Lúkas 11:4 - Uhokri Gahegbetawni Nukune akak Sawmus

⁴ Bayahminaba usuh ariw utaraksan, mmanawa usuh hawata bayahmina hiyeg ku pariye taraksavye ukakuh. Iknaba wotuh wawaygi adahan usuh ka isaksewvima arit mbayka.” Henebaki yis piriyepkaw.

Uhokri Gannasan

⁴ Bayahminaba usuh ariw utaraksan mmanawa usuh hawwata bayahmina hiyeg ku pariye taraksapye ukakhu. Iknaba wothu wawaygyi adahan usuh ka isaksewpima arit mbayka.” Hennebaki yis piriyepkaw.

Lúkas 11:4 Iomraidhean Croise

Sawmus 121:7

Ig Kiyavwiye Uhokri bayahpinek ariw madikte mbeyne. Ig ka isaksanek mbeyne danuh pit.

Sawmus 25:11

Kiyavwiye Uhokri, kehnaba ku samah pikaksan nutuh. Hiyawa nuvathawni ka aynsima, heneme uya bayahminan ariw madikte.

Sawmus 25:18

Hiyapnaba nudahan nuwakemni. Ivegnaba arimkat nuhiyvan mbeyne. Bayahminan ariw madikte nutaraksan.

Matews 18:35

Henewa Wigwiy inurikyene keh gikakkis madikte hiyegnek. Ku yis ka bayahmina yiyaki hiyeg ariw gitaraksankis yikak avititakma yiyakni, ayge nikwe ig Uhokri keh yikaknek hawata ke ner ikivaratbe. Henewatbaki ig Kiyavwiye Jesus awna git.

Matews 26:41

Avuriwnabay, piriyepkawnabay adahan yis ka isaksaw arit mbayka. Yitip ka isaksawkere arit mbayka, heneme yivitme amadgaya inin ik adahan isaksaw arit mbayka mmanawa yis yuma yawaygisima nitivut.

Lúkas 11:5

— Amawka ku yis ka miniw ariw yiviryepkawni. Nah akkite abektey yit akak ku pahavwi yaytak makehpene bugut ta git gikagmada. Ig atere git pakwak mitipka, ig aya git: “Nukebyi, nah ayta sunepne mpana bugut pit

Lúkas 13:4

Ya neras hiyeg madikawkunene gikebikis gikakkis ntewnehkernene gikak pahavwi gawnakis akiw (18) aynte paytwempu Siloé? Payt imuwad tiptiye higohe givititkis, umahavevgikis madikte. Ka yi muwaka iki ku ini areketni ku igkis pi mbayte giwkis giyakikis jerusalémyenevwi.

Lúkas 22:46

Ig hiyapni hene, ig awna gitkis: — Mmahpaki yivewkan yis himekbet? Kannikawnay. Piriyepkawnabay marihwa yis ka isaksaw arit mbayka.

Lúkas 8:13

Egnesme nor amutri ayak ku pariye tuguhe ta abetit tivebdi egnesbaki arakak gidahankis hiyeg ku pariye timap nuwnuh ignes amavin akak madikte gibetkikis, heneme igkis ka kamax inakni nuwnuh kabayntiwatma abet gihiyekemnikis. In humaw kewa pahakti amutribe ku pariye yumanano guhanpabet eg ka dep miyó. Igkis batek akak nuwnuh adahan aynesa hawkri. Ayteke ku aysaw igkis hiyap mbeyne, aynewa igkis miniw ariw nuwnuh.

Joawh 17:15

Pa, nah ka piriyepkaw adahan pis giweptenkisma amadgatak inin. Heneme nah piriyepkaw adahan pis gikavriwtenkis adahan igkis ka isaksaw arit mbayka.

1 Koríntyus 10:13

Ku wis dagehe, uhawkanavrik. Mmanawa ik adahan wis ka isaksaw arit mbayka. Wavitye gihikektenkis madikte hiyeg, heneme ig Uhokri kavigsanawiy avanenekwa. Ig ka isaksati mbayka danuh wotwiy mpiynema udatniwiy. Ku aysaw wavitye ayta uhikektenwiy, amun ini ig Uhokri woka ahin adahan wixwiy higihwa giw ner wavitye kahadbe wixwiy ka isaksaw arit mbayka, kahadbe wixwiy tiviknene gikak Uhokri.

Kolosénses 3:13

Ka yi muwaka kiyimwihwa akak hiyeg gitaraksankis. Bayahminanay neras ku pariye taraksevye yikak hawata ku samah Ukivarawiy bayahminawiy.

2 Tesalonisenses 3:3

Heneme ig Kiyavwiye Uhokri kis adahan wixwiy kamaxwa givitit avanenekwa. Ig iki yawayginek adahan yis kamaxwa givitit kabayntiwa. Ig mpithay giw wavitye adahan yis ka isaksaw arit mbayka.

2 Timótyu 4:18

Ka sam. Kuwewanek ig Kiyavwiye Uhokri iwevun. Ayge ig mpithanek ariw madikte mbeyne amadgatak inin. Ig iwevun adahan nah kawihne gikumadukan aynte inurik. Kibeyne gidahan Kiyavwiye Uhokri. Ig ka gikiytanisima adahan avanenekwa, avanenekwa. Ameh.

Tiyagu 2:13

Ku wixwiy ka amnih hiyeg, nikwe ig Kiyavwiye Uhokri kawnata amnihwiy. Heneme ku wixwiy amnih hiyeg, ayge nikwe ig Kiyavwiye Uhokri amnihwiy hawata, ig ka hiya wixwiy kema kane kibeynevwima giwtrik. Ig bayahminawiy ariw madikte utaraksanwiynek.

Apokalípsi 2:10

Ka yi muwaka avis abohri ini mbeyne ku pariye me danuhmet yit. Yaytak sarayhkiskanek arikut parakseket gavit wavitye gikivarakis adahan yihikekten. Henewatbaki ig keh. Ka aynsima hawkri yis hiyap mbeynenek. Hiyawa yis miyarap, heneme ka sam. Kamaxwanabay nuvitit kabayntiwa. Ku yis keh hene, nikwe nah katiwnihyinek akak ini iyuwti ku pariye keh yis aymuhwa adahan avanenekwa.

Apokalípsi 3:10

Kibeyne, yis ihpene nuwnuh yis dehewnene abetnewa mbeyne ku samah nah kuwis ayap yit. Inneki keh nah mpithaynek ariw ini mbeyevye hawkri ku pariye nehmnikuhpiye gitkis madikte hiyeg ku pariye misekwenevwi amadga wayk adahan gihikektenkis.