Lúkas 10:34 - Uhokri Gahegbetawni Nukune akak Sawmus

³⁴ ig atere git, ig iwevgi, ig haviywote gibuskana akak win akak tivigu. Ayteke ig wanakute gibuskana akak kamis. Pisenwa ig kidiswig ig batahkiswig ta aduhyamadgat givig kaway. Ig waxwevgi ta arikut payt danuhpenevwi givinkis. Ayge ig avuriwvig.

Uhokri Gannasan

³⁴ ig atere git, ig iwepri, ig hapiywota gibuskana akak win akak tipigu. Ayteke ig wanakute gibuskana akak kamis. Pisenwa ig kidiswig ig batahkiswig ta aduhyamadgat gipig kaway. Ig waxwig ta agikut payt danuhpenepwi gipinkis. Ayge ig apuriwgi.

Lúkas 10:34 Iomraidhean Croise

Sawmus 147:3

Ig makniwa ku pariye kuwisnene mabimnebdi gihiyekemnikis. Hawata ig piyih gibuskanakis.

Markus 14:8

Eg keh ku pariye eg hiya asamanak. Eg imihevun adahan nahegbetepten adahan nah avuhpiki.

Lúkas 10:33

Ayteke ariwnteke ini pahavwi samariyene tivikwiye hawata avigku ini ahin. Ig danuh atere givaknit igi awayg, ig hiyapni hene ku samah ig biptepka, ig kayah gidahan, ig amnihpig. Hiyeg samariyenevwi amiyhaw pawtak gikakkis hiyeg judeyenevwi, heneme

Lúkas 10:35

Hewke akiw ig iwe mmukna karukri ig ike ta git payt akivara. Ig awna git: “Uya amnihun avuriw nudahan ner awayg. Ku pis sarayh mpiy nor karukri, kuwewanek nudiyepninek nah diyuhkis pikakura awenyan.”

Lúkas 2:7

Heneme yuma iwetrit ayge gudahan ariku payt danuhpenevwi givinkis. Ayteke nikwe egkis ute paha payt pak avin. Ayge eg sarayhe gukamkayh guhimnatine. Eg awasamkuhpig akak giybet. Eg haritasevgi amadgat pak amanarati.

Romanus 12:20

Ka ininewatma yis ka diyuhkisgima, heneme amawka ku yis amnihgi ku samah Uhokri gannasan awna adahan yis keh. In awna: “Ku pivetunya mativwevye, amnihnig ikapnig. Ku ig arabyuvye un, ikapnig akak un. Mmanawa ku pis keh hene, amun ini nikwe pis wanekbetene gihawkan ke wotbe pis ikenebe tiket amey ta gitewharit. Ig ka ik adahan ig misakwa akak gidahan gihiyekemni, ayge ig marekevwe.”

1 Tesalonisenses 5:15

Avuriwnabay yihiyekemni adahan yis ka diyuhkis mbayka akakwatama mbayka. Heneme avanenekwa mpiksawnay keh kabayka yisweke pawtak hawata gikakkis madikte hiyeg.