Lúkas 11:51 - Uhokri Gahegbetawni Nukune akak Sawmus

⁵¹ Ig diyuhkis ta yivititnek gimigkis madikte gawnevevu, awenketeke amekene Abew gimig he danuhe arit amekene Zakariyas gimig, ner ku pariye umehpika ayegbi kakanhewket akak Uhokri Givin. Henewa ta yivititwa ig diyuhkis gimigkisnek.

Uhokri Gannasan

⁵¹ Ig diyuhkis ta yipititnek gimigkis madikte gawnepepu giwenketeke amekene Abew gimig he danuhe git amekene Zakaríyas gimig, ner ku pariye umehpika ayegbi kakanhewket akak Uhokri Gipin. Hennewa ta yipititwa ig diyuhkis gimigkis.

Lúkas 11:51 Iomraidhean Croise

Matews 23:35

Inneki keh ig Uhokri diyuhkisnek gimigkis ta yivitit. Ig diyuhkis gimigkis madikte hiyeg kibeynevwi ku pariye umahavepka amadga inin. Ig diyuhkis ta yivititnek gimigkis madikte gawnevevu ku samah giwenketeke amekene Abew gimig he danuhe ta git amekene Zakariyas gimig. Ig amekene Zakariyas igi ner amekene Barakiyas gikamkayh ku pariye umehpika ayegbi Uhokri Givin akak kakanhawket.

Ebréws 11:4

Amekene Abew kamaxwene givitit Kiyavwiye Uhokri. Inneki keh ig iki gikan git Kiyavwiye Uhokri ku pariye kabaytenene ariw amekene Kayh gidahan. Inneki keh ig Kiyavwiye Uhokri annasa kibeyne iwit gimin amekene Abew. Ini ku samah ig amava gikan git innewa akki wotwiy huwewe ku ig hiyap amekene Abew kibeyne giwtrik. Hiyawa ig amekene Abew miya minikwak heneme kuviknene ig ekkenene wotwiy adahan ku samah Kiyavwiye Uhokri batek akak kamaxwaki.

Ebréws 12:24

Wixwiy danuh git Kiyavwiye Jesus ku pariye kavitimpi ig Kiyavwiye Uhokri ahegbete gahegbetawni nukunewa ukakwiy, ku pariye ke wotbe ig saktevyebe uyakniwiy akak gimig adahan miyehkisne utaraksanwiy. Ini gimig ka aya git Kiyavwiye Uhokri adahan diyuhkisnema gimig kema amekene Abew gimigma. Heneme gimig adahanikwa amnihkisne hiyeg git Kiyavwiye Uhokri.

1 João 3:12

Amawka ku wixwiy ka amiyha pahavwi kema amekene Kayihma. Igi wavityeyan mmanawa ig umehe gisamwi. Ig umehpig avatra ku samah ig gisamwi batek keh kabayka, igme batek keh mbayka. Nikwe ig amiyhevgi ig umehpig.