Lúkas 11:13 - Uhokri Gahegbetawni Nukune akak Sawmus

¹³ Ku hiyap yis taraksavye iki kibeyne arikna gitkis yikamkayuvwi, igkata akiw Wigwiy inurikyene? Ig iki kibeynewa gikan wotwiy. He ig iki Gitip givititkis neras ku pariye aya Gitip git.

Uhokri Gannasan

¹³ Ku hiyá yis taraksapye ikí kibeyne arikna gitkis yikamkayupwi, igkata akiw Wigwiy inugikyene? Ig ikí kibeynewa gikan wotwiy. Juktah ig ikí Gitip ta gipititkis ku pariye hiyeg ayá Gitip git.

Lúkas 11:13 Iomraidhean Croise

Sawmus 51:5

Nah taraksevye hiyeg ku samah nah amadga wayk. Avit nah amadga wayk ayipa nuhiyekemni ka wadit.

Matews 5:16

Hene amawka hawata yihiyekemni ku pariye ke wotbe kabutennebe in kabutnihwa. Kahadbe ku aysaw hiyeg hiyap ini kabayka ku pariye yis keh, igkis kabayha Wigwiy inurikyene.

Matews 5:45

Kahadbe yis humaw Wigwiy inurikyene gikamkayuvwi, awaku yihiyekemni kewa gidahanbe, mmanawa ig Uhokri kabutni kamuw givititkis hiyeg mbayave payak gikakkis hiyeg kibeynevwi. Ig waykkis muwok givititkis hiyeg wadityevwi payak gikakkis hiyeg kane wadityevwima.

Matews 6:14

Mmanawa ku yis bayahmina pahavwi ariw gitaraksan yikak, nikwe hawata Wigwiy inurikyene bayahminay ariw yitaraksan gikak.

Matews 6:30

Egkis ivuriti he ewaktinen egkis waditnevyenen. Ku avim inin egkis ay amadga inin. Takuwanekme egkis yuma ay akiw egkis bukahavepka. Yis ka aynsima pi kavigte git Uhokri mpiy ivuriti. Ku yis hiyap ig Uhokri iki gubereswankis, yiskata akiw ig ka iki yit yikawihni akiw? Mmahki yis ka kamaxwa givitit Uhokri?

Matews 6:32

Ku yis awnptaw hene, yis humaw kewa hiyegbe ku pariye kane Uhokriyanvuma. Ignes avanenekwa wakaymni aharit madikte ini. Yisme ka muwaka wakaymni hene. Wigwiy inurikyene ig hiyak madikte ku pariye yimawkanitnene.

Matews 7:11

Ku yis hiyap yis taraksavye iki kibeyne arikna gitkis yikamkayuvwi, igkata akiw Wigwiy inurikyene? Ig iki kibeynewa arikna ta gitkis neras ku pariye ayepnevwi git.

Lúkas 11:12

Hawata akiw, ku yikamkayh aya antiyan yit, yis kawnata iki akuwma git.

Lúkas 11:2

Igme kaytwa giwnkis: — Ku aysaw yis piriyepkaw, awnanay han: “Wiguh, usuh kabayhap. Pis ka pikiytanisima. Ba ayta kumaduka amadga inin.

Lúkas 18:7

Ku yis hiyap ig amnihpig, igkata Uhokri akiw ig ka amnih gihiyegavu ku pariye amnihswenevwi git takunipti? Mmah ig ayivwihwaki adahan ig amnihgikis?

Joawh 4:10

Igme kaytwa guwn: — Wake pis hiyakbe ku pariye Kiyavwiye Uhokri ik adahan iki pit, wake pis hiyakbe ku pariyene nah, nikwekam pis makahpawkam un nutuh. Nahme ikkam pit un ku pariye keh pis aymuhwa adahan avanenekwa.

Attus 2:38

Igme Pedru kaytwa giwnkis: — Wagesnabay yihiyekemni ariw yitaraksan. Kewvinabay ahakwat un mpuse yaytak giwavrik Kiyavwiye Jesus Cristo adahan yis amevene inin ku Kiyavwiye Uhokri bayahminay ariw yitaraksan. Ayge nikwe ig iki Gitip yivititnek.

Romanus 5:17

Henewatbaki in. Miyaka gidahankis madikte hiyeg awaku gitaraksan pahavwiwa awayg. Igme Jesus Cristo ig pahavwiwa keh wixwiy uti kabayka ka aynsima pi kiyeste ariw ini mbayka. Madikte hiyeg ku pariye amava Uhokri gabay ku pariye ka nibayisima, madikte hiyeg ku pariye ig keh kewa kibeynevwibe giwtrik akak gabay, igkisnewa aymuhwanek gimun Uhokri igkis kumadukanek adahan avanenekwa, avitimpi ku samah igkis pahavwiwa gikak Jesus Cristo.

Romanus 7:18

Nah hiyakni ku nuhiyekemni amadgaya inin ku in kuwis patehwevye, yuma kabayka ay nibet. Mmanawa nah kehkere kabayka, heneme nah ka hiya nikehka.

Romanus 8:32

Kibeyne, ig Uhokri kuwis ekke ka aynsima kabayka wotwiy. He ig ka kavigsa gidahanwa gikamkayh wowiy. Ig ikevgi adahan hiyepne mbeyne udahanwiy. Yuma kabayka hene akiw. Ku wis hiyap ig kuwis ike gikamkayh udahanwiy, inkata akiw ig ka iki wotwiy madiktema kabayka?

Titu 3:3

Mmanawa minikwak wixwiy kewa nerasbe kireteyenevwibe. Wixwiy kawnata hiyak hawkri. Avim ini wixwiy kawnata ihpa ukivarawiy giwnkis. Wixwiy hawata taraksavye. Avim ini wixwiy kumadukasa uhiyekemniwiy arit uhiyekemniwiy minikweknene abetki, arit batekka amadgaya inin. Ayge wixwiy wew kanaktinbet gikakkis hiyeg, wixwiy atihpene hiyeg. Wixwiy amiyhewbet pawtak.