Lúkas 11:39 - Uhokri Gahegbetawni Nukune akak Sawmus

³⁹ Ig Kiyavwiye Jesus hiyap ku samah ig wakaymni hene, ig awna git: — Yis farisewviyene yis barewarikave yigobla akak yimewkan. Ku pariye awkinenwa yivitiw ini yis barewha. Abetme yihiyekemni yis patahwavye. Yihiyekemni kivun akak amevwiki hawata akak mbeyevye hiyakemniki.

Uhokri Gannasan

³⁹ Ig Kiyapwiye Jesus hiyá ku samah ig wakaymni henne, ig awna git: ―Yis farisewkis yis barewagikape yigobla akak yimewkan. Ku pariye awkinenewa yipitiw ini yis barewha. Abetme yihiyakemni yis patahwapye. Yihiyakemni kipun akak amepwiki akak mbeyepye hiyakemniki.

Lúkas 11:39 Iomraidhean Croise

Sawmus 22:13

Igkis kewa kawokwinebe mativwevye. Igkis sakara gibiykis numkanit.

Matews 15:19

Mmanawa abetitak uhiyekemni ayteke pes mbeyevye hiyakemniki, umahaka, powkemniki, mehka imunti, amevwiki, wasaymka, miyathaka.

Matews 7:15

— Pukuhpawnabay gavitkis hiyeg ku pariye ikawnamahkis ke wotbe ignes Uhokri gawnevevube bawa ignes ka giwntakma Uhokri. Igkis hiyapkiswa yit huwipegeviye kewa muwtohbe, heneme abet gihiyekemnikis igkis kewa axtigibe.

Lúkas 16:15

Ig Kiyavwiye Jesus hiyapni hene, ig awna gitkis: — Yis ikawnamah ke wotbe yis kibeynevwibe giwtrikkis hiyeg, heneme Uhokri hiyak ku pariye ay abet yihiyekemni. Ay ku pariye hiyeg iki ku in kibeyne bawa in aseneweke ta git Uhokri.

Lúkas 7:13

Ig Kiyavwiye Jesus hiyapni hene, ig ka aynsima kayah gudahan. Ig awna gut: — Ka muwaka tih.

Lúkas 7:19

Igkisme danuh atere, igme awna gitkis: — Su yi iwasa Kiyavwiye Jesus baki ignewatma ner ku pariye nehmnikuhpiye nuhavuh butte. Ba kawk, ba wixwiy wahap pahavwi nawenyewa ku pariye nehmnikuhpiye nuhavuh butte akiw?

Joawh 12:6

Ig awna inakni hene ke wotbe ig batek gikakkis madiptavyebe. Bawa kawa. Ig awna hene awaku ig amepye. Ig avuriwkevutne ukakura hawata ku kariwntak ig gibetki wiwh.

Joawh 13:2

Aygete usuh axne gikak Kiyavwiye Jesus. Ig Judas Iskariyotismin ku pariye amekene Simawh gikamkayh, ig ayge ukakuh. Kuwis wavitye gikivarakis tuguhkise abet gihiyekemni adahan ig kamaykiswiye Kiyavwiye Jesus.

Attus 5:3

Igme Pedru hiyapni hene, ig awna git: — Kiyavwiye Ananiyas, mmahki pis isakse Satanas kawihpep? Mmahki pis arehwa akak Kiyavwiye Uhokri Gitip gitew? Pis darihe abusku piwasra akakuravig pidahan heneme pis ikawvari ke wotbe pis ikepnibe madiktehbe gidahankis Jesus gihiyegavu. Pis wasaymew. Pis ka iki madiktema nor karukri.

Gálatas 1:14

Avim ini nah aharitpiye ininewa judeyenevwi gihiyekemnikis. Nah iwte gihiyekemnikis giwkis ka aynsima nukebyuvwi judeyenevwi ku pariye nukekwenevwi. Mmanawa nah mpiksaw ka aynsima adahan nah kehne ku samah amekenegben gihiyekemnikis.

2 Timótyu 3:5

Igkis ikaw ke wotbe igkis Kiyavwiye Uhokri gihiyegavube, heneme igkis ka isaksa Kiyavwiye Uhokri Gitip gidatni wages gihiyekemnikis. Timotyu, pukuhpawnaba gavitkis gikebikis neras hiyeg.

Titu 1:15

Wixwiy Jesus gihiyegavu ka muwaka iha ariwn inakni gikumadukankis adahan in umaptentenwiy ariw patahwaki mmanawa ku pahavwi kuwis barewbetye gihiyekemni, nikwe madikte arikna kibeynekuye gidahan. Heneme ku pahavwi patehwevye gihiyekemni, ku ig ka kamaxwenema givitit Kiyavwiye Uhokri, nikwe yuma ariknawnema kibeyne gidahan. Yuma ariknawnema kibeyne gidahan mmanawa gihiyekemni patehwevye payak akak gitip.

Tiyagu 4:8

Waxwanabay yihiyekemni git Kiyavwiye Uhokri. Ayge nikwe ig danukwa yihumwat kennesawa. Yis ku pariye kuwis patahwavye, miniwvinabay ariw yivathawni. Ka ba yi daykis yiwak arit patahwaki akiw. Yis pivutnemnene yihiyekemni, iwinabay pahatwowa yihiyekemni.