Lúkas 11:41 - Uhokri Gahegbetawni Nukune akak Sawmus

⁴¹ Wake yis ikibe yihiyekemni ta git Uhokri, wake yis amnihbe hiyeg yis kakanhawbe gitkis amadgatak yimewkan, nikwekam madikte yewkanbet barewarikapnekam giwtrik Uhokri.

Uhokri Gannasan

⁴¹ Waké yis ikibe yihiyakemni ta git Uhokri, waké yis amnihbe hiyeg yis kakanhawbe gitkis amadgatak yimewkan, nikwekam madikte yewkanbet barewagikapnekam giwtrik Uhokri.

Lúkas 11:41 Iomraidhean Croise

Sawmus 112:9

Ig ka mpukaw gitkis hiyeg madiptavye. Ini gabay avanenekwa keh hiyeg kiyegi.

Sawmus 41:1

Ka aynsima kabaykanek gidahan pahavwi ku pariye kiyene hiyeg madiptavye. Mmanawa Kiyavwiye Uhokri Dehetniye hawata kiyeginek ku aysaw ig abetnek mbeyne!

Matews 26:11

Ik adahan avanenekwa yis kehnenekwa kabayka gidahankis madiptavye. Heneme nahme ka misekwevyema yibet avanenekwatma adahan yis kehne kabayka nukakuh.

Matews 5:42

Ku pahavwi makehe arikna pit, ikepniba git. Ku pahavwi sunepkere arikna pit, sunapkisnaba git.

Markus 7:19

awaku in ka parak abetit uhiyekemni, in he mpiyevyenen wayhrikuw, kuwewa akiw wis ahinavrikuhpin? Akak inakni iwit ig akki ku madikte axkaritnenevwi kabay giwtrik Kiyavwiye Uhokri.

Lúkas 12:33

Hiyawa yis piyuk yewkanbet, yis amnih hiyeg madiptavye akak akakuravig. Ayge nikwe yis utinek yewkanbet ku pariye kane madikti yiw. Yis kadahanek igiska aynte inurik ku pariye dahwa adahan avanenekwa. Ayge yuma amevwavye danuh atere adahan ignes kidisnes yewkanbet. Ine masumsu ka kagehbeta kamis.

Lúkas 16:9

Nah aya yit nukannuhnivwi, kawihnabay yewkanbet amadgaya inin gidahankis yikagmadavu inurikyenevwi kahadbe ku aysawnemenek in yewkanbet mpiye, igkis amavay ta givinekutkis inurikut.

Lúkas 18:22

Igme Kiyavwiye Jesus timapni hene, ig awna git: — Pehete muwak pit ku pariye pis kote ihpate. Amawka pis batek gikak Uhokri mpiy madikte pewkanbet. Ataknaba piyuk pewkanbet madikte. Ayteke nikwe pis iki akakuravig gitkis madiptavye. Ayge nikwe pis uti ka aynsima igiska aynte inuriknek. Ayteke pisenwa paviykan pewkanbet pis ayta wew nukakuh.

Lúkas 19:8

Ayteke Zakew kannikew ayge giwtrikkis hiyeg, ig awna git Kiyavwiye Jesus: — Kiyavwiye, nah kakanhawte ta gitkis madiptavye abusku newkanbet. Hawata akiw ku nah katiwnihkise git pahavwi mpiynevevye, nah diyuhkiste gikakura awenyan mpiy akiw paxkavut avitmin akiw.

Attus 10:15

Inme ikuvimnat awna git akiw. In awna: — Ku pariye Kiyavwiye Uhokri kuwis barewvithe ka hiya pisma ikiy ku in patahwevye.

Attus 11:29

Igkis Jesus gihiyegavu hiyapni hene, igkis awna: — Uyay amnih ukebyuvwiy ku pariye misekwenevwi ayge judeyamnaw. Ayteke nikwe igkis pahadguhe gikakurakis ku pariye igkis hiya avadguhka.

Attus 24:17

Kibite kamukri kuwis nah ka danuh atere Jerusalém. Ayteke metakwa nah atere. Nah atere adahan ewkne karukri gitkis nukebyuvwi judeyenevwi madiptavye. Adahan nah kakanhewne git Kiyavwiye Uhokri.

2 Koríntyus 8:12

Mmanawa ku wis kakanhaw avititak uyakni, innebaki keh Uhokri batek. Ku in ka kiyasradima, ka sam. Ig he muwaka wis iki madikte ku pariye wis hiya asamanak. Ig ka aya wot mpiynevevyema ku pariye wis ka hiya nisamanak.

Efésyus 4:28

Ku pahavwi ba gamevwi, amawka ig ka amevwi akiw. Kawki inenewatma ig ka amevwima akiw, heneme kuri amawka ig mpiksaw kannivwi kibeyne annivwit kahadbe ig kadahan arikna adahan amnihne pahavwi ku pariye madiptivye.

Titu 1:15

Wixwiy Jesus gihiyegavu ka muwaka iha ariwn inakni gikumadukankis adahan in umaptentenwiy ariw patahwaki mmanawa ku pahavwi kuwis barewbetye gihiyekemni, nikwe madikte arikna kibeynekuye gidahan. Heneme ku pahavwi patehwevye gihiyekemni, ku ig ka kamaxwenema givitit Kiyavwiye Uhokri, nikwe yuma ariknawnema kibeyne gidahan. Yuma ariknawnema kibeyne gidahan mmanawa gihiyekemni patehwevye payak akak gitip.

Ebréws 13:16

Hawata akiw ka yi muwaka miyeh adahan yis keh kabayka pawtak adahan yis amnihak pawtak. Ku wixwiy keh hene, in hawata humaw ke ukanwiybe git Kiyavwiye Uhokri. In keh ig batek ka aynsima.

Ebréws 6:10

Ig Kiyavwiye Uhokri ig waditye. Ig ka miyeh yannivwi ku samah yis kannivanene gidahan. Ig ka miyeh ku samah minikwak yis amnih gihiyegavu, kuviknene yis amnihgikis, awaku ku samah yis batekye gikak Kiyavwiye Uhokri.

Tiyagu 1:27

Nah akkite yit ku pariye igyewa Kiyavwiye Uhokri gihiyega yumanene gitaraksan giwtrik Kiyavwiye Uhokri. Ig pahavwi ku pariye avuriw migenavye gukakkis madankunovwi ku aysaw egkis abet mbeyne. Hawata akiw ig avuriw gihiyekemni ariw patahwaki amadgaya inin.