Lúkas 11:49 - Uhokri Gahegbetawni Nukune akak Sawmus

⁴⁹ Inneki keh ig Uhokri awna: “Nah awahkis nawenyevwi nawnevevu akiw nah awahkis nawenyevwi nuwatnivwi akiw atere giminkis nuhiyegavu. Gaytakkis umahavepkanek. Gaytakkisme hiyapkiska mbeyne gitkisnek.” Ig awna inakni akak madikte gihiyekemni.

Uhokri Gannasan

⁴⁹ Inneki keh ig Uhokri awna: “Nah awahkis nawenépwi nawnepepu akiw nah awahkis nawenépwi nuwatnipwi akiw atere giminkis nuhiyegapu. Gaytakkis umehpikanek. Gaytakkisme hiyapkiska mbeyne gitkis.” Ig awna inakni akak madikte gihiyakemni.

Lúkas 11:49 Iomraidhean Croise

1 Koríntyus 1:30

Heneme kibeyne ig Uhokri keh wixwiy humaw pahavwiwa gikak Cristo Jesus. Igme Kiyavwiye Jesus ignewa ku pariye uhiyekemniwiy giwntekne Uhokri. Ignewa keh wixwiy ke kibeynevwibe giwtrik Uhokri. Ignewa barewbeta uhiyekemniwiy. Ignewa katiwnih adahan wixwiy isahptaw.

Kolosénses 2:3

Ignewa Cristo hiyakkis wotwiy madikte hiyakemniki ku pariye kibeynewatnene.

Efésyus 4:11

Aytohtak inuriktak ig kakanhaw gitkis hiyeg. Ig iki givititkis waytakwiy gannu adahan ignes humaw Uhokri giwatnivwi. Givititkisme waytakwiy ig iki gannu adahan ignes humaw Uhokri gawnevevu. Givititkisme waytakwiy akiw ig iki gannu adahan ignes wagesnes hiyeg gidahan Kiyavwiye Uhokri. Givititkisme waytakwiy akiw ig iki gannu adahan ignes giwewkistenkis gihiyegavu. Givititkisme waytakwiy akiw ig iki gannu adahan ignes gikannuhtenkis gihiyegavu.

1 Koríntyus 1:24

Ignesme hiyeg gresiyenevwi gayapnikis wotuh nawenyewa ariw judeyenevwi gayapnikis. Avanenekwa ku aysaw usuh kinetihwene gimin Cristo gitkis igkis awna wotuh: “Ku yis ekkene kibeyne hiyakemniki wotuh, nikwe usuh iha yiwn.” Usuhme timapni hene, usuh he ekkenen gitkis ku samah ig Cristo umahkiswe amin giyakni gidukwenavrikkis. Gitkis gaytakkis gresiyenevwi inakni mahayakemniki.

Attus 22:20

Nah ayge ku aysaw igkis giwmepten amekene Estevawh ku samah ig ekkene piwn. Nah tuguhkise nuhiyekemni hehpekuye gikakkis neras ku pariye umehpig. He nah avuriw gidagmanvitkis ku samah igkis giwmepten.”

Attus 8:3

Igme Sawlu mpiksaw adahan ig pisenwa gihawkankis Jesus gihiyegavu. Muwapuw paytwempu ig parak givinekutkis. Ig taris awaykemni payak gukakkis tinogben. Ig padakgukis tahan arikut parakseket.

Attus 7:57

Igkisme timapni hene, igkis pitihe gitaybikis. Igkis kabimanbet kihaw. Igkis awna: — Uyay umehpig. Pahatya amin igkis ivukwe gimin. Igkis kamaxwig.

Attus 1:8

Ka sam. Wahapnay ini nukaksan yit. Aysawnemenek yis darih Kiyavwiye Uhokri gannu yivititnek avim ini ku aysaw ig Gitip kawihyi. Ayge nikwe yis humaw inetitkekne nudahanek gitkis hiyeg muwapuw. Yis humaw inetitkekne nudahan ay avit inere paytwempu Jerusalém, ay avitiw inin waxri judeyamnaw, aynte avitiw ini waxri piyawekbetave Samariyamnaw, pisenwa muwapuw amadga wayk he danuhe amaksemni paytwempu.

Joawh 16:2

Aysawnemenek hiyeg ivukevyi abetitak givahdukawnikisnek. Avim ini igkis umehpey. Gitkis igkis kehne Kiyavwiye Uhokri gibetki.

Lúkas 24:47

Hawata akiw in awna ku amawka inetit adahan nuwnuh in ibakaw muwapuw ta gitkis madikte hiyegviyenevwi amadga wayk. In kinetihwaka ta gitkis adahan ignes wages gihiyekemnikis marihwa Uhokri bayahminigkis ariw gitaraksankis.

Matews 22:6

Igkisme gasemnekis kamaxave gibukvig. Igkis arewhe gitkis. Igkis umahavegikis.

Lúkas 11:48

Bawa nutuh ku samah yis barewha gimewkis ini arakak ku yis amava ku samah yahawkrivwi umehpigkis. Igkisme umehpigkis, yisme barewha gimewkis. Yihiyekemni hawata ke igkisbe yahawkrivwibe.

Attus 11:27

Avim ini hawkri gaytakis Uhokri gawnevevu pese avititak paytwempu Jerusalém. Igkis danuh tahan avitit paytwempu Antiyokiya.

Apokalípsi 16:6

igkis sukase pihiyegavu gimigkis, igkis sukase pawnevevu gimigkis. Kuri metakwa pis diyuhkis gimigkis givititkis, pis ike gitkis migat adahan gihigvankis. Amebyemni gihiyekemnikis keh igkis amava inin gitiwnikis.

Apokalípsi 18:20

Yisme yis inurikyenevwi, yis ka muwaka kadni. Hiyawa yis batek awaku ku samah ini paytwempu biyuke. Yis Uhokri gihiyegavu, hiyawa yis batek. Yis Uhokri giwatnivwi, yis Uhokri gawnevevu, hiyawa yis batek. Mmanawa ig Uhokri hiyapkise gitkis neras paytwempuyenevwi avatra ku pariye gitaraksankis yikak.