Lúkas 12:11 - Uhokri Gahegbetawni Nukune akak Sawmus

¹¹ — Aysawnemenek yis kamiyevepkanek abet pahadguhka, ariku leglis. Hawata akiw yis kamiyevepkanek ta gitkis hiyaptigi, ta gitkis yikivaravu. Yis waxwevepkanek ta givetunatkis avatra ku samah yis nuhiyegavu. Ku aysaw yis kamiyevepkanek hene, ka yi muwaka ivegmina yihiyekemni adahan ku pariye yis awnanek gitkis avim ini hawkri.

Uhokri Gannasan

¹¹ ―Aysawnemenek yis kamiyepkanek abet pahadguhka agiku leglis. Hawwata akiw yis kamiyepkanek ta gitkis hiyaptigi ta gitkis yikiparapu. Yis waxepka ta gipetunatkis apatra ku samah yis nuhiyegapu. Ku aysaw yis kamiyepka henne, ka yi muwaka ipegmina yihiyakemni adahan ku pariye yis awna gitkis apim ini hawkri.

Lúkas 12:11 Iomraidhean Croise

Matews 23:34

Aysawnemenek nah awahkis yimin nawenyevwi nawnevevu, nah awahkis yimin hiyeg hiyakemniyevwi, nah awahkis yimin kannuhekevutnevwi amin Uhokri gihiyekemni. Gaytakkis yis umahavevgikisnek. Gaytakkisme yis daddahavevgikisnek aminat ah. Gaytakkisme akiw yis biptavevgikisnek akak tigay ay ariku yileglisa, yis haraksavevgikisnek avititak paha paytwempu danuhte avitit nawenyewa paytwempu akiw.

Matews 6:25

Inneki keh nah awna yit, ka yi muwaka kiyimwihwa amin ariknawnema ku pariye muwekne yit, ine amin yaxni ine amin yihigvan adahan yih adehetni, ine amin yikawihni adahan yivit. Ku yis hiyap ig Uhokri kuwis iki udehetniwiy, umanawiykata akiw ig ka iki wotwiy akiw? Ku yis hiyap ig kuwis keh uvitwiy, ukawihniwiykata akiw ig ka iki wotwiy?

Matews 6:27

Ka ik adahan wis kiyabwih udehetni akak ku samah wis kiyimwihwa nikak. Wis kiyimwihwa nikak waditnevyenen.

Matews 6:28

Mmahki nikwe yis kiyimwihwa amin yikawihni? Ivegnay ku samah ivuriti gubereswankis. Egnes ivuriti ka kannivwi adahan guvitkis. Egkis kawnata paduk gukawihnikis.

Matews 6:31

Ka yi muwaka kiyimwihwa. Ka yi muwaka awnptaw: “Kit wis uti umana kuri? Kit wis uti uhigvan? Kit wis uti ukawihni?”

Matews 6:34

Ka yi muwaka kiyimwihwa akak hawkri ku pariye nehmnikuhpiye yit takuwanek. Ig Uhokri hiyak nikak yidahan hawata takuwanek. Ikeyvi ig avuriwyi ku avim inin.

Lúkas 12:22

Pisenwa gawnan inakni iwit, ig Kiyavwiye Jesus awna ta gitkis gikannuhnivwi. Giwn: — Inneki keh nah awna yit, ka yi muwaka kiyimwihwa amin ariknawnema ku pariye muwekne yit amadga inin, ine amin yaxni adahan yih adehetni, ine amin yikawihni adahan yivit.