Lúkas 10:27 - Uhokri Gahegbetawni Nukune akak Sawmus

²⁷ Igme kaytwa giwn: — Amekene Moís gikumadukan awna: “Bateknabay gikak Kiyavwiye Uhokri avititak madikte yiyakni. Bateknay gikak akak madikte yibetki. Bateknay gikak akak madikte yidatni. Bateknay gikak abet madikte yihiyekemni. Hawata akiw yis batek gikakkis yiyakivwi hiyeg hawata ku samah yis batek akak yivit.”

Uhokri Gannasan

²⁷ Igme kaytwa giwn: ―Amekene Moís gikumadukan awna: “Bateknabay gikak Kiyapwiye Uhokri akak madikte yiyakni. Bateknay gikak akak madikte yibetki. Bateknay gikak akak madikte yidatni. Bateknay gikak abet madikte yihiyakemni. Hawwata akiw yis batek gikakkis yiyakipwi hiyeg hawwata ku samah yis batek akak yipit.”

Lúkas 10:27 Iomraidhean Croise

Matews 19:19

Kiyatha pig. Kiyatha pinag. Batek gikakkis piyakivwi hiyeg hawata ku samah pis batek akak pivit.

Lúkas 10:26

Igme Kiyavwiye Jesus kaytwa giwn: — Pariye iwit tamak amadga amekene Moís gikumadukan amin inakni? Pariye pis hiyap ayge nimadga?

Romanus 13:9

Ig Uhokri gikumadukan awna adahan wis ka powkemnihwa, adahan wis ka umah uyaki hiyeg, adahan wis ka amevwi, adahan wis ka miyahaw, adahan wis ka keh ariknawnema mbayka akiw. Madikte inakni gikumadukan in kuwis ay abet inin gikumadukan: “Batek gikakkis piyakivwi hiyeg hawata ku samah pis batek akak pivit.”

Gálatas 5:13

Nukebyuvwi, Kiyavwiye Uhokri humekwewiy gimkat adahan yuma pahavwinema amadgaya inin kumaduka uhiyekemniwiy akiw. Heneme ka yi muwaka ikiy nikwe ku ka sam yis mpiksaw aharit yidahanwa kabayka ku samah yihiyekemni minikweknene. Kawa. Ihpaknay pawtak adahan yis kehne kabayka pawtak adahan yis amnihekne.

Ebréws 8:10

Kurime nah akkite yit ku pariye nah ahegbetanek gikakkis nuhiyegavu judeyenevwi aysawnemenek. Aysawnemenek nah kawihkis nuhiyekemni givititkisnek. Nah ka tamakni he amadgat tipnenwatma. Heneme nah tamekninek avitit giyaknikis. Avim ini nah humaw igyewa giwohkigakisnek igkisme humaw igkisyewa nuhiyegavunek.

Tiyagu 2:8

Uhokri gannasan awna adahan wixwiy amnih hiyeg hawata ku samah wixwiy amnih uvitwiy. Inakni gikumadukan kabayte ariw madikte kumadukaki. Ku wixwiy inyewa iha inakni gikumadukan, amun ini nikwe wixwiy kehne ku pariye Kiyavwiye Uhokri gimawkan.

1 João 3:18

Nukamkayuvwi, uyay batekak inyewa avititakwa uyakniwiy. Uyay amnihak pawtak. Amawka ku wixwiy ka batekak akakma unetniwiynenwatma akakma uhepkawiynenwatma.