Lúkas 10:42 - Uhokri Gahegbetawni Nukune akak Sawmus

⁴² Henneme pahat arikna ay pi kabayte adahan wis keh. Eg Mahi kuwis kaniye ini ku pariye kabaytenene adahan eg keh. Eg timapno nuwnuh. Nah ka miniwkisgu niw.

Uhokri Gannasan

⁴² Henneme pahat arikna ay pi kabayte adahan wis keh. Eg Mahi kuwis kaniy ini ku pariye pi kabaytenene adahan eg keh. Eg timapno nuwnhu. Nah ka miniwkisru niw.

Lúkas 10:42 Iomraidhean Croise

Sawmus 119:111

In pikumadukan innewa nudahan avanenekwa. In keh nuyakni batek.

Sawmus 119:173

Kiyavwiye, ba ayta ayavan avanenekwa, mmanawa nah kuwis kaniye wew avigkut pikumadukan.

Sawmus 119:30

Nah kuwis kaniye adahan nah wewne akak pihiyekemni inyewatnene. Hawata nah battukewnene ihpa ini pikumadukan adahan waymuhwan.

Sawmus 142:5

Kiyavwiye, nah kabiman adahan amnihswene pit. Kiyavwiye Uhokri, pisnewa numaptenten. Pisnewa madikte ku pariye numawkan amadga inin.

Sawmus 17:15

Nahme hiyapinek, mmanawa pis hiyavun nah kibeyne piwtrik; hawata, ku aysaw nah wadisnek amun nawenyewa nuvituh, nah bateknek ka aynsima awaku ku samah nah kuwis ay pivetun, pisme ay nukakuh.

Sawmus 27:4

Nah pahatwowa nayapni git Kiyavwiye Uhokri Dehetniye, in ku pariye nah aharit ininewa: numawkan ig isaksan nah misakwa ay gimun takunipti ku samah nayivwi adahan nah hiyepne gibewi, nah ikatuswene git.

Sawmus 73:25

Pisnewanek nudahewekten aynte inurik. Nikwe ku samah nah aytente ay amadga inin nah ka muwaka ariknawnama akiw. Ininewa numawkan adahan pisnewa nudahewekten ay.

Markus 8:36

Ku pahavwi darih madikte igiska amadgaya inin heneme ku ig biyuke giw Uhokri, amun ini nikwe ini igiska waditnevyenen gidahan.

Lúkas 10:39

Eg kadahan gusamu pahavu tino kewyo Mahi. Egme Mahi bat givetun Kiyavwiye Jesus adahan eg timapno giwn.

Lúkas 11:1

Avim ini hawkri ig Kiyavwiye Jesus piriyepkewne amun paha iwetrit. Pisenwa giviryepkawni, pahavwi gaytakkis gikannuhnivwi aya git: — Kiyavwiye, uya kannuh usuh piriyepkaw ku samah Joawh Batistamni, ig kannuh gikannuhnivwi piriyepkaw.

Lúkas 12:20

Heneme Uhokri awna git: “Pis mahayakempiye awayg. Ka ba pis hiyap ku avim inin mitipka pis umehpikanek? Madikte ini pewkanbet ku pariye pis darihe in misekwe gidahankis nawenyevwi hiyeg.”

Lúkas 12:33

Hiyawa yis piyuk yewkanbet, yis amnih hiyeg madiptavye akak akakuravig. Ayge nikwe yis utinek yewkanbet ku pariye kane madikti yiw. Yis kadahanek igiska aynte inurik ku pariye dahwa adahan avanenekwa. Ayge yuma amevwavye danuh atere adahan ignes kidisnes yewkanbet. Ine masumsu ka kagehbeta kamis.

Lúkas 16:2

Ig gikivara timapni hene, ig watihe ner gihiyega. Igme gihiyega danuh atere, igme gikivara awna git: “Mmahki nah timap mbeyevye pak hene? Asa tamak amadga kagta madikte ku pariye piwiwhni, nah muwka madikte ayvekuye amadga kagta. Ayteke pis tivik. Ka hiya pisma avuriw newkanbet akiw.”

Lúkas 16:25

Igme kiyavwiye Abraawh kaytwa giwn: “Nukebyi, kiyeminahnaba ku samah pis amadgate hawkri pis hiyap ka aynsima kabayka. Igme Lazaru hiyap ka aynsima mbeyne ayge. Kurime ig aydhaka ka aynsima ay numunuh, pisme ay hiyepne mbeyne abet kayahwaki avatra pitaraksan.

Lúkas 18:22

Igme Kiyavwiye Jesus timapni hene, ig awna git: — Pehete muwak pit ku pariye pis kote ihpate. Amawka pis batek gikak Uhokri mpiy madikte pewkanbet. Ataknaba piyuk pewkanbet madikte. Ayteke nikwe pis iki akakuravig gitkis madiptavye. Ayge nikwe pis uti ka aynsima igiska aynte inuriknek. Ayteke pisenwa paviykan pewkanbet pis ayta wew nukakuh.

Lúkas 8:18

Ikinay yitew nutuh kabayntiwa. Ku pahavwi darih nuhiyekemni kabayntiwa, nikwe ig Uhokri akka git pi kiyeste akiw. Heneme ku pahavwi ka darih nuhiyekemni kiyesradima, nikwe ini nuhiyekemni wiwhpikanek abetitak gihiyekemni.

Joawh 11:1

Aynte paytwempu Betaniya ayge pahavwi awayg kakahriye. Giw Lazaru. Ig misakwa ayge gukakkis gisamuvwi kiyavuno Mahi gukak kiyavuno Marta.

Joawh 11:19

Inneki keh ka aynsima judeyenevwi giwewkistenkis jerusalémyenevwi atere gutkis kiyavuno Marta gukak kiyavuno Mahi. Igkis atere adahan gaydhetnikis adahan egkis ka kadni giharit gegnikis mpinevevyema.

Joawh 12:3

Egme Mahi avim ini eg awna: — Kiyavwiye Jesus kennesa gimiremni. Nah imihevgite. Eg iwe abusku lit imihgi kehka akak “nardu” inyekata. Ini imihgi ka nitiwnisima. Ayteke eg dimukwin gikugkavrikut Kiyavwiye Jesus. Ayteke eg manpuse gikugku akak gusemnu. Ini imihgi amihyi kivunse payt.

Joawh 17:3

Pisnewa igyewatnene Uhokri. Yuma pahavwinema kema pisma. Nahme pawahkisni Jesus Cristo. Ini ku samah igkis hiyakpi ini ku samah igkis hiyakun, innewa ku pariye keh igkis aymuhwa pimun adahan avanenekwa.

Joawh 4:14

Henneme ku pahavwi higap un nuwntak, igi ka arabyuti un akiw. Ini un nuwntak humaw ke un ariwtyakbe kane makarati in padeknenekwa dehetniki adahan avanenekwa.

Joawh 5:24

Ku pahavwi timap nuwnuh, ku ig iha giwn nawahkisten, ignewa kuwis kadeheten adahan avanenekwa. Ig ka ivukakanti hanpa arimkanit biyukwiki. Kawa. Ig kuwis pese abetitak miyaka tahan abetit dehetniki adahan ig aymuhwa gimun Kiyavwiye Uhokri adahan avanenekwa. Ihanabay inakni nuwnuh. Henewatbaki in.

Joawh 6:27

Ayteke ig awna gitkis akiw: — Ka yi muwaka mpiksaw aharit yimana ku pariye kane dehwevyema yimun. Mpiksawnay aharit ini yimana ku pariye dehwevye adahan avanenekwa, ku pariye keh yis aymuhwa adahan avanenekwa. Nah, ku pariye wageswe awayg amadgaya inin, nahnewa iki yit akebi ini yimana. Kuwis Niguh Uhokri ekke ku ig awahkisun adahanikwa ini.

1 Koríntyus 13:3

Hiyawa nah kakanhaw madikte newkanbet gitkis madiptavye. Hiyawa nah bukahkis nuvituh adahan nah ka wihwa giw Uhokri. Heneme ku nah yuma Uhokri gamnihra ay nuvituh, nikwe nah ka uti ariknawnema kabayka.

Gálatas 5:6

Wixwiy pahavwiwa gikak Cristo Jesus. Ku wixwiy hiwhka uvitwiy ini ka ariknawnema. Ku wixwiy ka hiwhkama uvitwiy ini kawnata ariknawnema. Heneme ku wixwiy kamaxwa givitit Cristo Jesus he wixwiy amnihak ke igbe ininewa keh wixwiy kewa kibeynevwibe giwtrik Kiyavwiye Uhokri.