Lúkas 12:10 - Uhokri Gahegbetawni Nukune akak Sawmus

¹⁰ — Ku pahavwi ka kiyathan nah ku pariye wageswe awayg amadgaya inin, ka sam. Nawenetke kuwewanek ig Uhokri Gitip dax avit giyakni adahan ig kiyathan. Ayge nikwe ik adahan Uhokri bayahminig ariw ini gitaraksan ku samah pitatye ig ka kiyathan. Heneme ku pahavwi ka kiyatha Uhokri Gitip, nikwe ka ik adahan ig Gitip dax avit giyakni adahan ig wages gihiyekemni. Ayge nikwe kawnata ik adahan ig Uhokri bayahminig ariw ini gitaraksan.

Uhokri Gannasan

¹⁰ ―Ku pahapwi ka kiyathan nah ku pariye wageswe awayg amadgaya inin, ka sam. Nawenétke kuwewanek ig Uhokri Gitip dax apit giyakni adahan ig kiyathan. Ayge nikwe ik adahan Uhokri bayahminig ariw ini gitaraksan ku samah pitatye ig ka kiyathan. Henneme ku pahapwi ka kiyatha Uhokri Gitip, nikwe ka ik adahan ig Gitip dax apit giyakni adahan ig wages gihiyakemni. Ayge nikwe kawnata ik adahan ig Uhokri bayahminig ariw ini gitaraksan.

Lúkas 12:10 Iomraidhean Croise

Lúkas 23:34

Avim ini ig Kiyavwiye Jesus piriyepkaw. Ig awna: — Pa, uya bayahmina neras ariw inin gitaraksankis. Igkis ka hiyak ku pariye gikehnikis ku avim inin. Ayteke neras suwtat pisenwa gidaddahnikis, igkis arehwa akak tip adahan hiyap ku pariye kabunuganen igi darih Kiyavwiye Jesus gikawihni. Hene igkis ibekhevyes gikawihni pawtak.

1 Timótyu 1:13

Nah ka kiseweknema adahan ig kaniyun mmanawa minikwak nah mbeyhene Kiyavwiye Jesus giw. Nah awna ku ig ka giwntakma Kiyavwiye Uhokri. Avim ini nah hiyapkisne mbeyne gitkis gihiyegavu ay. Nah arewhene gitkis. Nah taraksene gikak Kiyavwiye Uhokri ka aynsima, heneme ig amnihpen ig bayahminevun ariw nutaraksan mmanawa nah ka hiyak hawkri, mmanawa avim ini nah kote kamaxwate givitit.

1 João 5:16

Ku wis hiyap pahavwi tarakse, amawka ku wis aya git Kiyavwiye Uhokri adahan ig bayahminig ariw ini gitaraksan adahan ig ikene gawaygi git. Ayge nikwe ig Kiyavwiye Uhokri keh ku samah wayapni git. Heneme ay pahat taraksaki ku pariye utipkis wot miyaka. Ini taraksaki adahan ku pahavwi tukuhwe giw Kiyavwiye Uhokri. Yuma pahavwinema hiyeg hiya amaptanka ini taraksaki adahan ini ka utipkis git miyaka. Ku wis hiyap pahavwi tukuhwe giw Kiyavwiye Uhokri, ka hiya wisma aya git Kiyavwiye Uhokri adahan ig bayahminig ariw ini gitaraksan adahan ig ikene gawaygi.