye Uhokri. Ig hawata awna iwit ku pariye adahannenwa mahivwihne Kiyavwiye Uhokri.

Sawmus 37:16

Ku wis kibeyne hiyeg, ka sam wis madiptivye. Kabayte wis madiptivye, mpinekata wis igisye akak ewkaki ku pariye wameyi.

Sawmus 62:10

Ka yi muwaka kamaxwa avitit yarewhan, ine kawnata amin arikna akak amevwiki. Ku yidahan igiska wagehe ka aynsima, ka yi muwaka kamaxwa nivitit.

Markus 7:22

miyarhawka, mbayka, kinisaka, meksaki, atihpaki, miyathaka, kawantiki, puwvuki.

Lúkas 12:16

Ayteke ig awna pahat iwit patuwesbuhka ta gitkis. Giwn: — Minikwak pahavwi awayg igisye gamutravwi ka aynsima kewvi.

Lúkas 16:14

Neras farizewkis timapni madikte inakni giwn hene, igkis mahivwihpig. Mmanawa igkis batek akak gewkanbetkis, igkis ka biyuksakere gikakurakis gidahan Uhokri.

Lúkas 21:34

— Misakwanabay ahegbet avanenekwa avit ini hawkri danuh. Ka yi muwaka ikatuswa arit amadgaya inin. Ka yi muwaka ikatuswa arit fet arit uwkihwaki. Nawenetke pahaye adahan in hawkri danuh yis ka iknima.

Lúkas 8:14

Egnesme nor amutri ayak ku pariye tuguhe ta abetit pudukuvwi, egnesbaki arakak gidahankis hiyeg ku pariye timap Uhokri giwn ignes amavin. Heneme kibeye, kibeye, igkis pi ikatuswate adahan arikna amadgaya inin. Igkis kinikiswate arit igiska, arit batekka amadgaya inin. Ayge nikwe igkis ka kannuhwa keh Uhokri gibetki. Amun ini nikwe igkis humaw waditnevyenen kewa pahakti amutribe ku pariye sarayh guw, heneme egkis ka kahawkan ivat egkis kigise madikte.

1 Koríntyus 6:10

Ine hiyeg amevwavye. Ine hiyeg kowtyakuvye. Ine hiyeg ba gibetkikis uwkihwa. Ine hiyeg ku pariye gibetkikis pataha hiyeg giwkis. Ine hiyeg arewhavye. Akebi neras hiyeg ka kawihti Uhokri gikumadukan.

Kolosénses 3:5

Nikwe umahkisnay ini yihiyekemni amadgaya inin git Kiyavwiye Uhokri. Ka yi muwaka iveg adahan mahayakemniki, patahwaki, sigiska, kinikwaki. Ka yi muwaka miyarhaw aharit ariknawnema amedgene inin. Ku yis miyarhaw aharit pahat arikna, amun ini yis pi batekte akak ini arikna mpiy giw Kiyavwiye Uhokri.

2 Timótyu 3:2

Avim ini hiyeg humaw mavukavye, kowtyakuvye, kawantivye. Igkis ikaw kabayte giw pahavwi. Igkis mahivwihne, igkis ka iha gigkis giwn, hawata igkis kawnata kabayhigkis. Igkis kawnata kiyatha Kiyavwiye Uhokri.

Ebréws 13:5

Ka yi muwaka ikaw kowtyakuvyema aharit karukri. Bateknay akak ku pariye kuwis ay yiwaku. Mmanawa Kiyavwiye Uhokri awna wotwiy: “Nah kuwis pidahan. Nah ka ikispiti. Nah ka miniwbetawti piw.”

2 Pedru 2:14

Giwtyakkis he ivegnema aharit tino. Igkis ka ehwa akak gimahyakemnikis. Igkis kinista hiyeg ku pariye aynesa gihiyekemnikis he ignesme iha giwnkis. Igkis ka gannukisima kinista hiyeg aharit gewkanbetkis. Ka sam. Aysawnemenek igkis hiyap mbeyne avatra ini gimahyakemnikis.

2 Pedru 2:3

Igkis neras kinisekevutnevwi humaw batekkatruvye aharit yikakuranek. Igkis awna barewye iwit he gikehbetankisnen adahan yikinsetni kahadbe igkis dax yikakura. Ayipa minikwaknawa akebi neras ikaksepka adahan igkis biyuk giw Kiyavwiye Uhokri. Ig Kiyavwiye Uhokri ka himaknema. Ig kuwis ahegbet adahan givukeptenkis hanpa arimkanit biyukwiki adahan avanenekwa.