Lúkas 11:1 - Uhokri Gahegbetawni Nukune akak Sawmus

¹ Avim ini hawkri ig Kiyavwiye Jesus piriyepkewne amun paha iwetrit. Pisenwa giviryepkawni, pahavwi gaytakkis gikannuhnivwi aya git: — Kiyavwiye, uya kannuh usuh piriyepkaw ku samah Joawh Batistamni, ig kannuh gikannuhnivwi piriyepkaw.

Uhokri Gannasan

¹ Apim ini hawkri ig Kiyapwiye Jesus piriyepkewne amun pahá iwetrit. Pisenwa gipigyepkawni, pahapwi gaytakkis gikannuhnipwi ayá git: ―Kiyapwiye, uyá kannuh usuh piriyepkaw ku samah amekene João Batistamni, ig kannuh gikannuhnipwi piriyepkaw.

Lúkas 11:1 Iomraidhean Croise

Sawmus 10:17

Igkisme neras ku pariye tuwatasewnevwi pitivut pis timapnek giviryepkawnikis. Pis ikinek gawaygikis.

Sawmus 19:14

Kiyavwiye, numawkan madikte nuwnuh ku pariye ay nubiyrik akak madikte nuhiyekemni, numawkan madikte in kibeynekuye ay piwtrik. Mmanawa pisnewa nawayghetni, pisnewa namnihten!

Lúkas 10:42

Henneme pahat arikna ay pi kabayte adahan wis keh. Eg Mahi kuwis kaniye ini ku pariye kabaytenene adahan eg keh. Eg timapno nuwnuh. Nah ka miniwkisgu niw.

Lúkas 11:2

Igme kaytwa giwnkis: — Ku aysaw yis piriyepkaw, awnanay han: “Wiguh, usuh kabayhap. Pis ka pikiytanisima. Ba ayta kumaduka amadga inin.

Lúkas 6:12

Ayteke ariwnteke ini ig Kiyavwiye Jesus tivik ta avitit paha waxri imuwadnene adahan ig piriyepkewne. Hewke tiyegem ig piriyepkewne git Uhokri ayge.

Lúkas 7:13

Ig Kiyavwiye Jesus hiyapni hene, ig ka aynsima kayah gudahan. Ig awna gut: — Ka muwaka tih.

Lúkas 7:19

Igkisme danuh atere, igme awna gitkis: — Su yi iwasa Kiyavwiye Jesus baki ignewatma ner ku pariye nehmnikuhpiye nuhavuh butte. Ba kawk, ba wixwiy wahap pahavwi nawenyewa ku pariye nehmnikuhpiye nuhavuh butte akiw?

Lúkas 9:18

Avim ini hawkri ig Kiyavwiye Jesus piriyepkewne ig pahapo. Igkisnewa gikannuhnivwi ayge gikak. Ayge ig ayavgikis: — Pariyeki givewkankis hiyeg ikanuh nah kuri?

Lúkas 9:28

Ayteke ariwnteke ini pahay paka, ig Kiyavwiye Jesus iwe Pedru gikak Tiyagumni, gikak Joawh adahan igkis atak gihapti. Ig awna gitkis: — Uyay atak piriyepkaw. Igkis wagehe avitit paha waxri imuwadnene.

Ebréws 5:7

Ku samah ig Kiyavwiye Jesus ihtikeknete ay amadga inin, ig kayah hawata ke wixwiybe. Avim ini ig amnihswe git Kiyavwiye Uhokri ku pariye ignewa hiya giwiwhka abetitak miyaka. Ig piriyepkaw git akak madikte giwakemni. Ig suke gikantak. Ig tihene kihaw. Igme Kiyavwiye Uhokri timep giviryepkawni mmanawa gayapni abet giviryepkawni in adahan ig keh Kiyavwiye Uhokri gibetkinen.

Judas 1:20

Yisme nukebyuvwi kibeynevwi, misakwanabay aymuhwenene akak Uhokri gihiyekemni ku pariye barewbetye ay yivit. Misakwanabay piriyepkewnene gikak Kiyavwiye Uhokri Gitip.