Lúkas 12:14 - Uhokri Gahegbetawni Nukune akak Sawmus

¹⁴ Igme Kiyavwiye Jesus kaytwa giwn: — Awayg, nah ka ayta adahanma nah kehnema yis ibekhekbet amin yewkanbet. Ka ininema nannivwi.

Uhokri Gannasan

¹⁴ Igme Kiyapwiye Jesus kaytwa giwn: ―Awayg, nah ka ayta adahanma nah kehnema yis ibekhegbet amin yewkanbetma. Ka ininema nannipwi.

Lúkas 12:14 Iomraidhean Croise

Lúkas 12:13

Ayteke pahavwi awayg ayge ig awna git Kiyavwiye Jesus gibetitakkis neras hiyeg kabubuknene ayge. Ig awna git: — Kiyavwiye, niguh kuwis miyap. Negni darihe madikte gewkanbet. Uya amnihun awna ta git adahan usuh ibekhekbet amin wiguh gewkanbet.

Lúkas 22:58

Ayteke ariwnteke ini pahavwi hiyeg akiw hiyavgi atere. Ig awna git: — Pisnewa gaytakkis Jesus gikannuhnivwi. Igme kaytwa giwn: — Ka nahnema.

Lúkas 5:20

Ig Kiyavwiye Jesus hiyapni hene ku samah gikamaxwankis givitit, ig awna ta git awayg miyavuvye. Giwn: — Nukebyi, nah bayahminap ariw pitaraksan gikak Uhokri.

Joawh 6:15

Igkis givewkankis mpiksaptihpig adahan ig humaw gikivarakis. Igme Kiyavwiye Jesus hiyapni hene, ig tivik giwkis. Ig manuke avitit paha waxri imuwadnene akiw, ig pahavo.

Joawh 8:11

Egme kaytwa giwn: — Yuma, Kiyavwiye. Igme awna gut: — Nah hawata, nah kawnata padakpita. Hiyawa pis tivik diyuhe pivinwat. Heneme ka ba taraksa akiw.

Romanus 2:1

Nawenetke pahavwi yaytak hiyapni hene, ig awna: “Neras hiyeg ka kibeynevwima. Ignes katiwnivwenek avatra gitaraksankis. Nahme ka henema. Nah kibeyne hiyeg.” Nukebyi, ka ba awna inakni. Avuriwnaba ku pis hawata kataraksanata ke igkisbe. Ku aysaw pis iki ku igkis ka kibeynevwima, piminwa pis awna ku pis kawnata kibeynema.

Romanus 2:3

Pis awna: “Neras kis adahan igkis katiwnivwe avatra gitaraksankis.” Bawa pis hawata kis adahan pis katiwnivwe hawata ke igkisbe. Pis kataraksanata hawata ke igkisbe. Mmah pivewkan ig Uhokri ka katiwnisa pit avatra pitaraksan? Ihi. Ig hiyak pikaknek hawata ku samah ig hiyak gikakkisnek neras kataraksanye.

Romanus 9:20

Nukebyi, ka ba awna inakni hene. Pis he hiyeg amadgayanen inin. Pariyenekap adahan pis karatonaw gitivut Uhokri? Yuma pahavwinema waytakwiy kis adahan Uhokri amnihgi. Wixwiy ka ariknawnema gitivut. Wixwiy kewa parawkambe. Igme Uhokri ig kewa pahavwibe ku pariye batak ini parawkam. Pahavwi gibatkan ka hiya inma awna git: “Mmahka pis kehun hene?”