Lúkas 11:22 - Uhokri Gahegbetawni Nukune akak Sawmus

²² Henneme ku pahavwi pi datte patipteke gikak atere, igi wanekbete gihawkan, ig xuwehe giyakok giw ku kavitit ig iveg. Ayteke ig kidise gewkanbet ku pariye ay gimun, ig tivik nikak, ig ibekhepni ta givuwiwkis gidahewektenvu. Henewa nah wanekbete gihawkan ig wavitye gikivarakis. Inneki keh nah detye adahan nah pekkis gihiyegavu givititakkis hiyeg.

Uhokri Gannasan

²² Henneme ku pahapwi pi datte patipteke gikak atere, iggi wanegbete gihawkan, ig xuwehe giyakok giw ku kapitit ig ipeg. Ayteke ig kidise gewkanbet ku pariye ay gimun, ig tipik nikak, ig ibekhepni ta gipuriwkis gidahewektenpu. Hennewa nah wanegbete gihawkan ig wapitye gikiparadkis. Inneki keh nah detye adahan nah pekkis gihiyegapu gipititakkis hiyeg.

Lúkas 11:22 Iomraidhean Croise

Lúkas 11:21

Ig wavitye gikivarakis ig kewa pahavwi awayg detyebe ku pariye avuriw givin akak madikte giyakok. Ayge nikwe ka ik adahan wis atere kidis gewkanbet.

Lúkas 11:23

— Mmahpaki yivewkan yis ka amavan? Ku pahavwi ka amavan, amun ini nikwe ig kuwis kavetunsevun. Ku pahavwi ka darihwak nukakuh, amun ini nikwe ig kuwis suguhpen. Ka ik adahan yis misakwa henenwatma.

Efésyus 6:11

Wewnay ahegbetnenekwa gavit wavitye ke pahavwi suwtatbe ig wew ahegbet akak madikte giyakok. Ig kawihminaw akak gisimsa sivari adahan gimaptenten giw givetunya. Yisme ka kawihminaw akak sivarima, yis kawihminaw akak ini hiyakemniki ku pariye Kiyavwiye Uhokri iki uvititwiy adahan umaptentenwiy giw wavitye adahan ig ka kiniswiy.

Efésyus 6:13

Nikwe amawka ku wixwiy kawihminaw akak ini hiyakemniki ku pariye Kiyavwiye Uhokri iki uvititwiy adahan umaptentenwiy giwkis neras wavityempu ku aysaw igkis ayta ukawihpitniwiy. Kahadbe pisenwa ukeryiwiy gikakkis, wixwiy udukweneywa tabirnene amadga hawkri akak kibeyne hiyakemniki.

Kolosénses 2:15

Amun ini nikwe ig pisenwe akak gidatnikis neras wavityempu gikivarakis neras kumadukanevwi inin hawkri. Ini Kiyavwiye Uhokri gikehni in ka ayamawnema. Kuwis ig akki giwtrikneswa madikte hiyeg ku samah Cristo wanekbete wavityempu gihawkankis akak ku samah ig umahkiswe udukwenavrikwiy amin giyakni.

1 João 3:8

Igme ku pariye gibetki keh patahwaki, ignewa wavityeyan. Igme wavityempu gikivarakis igwa gibetki keh patahwaki ku samah akavuska hawkri. Awaku ini ig Kiyavwiye Uhokri gikamkayh danuh atan amadgat inin, adahanikwa ig pisenwevye akak wavitye gikehni.

1 João 4:4

Wixwiyme ka henema, nukamkayuvwi. Wixwiy uhiyekemniwiy giwntakwa Kiyavwiye Uhokri. Nikwe wixwiy awaygye gitivutkis neras Cristo givetunyavu. Mmanawa ig ku pariye ay uvitwiy ig awaygte giw ner ku pariye ay givitkis neras hiyeg kane Uhokriyanvuma.