Lúkas 11:2 - Uhokri Gahegbetawni Nukune akak Sawmus

² Igme kaytwa giwnkis: — Ku aysaw yis piriyepkaw, awnanay han: “Wiguh, usuh kabayhap. Pis ka pikiytanisima. Ba ayta kumaduka amadga inin.

Uhokri Gannasan

² Igme kaytwa giwnkis: ―Ku aysaw yis piriyepkaw, awnanay han: “Wighu, usuh kabayhap. Pis kapikiythanisima. Usuh kaayhsima muwaka pikumadukan danuh atan amadgat inin.

Lúkas 11:2 Iomraidhean Croise

Sawmus 103:20

Yis ahj detyevwi, ku pariye ihpenevwi giwn, ku pariye kehnevwi gibetki, uyay kabayha Kiyavwiye Uhokri.

Sawmus 108:5

Kiyavwiye Uhokri, hiyapkisnaba pidatni aynte inurik hawata pikiytani muwapuw amadga hawkri.

Sawmus 11:4

Ig Kiyavwiye Uhokri gidukwenewa ay amun giwskeki. Gevwi kiyatyo gudukwenewa aynte inurik, ayteke ig kumaduka hiyeg. Ig avuriw madikte hiyeg. Ig hiyak ku pariye gikehnikis.

Sawmus 57:11

Kiyavwiye Uhokri, hiyapkisanaba pidatni aynte inurik hawata pikiytani muwapuw amadga hawkri.

Matews 10:32

— Ku pariye hiyeg kinetihwene numinuh ta gitkis hiyeg ay amadga inin, aysawnemenek nah kinetihwa giminkis hawata ta git Wigwiy aynte inurik.

Matews 3:2

Ig awna gitkis hiyeg: — Wagesnabay yihiyekemni ariw yitaraksan mmanawa ahawkanavrik Uhokri gikumadukan kuwis danuh! Henewatbaki ig Joawh Batista awna gitkis hiyeg.

Matews 5:16

Hene amawka hawata yihiyekemni ku pariye ke wotbe kabutennebe in kabutnihwa. Kahadbe ku aysaw hiyeg hiyap ini kabayka ku pariye yis keh, igkis kabayha Wigwiy inurikyene.

Lúkas 11:1

Avim ini hawkri ig Kiyavwiye Jesus piriyepkewne amun paha iwetrit. Pisenwa giviryepkawni, pahavwi gaytakkis gikannuhnivwi aya git: — Kiyavwiye, uya kannuh usuh piriyepkaw ku samah Joawh Batistamni, ig kannuh gikannuhnivwi piriyepkaw.

Romanus 1:7

Nah awahkis kabayka yimin, yis madikte ku pariye aygnenevwi avit paytwempu Roma, yis Uhokri gibetkivu ku pariye ig kaniye adahan yis humaw gidahanwa gihiyegavu barewvityevwi. Ig Wigwiy Uhokri gikak Ukivarawiy Jesus Cristo gabaykis yikaknek. Igkis kariswahsa yiyakninek.

Romanus 8:15

Mmanawa ku samah wixwiy ameve Uhokri Gitip, ig ka kumadukawiy akakma mpiksakima ke wotbe wixwiy gibukvigbe. Kuri ig kumadukawiy akak kabayka hawata ku samah pahavwi igti kumaduka gikamkayh. Kuri wixwiy iha giwn ka akakma wavisniwiyma gibohri, heneme wixwiy iha giwn awaku ku samah ig Wigwiy. Ig Gitip keh wixwiy humaw gikamkayuvwi. Ig keh wixwiy kighaw ta git, wixwiy kanumgi “Pa, Niguh”.

1 Koríntyus 1:3

Ig Wigwiy Uhokri gikak Kiyavwiye Jesus Cristo gabaykis yikaknek. Igkis kariswehse yiyakninek.

2 Koríntyus 1:2

Wigwiy Uhokri gikak Ukivarawiy Jesus Cristo gabaykis yikaknek. Igkis karisewehse yiyakninek.

Gálatas 1:4

Kibeyne, ig Kiyavwiye Jesus Cristo igwa umahkiswe udukwenavrikwiy adahan katiwnihpiye utaraksanwiy. Ig umahkiswe kahadbe wixwiy isahptaw ariw inin hawkri ahiyekemni mbeyevyenen. Henewa Wigwiy Kiyavwiye Uhokri gimawkan.

Efésyus 1:2

Ig Wigwiy Kiyavwiye Uhokri gikak Ukivarawiy Jesus Cristo gabaykis yikaknek. Igkis kariswehse yiyakninek.

Filipénses 1:2

Wigwiy Kiyavwiye Uhokri gikak Ukivarawiy Jesus Cristo gabaykis yikaknek. Igkis kariswehse yiyakninek.

Filipénses 4:20

Kibeyne. Uyay kabayha Wigwiy Kiyavwiye Uhokri takunipti adahan avanenekwa. Ameh.

Kolosénses 1:2

usuh awahkis kabayka yimin, yis Jesus gihiyegavu kolosiyenevwi. Kibeyne nukebyuvwi, yis kamaxwene kabayntiwa givitit Cristo, yis wewne pahavwiwa gikak. Wigwiy Kiyavwiye Uhokri gabay yikaknek. Ig kariswehse yiyakninek.

1 Tesalonisenses 1:1

Nah Pol gikak kiyavwiye Sílas, gikak kiyavwiye Timotyu, usuh awahkis kabayka yimin yis Jesus gihiyegavu tesaloniyenevwi. Kibeyne, yis pahavwiwa gikak Wigwiy gikak Ukivarawiy Jesus Cristo. Ig Kiyavwiye Uhokri gabay yikaknek. Ig kariswehse yihiyekemninek.

1 Tesalonisenses 1:3

Ku aysaw usuh piriyepkaw git Wigwiy Kiyavwiye Uhokri, usuh kiye avanenekwa ku samah yikamaxwan keh yis kannivwiye gidahan Kiyavwiye Uhokri. Usuh kiye ku samah yis kannivwi gidahan akak madikte yibetki mmanawa yis batek gikak ka aynsima. Usuh kiye ku samah yis ka isahkis yikamaxwan aynesnima mmanawa yis ivegnenekwa givitit Ukivarawiy Jesus Cristo.

2 Tesalonisenses 2:16

Kibeyne, Ukivarawiy Jesus Cristo gikak Wigwiy Kiyavwiye Uhokri igkis ka gamnihrakisima ukakwiy. Igkis kuwis ike wotwiy wawaygiy yuma amaksemni. Igkis keh wixwiy iveg gimkatkis ku aysawnemenek igkis utipkis wotwiy kibeyne kabayka akiw akak gabaykis.

Apokalípsi 11:15

Ayteke ntewnehkerviye ahj agighe. Ayge inurik ka aynsima hiyeg awna akak madikte giwakemnikis. Igkis awna: — Kuri Ukivarawiy kumadukene amadga wayk gikak gikanyan Cristo. Ig kumadukanek adahan avanenekwa. Kibeyne.

Apokalípsi 15:4

Kiyavwiye, hawkavanek yuma pahavwinema hiyeg ka avisma pibohri. Yuma pahavwinema ka kiyathama piw. Mmanawa pisnewa barewvitye. Yuma pahavwinema barewvitye kema pisma. Aysawnemenek hiyeg ariwntak madikte waxri aytanek pimkat adahan igkis kibeyhene piw, mmanawa pannu ku pariye kibeynewatnen ini hiyapkanek gavitkis madikte hiyeg. Henewatbaki igkis hiyeg pak givankis.

Apokalípsi 19:6

Ayteke nah timap kadukmanka kewa hiyeg ka aynsimabe pahadguvunenebe, kewa avetetnibe nopsadbe, kewa digidgiyebe digihwa ka ahawnasima. Nah timap igkis awna: — Aleluya! Ukivarawiy Uwohkigawiy detyewa ig. Ignewa kumadukene madikte.

Apokalípsi 20:4

Ayteke nah hiyap ka aynsima eptivyano kiyatyovwi adahan ku kiney hiyeg kumaduka. Nah hiyap ka aynsima hiyeg igkis batebdebdi ayge gumadgakis. Igkis hiyeg ikepka gidatnikis adahan igkis hiyekne gikakkis hiyeg. Gaytakkis neras hiyeg igkis neras ku pariye bukihkavu gibitakis avatra ku samah igkis kinetihwenes amin Kiyavwiye Jesus ginetni, avatra ku samah igkis ekkenes Uhokri giwn. Igkis ku pariye kane kumadukasaw git ner pahavwi kene axtigibe. Kawnata igkis kawohkigahaw arit ner kene axtigibe gahehpak. Ine igkis kawnata amava tamaka gidevatkis ine giwakuritkis akak ner kene axtigibe gitamka. Igkis ku pariye kannikewbet ariw gimiremnikis adahan igkis kumadukenes payak gikak Cristo abet ini madikawkuvutnene madikawku madikwa (1.000) akebi kamukri.