Lúkas 11:34 - Uhokri Gahegbetawni Nukune akak Sawmus

³⁴ Wowtyak kewa paha abukribe adahan uvit. Ku wowtyak makniw, nikwe in ke wotbe uvit ay abet kabutnikibe. Uhiyakemni hawata. Ku in makniw, ayge nikwe in ke wotbe uhiyekemni ay abet kabutnikibe. Hawata akiw ku wowtyak ka makniwnema, nikwe in ke wotbe uvit ay abet amisnavyebe. Uhiyakemni hawata. Ku in patehwevye, ayge nikwe in ke wotbe in ay abet amisnavyebe.

Uhokri Gannasan

³⁴ Wowtyak kewa pahá abukribe adahan upit. Ku wowtyak makniw, nikwe in ke wotbe upit ay abet kabutnikibe. Uhiyakemni hawwata. Ku in makniw, ayge nikwe in ke wotbe uhiyakemni ay abet kabutnikibe. Hawwata akiw ku wowtyak ka makniwnama, nikwe in ke wotbe upit ay abet amisnapyibe. Uhiyakemni hawwata. Ku in patehwepye, ayge nikwe in ke wotbe in ay abet amisnapyibe.

Lúkas 11:34 Iomraidhean Croise

Sawmus 119:18

Uya woka nudahan nuhiyekemni kahadbe nah hiyak ini pihiyekemni barewyewatnene ariwntak pannasan.

Sawmus 81:12

Nikwe nah isaksevgikis wew avigku gihiyekemnikis mbeyevyenenwa. Nah isaksevgikis keh ku pariye gimawkankis.

Markus 4:12

Hiyawa igkis iki gitewkis nimkanit kabayntiwa heneme ka paduk ta gitiwrikutkis. Hiyawa igkis ataybiswa nit kabayntiwa heneme igkis ka pukuhin. Ayge nikwe igkis ka wages gihiyekemnikis adahan igkis bayahminaka ariw gitaraksankis.

Markus 7:22

miyarhawka, mbayka, kinisaka, meksaki, atihpaki, miyathaka, kawantiki, puwvuki.

Markus 8:18

Yis kowtyak heneme yis ka hiyap ku pariye inyewatnene. Yis kataybi heneme yis ka timap ku pariye hiyakemniki inyewatnene. Mmah yis kuwis miyehe

Lúkas 11:35

Avuriwnabay yihiyekemni nikwe adahan yis ka ivegminenema yihiyekemni amin ini misanpiki patehwevye amadgaya inin.

Attus 13:11

Ku avim inin igwa Kiyavwiye Uhokri hiyapkis pit. Ig keh pis motpi. Kuri pis ka hiyap kamuw adahan kibite hawkri. Igme ihamwi pahaye adahan ke huwegbe biwhe giwtrikut. Aynewa ig misanpibdi givegi. Ig kavusaw wew mayembe ivegvene adahan pahavwi itukig.

Attus 2:46

Mpuse hawkri igkis lammesya ay ariku ini leglis kewye Uhokri Givin. Igkis ax payegbitak givinekukis adahan igkis kiyenes ku samah Kiyavwiye Jesus umahkiswe udahanwiy. Igkis ax kabubuk akak madikte batekka akak madikte tuwatka.

Attus 26:18

Nah awahkispi adahan pis woka gihiyekemnikis. Adahan pis wagesgikis ke wotbe ariw misanpiki arimkat kabutniki. Adahan pis wagesgikis ariw Satanas gikumadukan arimkat Uhokri gikumadukan. Ayge nikwe igkis bayahminaka ariw gitaraksankisnek, igkis darih giwetrikisnek ay gibetkis neras ku pariye nuhiyegavu awaku ku samah igkis kamaxwenevwi nuvitit.” Henewatbaki in ku samah ig Kiyavwiye Jesus awna nutuh.

2 Koríntyus 1:12

Yaytak hiyeg ayge awna ku usuh he kinisekevutnenen. Bawa ka inyewatma, nukebyuvwi. Usuh hiyakni ku uyakni barewvit ariw taraksaki yikak. Usuh ka yikinsetnima. Ine usuh kawnata wew akakma gihiyekemnikis hiyeg amadgayavu ininma. Heneme usuh wewne akakwa Uhokri gihiyekemni ku pariye kane gabayisima. Usuh kehne kabayka gidahankis hiyeg ku pariye kane Uhokriyanvuma, heneme usuh kehte kabayka yidahan yis Jesus gihiyegavu.

2 Koríntyus 11:3

Nah avis yikak ku nawenetke neras kinisekevutnevwi keh yis miniwvi giw Cristonek, keh yis ka batek gikak avititakma yiyakni ku samah yis batekye gikak kuri. Nah avis yikak ku nawenetke igkis kinisweynek hawata ku samah ner Kaybune kinise amakano Eva, ig kinistevgu akak ke wotbe kibeynewatbe iwit.

2 Koríntyus 4:4

Ig Satanas, ig inin hawkri akivara, ig hiya asabkak gihiyekemnikis awaku igkis ka ihpekere inakni wownuh. Inneki keh inakni unetni ka paduk abetit gihiyekemnikis. Ayge nikwe igkis ka hiyap gikiytani Cristo ku pariye kahayaksa wotwiy igyewa Uhokri ay amadga inin.

Efésyus 1:17

Nah piriyepkaw yidahan git Kiyavwiye Uhokri. Ignewa Ukivarawiy Jesus Cristo giwohkiga. Ig Wigwiy kane gikiytanisima. Nah aya git adahan ig iki gihiyekemni yivitit, adahan ig woka yihiyekemni adahan yis hiyakgi kabayntiwa.

Efésyus 6:5

Ku aysaw yis kannivwiye gidahan pahavwi, ihpanay giwnkis neras yikivara amedgenevwi inin. Kiyathanigkis kabayntiwa. Ihpanay giwnkis avititak yiyakni hawata ku samah yis ihpa Cristo giwn.

Kolosénses 3:22

Ku aysaw yis kannivwiye gidahan pahavwi amedgene inin, ihpanay giwn. Ihpanay madikte giwn. Ka yi muwaka ikaw kema pahavwima giwtrik gikivara ig kannivwiye, giharavrikme ig ka kannivwikere. Ka yi muwaka kannivwi adahannenwatma hiyeg amadgaya inin batek yikak. Ihpanay giwnkis avititak yiyakni awaku yis kiyene Ukivarawiy.