Lúkas 11:9 - Uhokri Gahegbetawni Nukune akak Sawmus

⁹ Avanenekwa ayepnenekwa kabayka ta git Uhokri. Igme iki yit ku pariye yayapninek git. Ku ig ka iki yit nikwenewatma avim ini, ka sam. Ikawnay kewa pahavwibe ku pariye ivegvene arikna he ig utepni. Ayge nikwe yis utinek ku pariye yimawkan. Ikawnay kewa pahavwibe ku pariye tetesnene anumeku pahavwi gilapota he igme woka ta git. Ayge nikwe ig Uhokri kaytwa yiwnek.

Uhokri Gannasan

⁹ Apanenekwa ayepnenekwa kabayka ta git Uhokri. Igme ikí yit ku pariye yayapni git. Ku ig ka ikí yit nikwenéwatma apim ini, ka sam. Ikawnay kewa pahapwibe ku pariye ipegpene arikna juktah ig utipni. Ayge nikwe yis utinek ku pariye yimawkan. Ikawnay kewa pahapwibe ku pariye tetesnene anumeku pahapwi gilappota juktah igme woka ta git. Ayge nikwe ig Uhokri kaytwa yiwnnek.

Lúkas 11:9 Iomraidhean Croise

Sawmus 118:5

Abetnewa nah kiyimwiye, nah amnihswe git Kiyavwiye. Igme timevun ig wiwhpen abetitak wakaymniki.

Sawmus 27:4

Nah pahatwowa nayapni git Kiyavwiye Uhokri Dehetniye, in ku pariye nah aharit ininewa: numawkan ig isaksan nah misakwa ay gimun takunipti ku samah nayivwi adahan nah hiyepne gibewi, nah ikatuswene git.

Sawmus 27:8

Piswa awna nutuh: “Ba ayta kennesa nutuh. Ivegva nuhepka.” Nahme kaytwa piwn: “Kiyavwiye, nah aterenek ta pivetunat adahan nah hiyepne pihepka.”

Sawmus 34:10

He igkiswa kawokwine yuma gimanakis, igkis kamax mativwa, heneme ka muwakti ariknawnama gitkis neras ku pariye amnihswenevwi git Kiyavwiye Uhokri Dehetniye.

Sawmus 34:4

Nah amnihswe git Kiyavwiye Uhokri, igme kaytwe nuwnuh. Ig wiwhpen ariw madikte aviska.

Sawmus 50:15

Hawata numawkan yis amnihswa nutuh avim ini ku aysaw yis abet kiyimwiki. Nahme mpithaynek niw. Nikwe yisme kabayhannek.”

Matews 21:22

Ku yis kamaxwa givitit Uhokri, madikte yayapni git humaw yitnek.

Matews 21:31

Kuri nah ayavyi. Pariyeva gaytakkis igkis piyananene gikebikis kehe gig gibetki? Igkis judeyenevwi giwewkistenkis kaytwa giwn: — Ner gikamkayh eggutye. Ayteke nikwe ig Kiyavwiye Jesus watekbete inakni iwit patuwesbuhka gidahankis. Ig awna: — Ka aynsima hiyeg ku pariye yis iki kane kibeynevwima, ka aynsima tinogben powkemnavyo egkiskit kawih Uhokri gikumadukan yiwnek. Ihanabay inakni nuwnuh.

Matews 6:29

Heneme egkis ka gubereswankisima. He amekene Salomão gibereswan ka mataka gubereswankis. Henewatbaki in.

Markus 11:24

Inneki keh nah awna yit: Ihpanay ku yis kuwis darihe ku pariye yayapni git Uhokri. Nikwe in humaw yitnek.

Markus 13:37

Ku pariye nah awna yit, nah awna ta gitkis madikte hiyeg. Nah awna: “Misakwanabay ahegbet avanenekwa.” Henewatbaki ig Kiyavwiye Jesus awna.

Lúkas 11:10

Mmanawa ku wis aya kabayka git, ikaka wotnek. Ku wis ivegvene ku pariye umawkan git, wis utipninek. Ku wis awna git, ig kaytwa wownek.

Joawh 14:13

Avim ini ku pariye yayapni nutuh nuwavrik nah ikini yitnek, kahadbe ig Wigwiy kiyathaka awaku ini ku pariye nukanuh yit.

Joawh 15:16

Ka yisnema ka kaniyhun adahan nah humaw yikagmada. Heneme nah kaniyvey adahan yis humaw nukagmadavu. Nah kaniyyi adahan yis wew muwapuw kehnenekwa nubetki, adahan yis humaw kewa atawnibdibe kane ariwtinisima ku pariye kane mewhawti. Nah kaniyyi adahan yannivwi ka waditnevyenenma. Nah kaniyyi adahan Wigwiy iki yit madikte ku pariye yayapni git nuwavrik.

Joawh 15:7

Yisme ku pariye kane henema, ku yis misakwa pahavwiwa nukakuh, ku nuwnuh misakwa ay abet yihiyekemni adahan yis wewne nikak, nikwe hiyawa yis ayap nutuh ku pariye yimawkan. Ku pariye yayapni nutuh in humaw yitnek.

Joawh 4:10

Igme kaytwa guwn: — Wake pis hiyakbe ku pariye Kiyavwiye Uhokri ik adahan iki pit, wake pis hiyakbe ku pariyene nah, nikwekam pis makahpawkam un nutuh. Nahme ikkam pit un ku pariye keh pis aymuhwa adahan avanenekwa.

Romanus 2:7

Ku pariye hiyeg tiviknene kehnene kabayka, igkis mpiksewnenes aharit Uhokri gibereswan, igkis mpiksewnenes aharit Uhokri gikiytani, igkis mpiksewnenes aharit gaymahwankis gimun Uhokri, akebi neras hiyeg utinek kabayka dehetniki.

2 Koríntyus 6:2

Mmanawa igwa Uhokri awna inakni inetit amadgatak gannasan. Giwn: — Ku avim inin nah muwaka adahan yamnihten. Nah ahegbet adahan timepne yiwn ku samah yis amnihswene nutuh. Nikwe usuh awna gitkis hiyeg: — Kibeyne. Ig Uhokri ahegbet adahan wamnihtenwiy. Uyay ka muwaka waha. Uyay amnihswa git kurinewa avim inin. Hene wownuh gitkis.

Ebréws 11:6

In kahayak huwewe wot ku wis ka kamaxwa givitit Kiyavwiye Uhokri nikwe ka ik adahan wis keh ig batek. Mmanawa adahan hiyeg danuh git Kiyavwiye Uhokri amawka ku igkis iha ku Kiyavwiye Uhokri ay. Hawata amawka ku igkis iha ku ig utipkis kabayka gitkis neras ku pariye mpiksewnevwi giharit.

Ebréws 4:16

Nikwe uyay kibokahwa danukwa git Kiyavwiye Uhokri takunipti. Uyay ka muwaka mara danukwa kennesa gihumwat ku kiney ig betnene amadga gevwi ig hiyapkisne gabay wotwiy. Ayge wixwiy uti amnihkanek. Ayge ig ikene wawaygiy ku aysaw wixwiy yuma udahanwiy wawaygiy.

Tiyagu 1:5

Ku pahavwi yuma gihiyekemni, amawka ig aya gihiyekemni git Kiyavwiye Uhokri. Igme iki git. Ig Kiyavwiye Uhokri iki wotwiy wayapniwiy git mpiy akiw ku samah umawkanwiy. Ig ka ehwa ukakwiy.

Tiyagu 5:15

Ku samah igkis piriyepkaw akak madikte gikamaxwankis, ini makniwa ner kakahriye. Kiyavwiye Uhokri kannikasignek. Ku ig pahavwi kuwis tarakse, ig Kiyavwiye Uhokri bayahminig ariw ini gitaraksanek.

1 João 3:22

Ku pariye wayapni git, ig iki wot, mmanawa wis ihpene gikumadukan wis kehne gibetki.

Apokalípsi 2:24

Yisme yaytak ayge avit paytwempu Tiyatira yis ka amava ini guhiyekemni ku pariye mbeyevyenen. Yis ka timepkere inakni iwit ku pariye igkis kanum “hiyakemniyevwi ginetnikis” bawa in Satanas ginetni. Kibeyne. Ininewa nayapni yit