Biblia Todo Logo
Bìoball air-loidhne

- Sanasan -




Lúkas 11:36 - Uhokri Gahegbetawni Nukune akak Sawmus

36 Ku kabutnikinen ay uvit, ku yuma patahwaki aynesnima ay abet uhiyekemni, ayge nikwe madikte uhawkan kabutenne wis hiyak huwewe ku pariye inyewatnene ke wotbe pahavwi uguhnenebe akak abukri avigku ahin pitati wavit.

Faic an caibideil Dèan lethbhreac

Uhokri Gannasan

36 Ku kabutnikinen ay upit, ku yuma patahwaki aynesnima ay abet uhiyakemni, ayge nikwe madikte uhawkan kabutenne wis hiyak huwewe ku pariye inyerwatnene ke wotbe pahapwi uguhnebe akak abukri apigku ahin pitati wapit.

Faic an caibideil Dèan lethbhreac




Lúkas 11:36
22 Iomraidhean Croise  

Ayteke nikwe ig awna gitkis: — Nah kuwis akki yit ku samah Uhokri gikumadukan kewa igiskabe. Inme amekene Moís gikumadukan in hawata ke igiskabe. In igiska ayivwivye. Mpuse kannuhekevutne amin amekene Moís gikumadukan, ku ig kannuhwa nutuh amin nudahan nukumadukan hawata, nikwe ig humaw igisye abet gihiyekemni. Ig ka gibunugasima ke pahavwi payt akivarabe ku pariye kadahan igiska nukune akak igiska ayivwivye ay givineku.


Yuma pahavwinema hiyeg hakis abukri adahan ig asabkeptenma anavit suwyeg. Kawa. Ig ikigu inut akekrit adahan eg uguhno madikte hiyeg ku pariye ariku payt.


Avuriwnabay yihiyekemni nikwe adahan yis ka ivegminenema yihiyekemni amin ini misanpiki patehwevye amadgaya inin.


Ig Kiyavwiye Jesus kannuhekne ayge, pahavwi farisew danuh atere git. Ig awna git: — Uya atak ax nukakuh. Igme Kiyavwiye Jesus ihe giwn. Ig tivik gihapti ta givinekut. Ig danuh atere, ig batahkiswe ahumwa axtet.


Minikwak inin hawkri he amisnavyenen. Heneme ig uguhpin akak giwnenwa. Ig awna: “Kabutniki humaw abet inin amisnavye.” Igwata Uhokri ku akak inin uguhne uhiyekemniwiy. Ig keh wixwiy hiyap gikiytani ku pariye kabutenene ay gihepkamadga Cristo.


Gimawkan wixwiy ka miyeh ini uhiyekemniwiy kibehtenwatma kema bakimnayhma. Ku uhiyekemniwiy hene, wixwiy humaw kewa parawbe kabobohwe awaku mayg. Ik adahan wixwiy kinikiswa gitkis hiyeg ku pariye wasaymaw wotwiy adahan ukinseptenwiy.


Kamaxnay Cristo giwn kabayntiwa abet yihiyekemni. Kannuhaknay, hiyakemnihaknay pawtak akak madikte Uhokri gihiyekemni. Kannuhaknay amin ini gihiyekemni abetnewa yavanwekwey hawata. Paknay avat kanumne Kiyavwiye Uhokri. Paknay avat kiyathene Kiyavwiye Uhokri. Paknay akak Kiyavwiye Uhokri Gitip. Kabayhanay Kiyavwiye Uhokri yavanwekwey avititakwa yiyakni.


Ignesnewa hiyeg kiyavwiyegben hiyak hawkri awaku igkis kuwis kawih gihiyekemnikis adahan igkis hiyeknes ku pariye kabayka akak mbayka. Ignesnewa ik adahan igkis ax kiyavwiyegben gimanakis. Yis hawata, yis ku pariye kuwisnene kawih Uhokri gihiyekemni, yis ku pariye kuwisnene keh ku pariye kabay, yis ik adahan kannuhwenene akiw.


In Uhokri gikumadukanin inyewa waditye. In keh hiyeg isahptaw. Ku pahavwi iveg nimkat kabayntiwa, ku ig tiviknene nikak igi uti kabaykanek. Ku ig ka miyeh ku pariye ig timap, hawata ku ig ihapni, ayge nikwe ku samah ig ihapni ayge ig uti ka aynsima kabayka nikwe.


Heneme aymuhwanabay akak Ukivarawiy Wamnihtenwiy Jesus Cristo gihiyekemni ay yivit. Aymuhwanabay akak gabay ay yivit. Mpiksawnabay adahan yis wewte akak ini gihiyekemni akak ini gabay. Kibeyne gidahan Kiyavwiye Jesus ku akak inin adahan avanenekwa! Ameh!


Lean sinn:

Sanasan


Sanasan