Lúkas 11:21 - Uhokri Gahegbetawni Nukune akak Sawmus

²¹ Ig wavitye gikivarakis ig kewa pahavwi awayg detyebe ku pariye avuriw givin akak madikte giyakok. Ayge nikwe ka ik adahan wis atere kidis gewkanbet.

Uhokri Gannasan

²¹ Ig wapitye gikiparadkis ig kewa pahapwi awayg detyebe ku pariye apuriw gipin akak madikte giyakok. Ayge nikwe ka ik adahan wis atere kidis gewkanbet.

Lúkas 11:21 Iomraidhean Croise

Matews 12:29

Nah kehte abektey akak pahavwi ku pariye parekkere ta givinekut pahavwi hiyeg detye adahan ig kidisne gewkanbet atere. Avit ig parak atere amawka ku ig wanakminanete ner hiyeg detye. Pisenwa nikwe ik adahan ig parak atere kidis ku pariye ay gimun. Henewa nah keh gikak wavitye gikivarakis. Inneki keh nah detye adahan nah wanekbeta gihawkankis ku pariye kavinawnene ay givitkis hiyeg.

Markus 3:27

Nah kehte abektey akak pahavwi ku pariye parekere ta givinekut pahavwi hiyeg detye adahan ig kidisne gewkanbet atere. Avit ig parak atere amawka ku ig wanakminanete ner hiyeg detye. Pisenwa nikwe ik adahan ig parak atere kidis ku pariye ay gimun. Henewa nah keh gikak wavitye gikivarakis.

Lúkas 11:20

Ka ba yis hiyapknima ku nah pekkis wavitye givititakkis hiyeg akak Uhokri gannu ay nuvituh? Inineki arakak ku Uhokri gikumadukan kuwis danuh.

Lúkas 11:22

Henneme ku pahavwi pi datte patipteke gikak atere, igi wanekbete gihawkan, ig xuwehe giyakok giw ku kavitit ig iveg. Ayteke ig kidise gewkanbet ku pariye ay gimun, ig tivik nikak, ig ibekhepni ta givuwiwkis gidahewektenvu. Henewa nah wanekbete gihawkan ig wavitye gikivarakis. Inneki keh nah detye adahan nah pekkis gihiyegavu givititakkis hiyeg.