Lúkas 10:29 - Uhokri Gahegbetawni Nukune akak Sawmus

²⁹ Igme ner awayg wihwevye ariw ini ku samah ig ka batek gikakkis madiktema hiyeg. Nikwe ig awna git Kiyavwiye Jesus: — Pariyevahki nuyakivwi hiyeg adahan nah batek gikakkis?

Uhokri Gannasan

²⁹ Igme ner awayg wihwepye ariw ini ku samah ig ka batek gikakkis madiktema hiyeg. Nikwe ig awna git Kiyapwiye Jesus: ―Pariyepahki nuyakipwi hiyeg adahan nah batek gikakkis?

Lúkas 10:29 Iomraidhean Croise

Markus 8:34

Ayteke ig Kiyavwiye Jesus pahadguhe ka aynsima hiyeg gikakkis gikannuhnivwi. Ig awna gitkis: — Ku pahavwi humewkerevye nuhiyega, amawka ku ig ikise gidahan gibetki. Amawka ku ig umahkise gihiyekemni amadgaya inin ke wotbe ig daddahkiswinbe ta aminat ah. Amawka ku ig ikaw hawata ke nahbe.

Lúkas 10:36

Pisenwa gawnan inakni iwit, ig Kiyavwiye Jesus awna ta git ner awayg: — Kuri nah muwaka pis kaniy. Ku aysaw ner awayg patiptekwika gikakkan gavitkis amevwavye, pariyevahki gaytakkis igkis mpananene awaykemni, pariyevahki gaytakkis kayah gidahan giyaki hiyeg ke givitbe?

Lúkas 16:15

Ig Kiyavwiye Jesus hiyapni hene, ig awna gitkis: — Yis ikawnamah ke wotbe yis kibeynevwibe giwtrikkis hiyeg, heneme Uhokri hiyak ku pariye ay abet yihiyekemni. Ay ku pariye hiyeg iki ku in kibeyne bawa in aseneweke ta git Uhokri.

Romanus 10:3

Mmanawa igkis ka hiyaknima ku ignewa Uhokri kannuh waditha hiyeg. Gimawkankis igkiswa humaw kibeyne hiyeg akak gimaviswankis akak gikehbetankisnenwa. Inneki keh igkis ka isaksa Uhokri wadithigkis.

Romanus 4:2

Wake he gimaviswanen akak gikehbetanen keh ig humaw kibeynebe giwtrik Uhokri, nikwe ikkam adahan ig keh giwanti nikakkam. Heneme kawa. Ig ka hiya igma keh giwanti giwtrik Uhokri henentima.

Gálatas 3:11

Heneme hiyawa hiyeg iha ariwn amekene Moís gikumadukan madikte heneme ka innema keh Kiyavwiye Uhokri hiyap pahavwinema kewa kibeynebe giwtrik. Inakni kahayak huwewe wotwiy awaku Uhokri gannasan awna: “Pahavwi ku pariye kakamaxwan givitit Kiyavwiye Uhokri, ignewa kibeyne giwtrik Kiyavwiye Uhokri, ig aymuhwanek gimun Kiyavwiye Uhokri adahan avanenekwa.”

Tiyagu 2:24

In kahayak huwewe nikwe ku ig Kiyavwiye Uhokri hiyap hiyeg kewa kibeynevwibe giwtrik awaku ku samah igkis wew akak gihiyekemni. Ku igkis kamaxwa givitit heneme ku igkis ka wewnema akak gihiyekemni, nikwe ig Kiyavwiye Uhokri ka hiyavgikis kema wadityema giwtrik.